HOSEA 7:9 - Lacid Common Language Bible

⁹ Tungbau yiri khau: nghe: zigi nyangnu" da" yoem: ri lhoid yu pyam ziri aboin: soo" nghoid ago". Nyangnu" da" bidnyid joem gi thang jo, bye:- Nghoid loug we' nyangnu" gi hau: ziri si' lang" asi' goo" nghoid da:.

HOSEA 7:9 교차 참조

2 KHOKHAM 13:22

Suri khokham Hazaela gi Yehoaza vhoeb da" ayo, moo Israela byu yiri zeig zo: da:.

2 KHOKHAM 15:19

Asuri Khosen Tiglad Pilesa gi Israela mung" khyoo: jhen" vang re" lho: Menahem gi khokham pho wigi pang" thoug byid: ziyo' mungdain: dang moo Menahem da" yoem: so' ri yoem: boo nhang: ziri shoug" wa shid re" nyang: ri ngei joem: soem" xe: shed tain: byid: da:.

DANG: ZHOEM 23:35

Nang gi ngoo dakhyi, khyi, moo: thoung" yu bye: myang- dayug yug wigi ngoo ri re" baid too" sam" bye:- ngoo aboin: loo nhung: ngoo ciwim wigi aboin: asoo" wim bye: lha". Doem shoug kaid shi" wa la: ga: tid loo wa zi nghoid.

ESAIA 1:7

Nanu" mungdain: gi jham" coug: youg bue" byug wigi nanu" da" voomoo" joem gi myidgung mo nghe" gyo" pyam to" abye:. Nanu" yu" nyid uri nyang: tungbau byu yigi nanu" mungdain: ri seing: yu pyam lho: ja: khang" moo" ri phyo' shoin' pyam ago'.

ESAIA 48:8

Nanu" gi thougtheung gyi koid to" zi khanham we' meing: fu" lo boem yoomo nanu" ri age loem da" khyoo: ri ngoo se'. He: gang mo nanu" khanham we' ashau" gyo: yu" nghoid ago". Dakhoin" we' nanu" nukhyab khyoo: ciwim yoomo aju" re" la.

ESAIA 57:1

Byu gi yi shid: wigi hang" we' hau: ziri ase' gyoo:- ci: lang" we' ajhoo: nghoid ago". Nghoid loug we' nyangnu" shid: lo" boem uri kyi" kyeug yau: khi" ce: ja: wigi we' nyangnu" ri dam ayo" tab nghoid da:.

HOSEA 4:6

Nga" byumyu" yigi joem: lo" boem bye:. Ciwim gari nyangnu" gi ngoo ri ayhen: yu nghoid ago". Khainjung yi nanu" gi ngoo ri yhen: yu wa he: pyam lho: nga" jhoug" shed khyoo: ri ngeug pyam abye: go". Houg: yoomo ngoo gi nanu" ri ngeug pyam lho: nanu" da" yuggi zoo: yiri we' nga" da" khainjung yi khyo" ayhen: yu wa.

HOSEA 8:7

Nyangnu" gi lid ri sho" kaid ri lid zoo" ri shau" yham" yu wa. Ayang" da" shivoo: yoo gi khanham we' zooyho' dakhyab yo" bui" nhang: wa zi anghoid. Hau: ziri zooyho' yo" koid nghoid loug we' hau: zigi tungbau: byu yi ge' zo: pyam byid: loo wa.