HOSEA 8:13 - Lacid Common Language Bible

¹³ Nyangnu" gi ngoo ri xoin" ngei" byid: lho: hau: xoin" joem mo shoo" ri zo: ago". Nghoid loug we' ngoo Aseing gi hau: ziri angei byid: wigi akhid" ngoo gi nyangnu" da" yooboo ri xoem" ci: ziyo' hau: gang mo nyangnu" ri yooboo dam byid: wa. Ngoo gi nyangnu" ri Egutu khyoo: doem tau" nhang: kaid wa.

HOSEA 8:13 교차 참조

THU' LO" MOUGSOUG" 20:3

«Ngoo mo lid gootu: yu phara ri ano' goo".

THU' LO" MOUGSOUG" 32:34

Akhid" yhe: wigi ngoo nang ri tid to" da" hau: joyoo khyoo: byumyu" yiri shu" yhi: we'. Nga" moug: lagyoo: yi nanu" ri lhoug zung" nyid wa ziri boin: soo" nyid we'. Nghoid loug we' hau: byumyu" yiri nyangnu" yooboo shid re" ngoo yooboo dam byid: wa ayo, gi ju" lo nyid bye:» ga: tid.

DANG: ZHOEM 21:27

Akhyeing" ashoeb, mo, xoin" ngei" byid: ziri Aseing ngheung" nyid. Nyangnu" da" nheigloem: moo: age ziri myid lho: ngei" byid: xoin" ri je" ngheung" nyid.

ESAIA 1:11

Nyang: tid zigi «Nanu" ngoo ri ngei" byid: nyid boem da" xoin" hau: joem dangain" ri ngoo vho: da: ein: jhoo: go" rhe". Nanu" xoin" khyo" nghe' ngei" da" yang joem yo’ young" da" gougnyhoug joem da" xu: tho' ngoo je yo" da:. Ngoo gi nu loo: joem yang joem coidbaid joem da" suid" ri ngheing" bye:.

YEREMIA 14:10

Aseing gi he: byumyu" yi khyoo: ri tid da:. «Nyangnu" gi ngoo mo phang: loo" wa gye" ngei boem ago". Houg: lho: nyangnu" gung ri avhoeb khang" nghoid ago". Houg: yoomo ngoo gi nyangnu" ri ayu" vhoo:. Ngoo gi nyangnu" koid shoid ziri myid boin: wigi nyangnu" da" yooboo joem gang mo nyangnu" ri yooboo dam byid: wa» ga: tid da:.

YEREMIA 6:20

Nyangnu" Sheba mo zi nga" jang" moo ci: ri" byid: da" nam pyo: xu: joem ri ngoo cishu: nhang: byid: la". Moug: vi: mo ci: loo byid: da" xoin" phei" joem ri ngoo cishu: nhang: byid: la". Ngoo gi nyangnu" jhungshug xoin" ri akham: yu byid: wa. Nyangnu" xoin" joem ri we' alhoem: ngei" byid: wa.

EZEKIEL 29:16

Israela byumyu" yigi pang" thoug yu wa shid re" nyangnu" ri khanham we' adoem khoug: nghe: loo wa. Egutu da" vhu" pi: lo, kyo' gi nyangnu" ri khoug: nghe: zi khayhi' shoid ga: khyoo: Israela ri tid poin" da" khyo" bui loo wa. Houg: lang" Israela gi ngoo yoem: moo" bo Aseing nghoid ziri se' loo goo" wa.

HOSEA 11:5

Nyangnu" gi nga" jhang doem tau" loo wa ziri ngeug pyam ago". Houg: yoomo nyangnu" gi Egutu khyoo: doem phang: tau" loo" ca" ziyo' Asuri gi nyangnu" ri vhoeb zo: loo wa.

HOSEA 12:11

Nghoid loug we' Gilead mo soolhoo: joem ri no' ago". Houg: lho: hau: joem ri no' bang: gi shid: loo goo" wa. Gilgala mo nujung loo: joem ri xoin" ngei" byid: ago". Houg: lho: hau: joyoo mo phoin: joem gi jang: pa: moo lug go, boem bue" loo goo" wa.

HOSEA 4:9

Hau: byumyu" yi yo' dakhyo" nanu" we' yooboo dam loem zo: loo goo" wa. Ngoo nanu" ri yooboo dam byid: wigi nanu" shoid vhang: da" akhyeing" ashoeb yooboo shid re" aphoug" xab nhang: wa.

HOSEA 5:6

Nyangnu" gi Aseing ri xoin" ngei" byid: wa shid re" nyangnu" da" yang joem yo' nu joem ri she: yhe: ago". Nghoid loug we' houg joem gi nyangnu" ri ce: akyu" abyid: nghoid da:. Nyangnu" gi nyang: ri ashau" sho: myang loo: nghoid ago". Ciwim gari nyang: gi nyangnu" ri too" kho' abye:.

HOSEA 6:6

Ngoo gi nanu" da abei abyo, da" jheddab myid ri vho da:. Nanu" da" gougnyhoug xoin" ri avhoo:. Ngoo nga" byumyu" yi wigi ngoo ri nghe' ngei" xoin" to' byid: tho' nga" byumyu" yi wigi ngoo ri se boem wa zi je vho: da:.

HOSEA 7:11

Israela gi nheig agyeing: da" jid: u yo' dakhyoo" myonhoo: sho: lheing yen" da:. Xang: shi" moo nyangnu" gi Egutu khyoo: pang" thoug yu wa yhe: mho' da:. Hau: thang: nyangnu" gi Asuri jhang tang" yhe: ago".

HOSEA 7:16

Nyangnu" gi nga" jang" mo vi: khyoo: phang: lo" wigi ce: yoem: so' abo da" yu phara" jhang yhe: ago". Nyangnu" gi adu da" lid: yhang: ti" loem age" da" bang: nghoid da:. Nyangnu" da" vhujhung: yigi nghoid boin: dang: tid yoomo nyangnu" gi mi: shid: shid loo goo" wa. Houg: lho: Egutu byu yigi yi juang" byid: goo" wa» ga: tid da:.

HOSEA 7:2

He: akhyeing" ashoeb moo" zoo" ri ngoo myid boin: wa ga: ziri nyangnu" nheigloem: moo khanham we' avang nghoid da:. Nghoid loug we' nyangnu" da" yooboo joem gi nyangnu" ri lheing khoem to" da:. Houg: lho: nyangnu" ri amyang sho' ngoo ayo" jang" pyam nghoid da:.

HOSEA 9:6

Yau: khi" yoem" ju" wigi hau: byumyu" yi phang: sain" lo" da" uri Egutu byu yi ge' nyangnu" ri shoem" zheing" yu loo goo" wa. Nyangnu" ri Memphi moo myhoeb pyam wa shid re" shoem" zheing" yu loo goo" wa. Nyangnu" da" ngei ziyoo joem yo' nyangnu" yhoem: jo lid lo da" joyoo yhoem: yoo joem gi mhain" joem yo' se: nghoeb pyam lho: myo, yo' zu: kyen: joem wigi yug nghoeb pyam loo wa.

HOSEA 9:7

Yooboo dam byid: wa ayo, gi ju" loo bye:. Hau: byumyu" yi nyangnu" shoug" kham zoo: wa moin: yi" zi yo" yu wa ayo, ju" bye:. Hau: zi bue" lo uri Israela byumyu" yi hau: khyoo: ri si' goo" wa. Nanu" gi «He: Lapi: phoo gi koo" su: nghoid da:. He: Venyi yoem boo su: gi suid" byo, da» ga: tid ago". Byu nanu" gi nanu" da" yooboo sung gyi: yoomo ngoo ri ngheing" ago".

HOSEA 9:9

Nyangnu" gi Gibea moo yo' dakhyo" nyangnu" koid moo" moo myid byu jang: aboo loo: sho' akhyeing" ashoeb nghoid ago". Mangsoo gi nyangnu" da" yooboo xoem" ci: wigi hau: gang mo nyangnu" ri yooboo dam byid: loo wa.

AMO 3:2

Mougmyid tho' mo byumyu" dangain" jang" moo nanu" ri za: ngoo dasi' yoomo goin coung: lo zi nghoid. Hougsu" nghoid yoomo nanu" da" yooboo joem gi gye" yu" gyoug yu" lhung: sho' nghoid nyid bye:. Houg: yoomo hau: yooboo joem da" gang mo nanu" ri ngoo yooboo dam byid: ca" bye:.

AMO 5:22

Nanu" da" myi: nghe' xoin" yo' zoo: noem xoin" to' byid: ziri ngoo kham: yu loo wa zi anghoid. To' byid: xoin" khyo" ci: re" da" xu: sho' khu: myhu: to" gougnyhoug joem ri we' ngoo lhoem: kham: yu loo: wa zi anghoid.

AMO 8:7

Israela da" Aseing Mangsoo gi nheing" khoin" kaid bye:. Ngoo gi nyangnu" da" moo" zoo" ri khanham we' to" myhid loo: wa zi anghoid.

LUKA 12:2

Nghoeb to" da" zi dangain" gi phang shug loo wa. Yhoem" to" da" zi dangain" we' shau" myang loo wa.

1Korinthians 11:20

Nanu" dage" zoeb, phoung: nyid shi" ri- hau: Aseing da" myen" xoin: zoo: pue" shid re" phoung nyid boem zi anghoid.

1Korinthians 11:29

Ci: yoomo gari- hau: zooyho, ri zo: lho: hau: goem ri shoug uri- Hau: Aseing gung doem: da" dang: kang: ri ase' gyo: su: gi nyang: tu: nyang: ri dang: phyed zi shoug" wa khyo" zo: shoug nyid zi danghoid.

1Korinthians 4:5

Houg: su" nghoid yoomo ayo, aju" shi" ri- nanu" dayug yo' dayug gi hang" ri nghoid loug we' tarha" dang: aphyed byid: nyid goo. Lo" thang bidnyid moo: tarha" dang: phyed wa da" Aseing ju" ri" sho' dalang" nyid ge'. Nyang: gi moug: coid khoug: moo: yhoem" to" da" moozoo" ri we'- byu yi da" nheigloem: khoug: moo: zau" to" da" myid soin: khyoo: ri we'- thoid' shoug thu' loo wa zi nghoid. Hau: bidnyid ri byu yug khang" moo" gi nyang: yo' moin: yi" da" Mangso wigi: coung" nghei ngi: shab, khyoo: ri shau" kham: yu boem wa zi nghoid.

TARHA" TID POIN" 28:68

Aseing gi nanu" ri Egutu khyoo: khanham we' adoem yhi: ca" lo: wa ga: tid too" nghoid loug we' nanu" ri gyid sangphoo khyo" Egutu khyoo: doem tau" de" pyam loo wa. Houg: moo nanu" gi nyang: nya: gung ri gyivoo yi jhang join khyo" oung" zoo: wa yoem: kaid nghoid loug we' nanu" ri hang" we' anau qei yu goo" wa.

Pang Shug 16:19

Babelon voomoo" zeing gi soem" gang go, gyam: gyo" pyam' bye- moug: myid tho' moo voomoo" joem dangain" we' byo, yoin" lo" pyam' bye. Mangsoo gi Babelon voomoo" ri myid boin: nyid zoore"- nya: da" goem, mo nheig gyed" ein: da" so' thain: thang da" zabyid yhid" ri shug nhang: abye:.

1 SAMUELA 15:22

Samuela gi «Aseing gi ce: noem ri vho: nyid lha". Jidang: gyo: ziri lha". Anghoid lang" xoin" ngei" ziyo' xoin" joem ri lha". Nyang: ri ge thang da" yang xoin" ngei" tho' mo nya: jidang: gyo: zigi je ge nyid zi nghoid.