HOSEA 7:7 - Lacid Common Language Bible

⁷ Nyangnu" da" nheig yo: zigi lung re" wigi nyangnu" gi nyangnu" da" vhoebkhang" bang: ri said pyam ago". Nyangnu" da" khokham yigi dayug bain thang: dayug khau" said pyam shau" ago". Nghoid loug we' pang" thoug yu wa shid re" nga" jhang hang" we' akyu" amho' nghoid ago"» ga: tid da:.

HOSEA 7:7 교차 참조

1 KHOKHAM 15:28

He: khyoo: bue" zigi Yuda khokham Asa vhoebkhang" da" soem" zain ein: zain ri nghoid da:. Hougsu" yoomo Basha gi Nadab joyoo moo Israela khokham khyo" khoo" doem zhung: nyid bye:.

1 KHOKHAM 16:18

Zimri gi voomoo" gyivoo lo, khoug: khyoo: gyo" pyam bye: ziri myang lang" nyang: gi khokham khoo" akhoug: mo gyigoo zung khyoo: vang loo" bye:. Khokham khoo" myi: nge" wigi myiyham: khoug: moo: nge" shid: byug bye:.

1 KHOKHAM 16:22

Lo" thang moo: Omri ri vho: nyid bang: oung: byug bye:. Tibni shid: bye: ziyo' Omri khokham bue" loo bye:.

2 KHOKHAM 10:14

Yehu gi nya: byu yiri «Houg bang: ri adei myheig yu ge'» ga: amyeing" byid: da:. Nyangnu" gi houg bang: ri myheig yu ago". Nyang: gi hau: anam moo jo, da" duang: khuang" daloem: moo houg bang: dangain" ri said zei pyam da:. Dangain" myid: xe: eig yug nghoid lho: nyangnu" mo dayug riwe' ateing too" nghoid da:.

2 KHOKHAM 10:7

Yehu da" mougsoug" ri shoug" yu boem yo' Samari mo vhujhung: yigi Ahab da" amyed ashen yi nyhed xi: yug goin" ri said pyam lho: houg bang: vhuloem joem ri gyoin joem moo kaid wigi hau: ziri Yezrela moo nyid da" Yehu jhang foin: kaid ago".

2 KHOKHAM 15:10

Yebesha da" yuggi zoo: Shalum gi khokham Zekharia ri thougtheung wigi Ibleam moo nyang: ri gau" said pyam lho: nya: khoo: moo khokham xo' koid da:.

2 KHOKHAM 15:14

Gadi da" yuggi zoo: Menahem gi Tirza mo zi Samari khyoo: yhe: lho: Shalum ri yhe: gau" said pyam wigi nya: khoo: moo khokham xo' koid da:.

2 KHOKHAM 15:25

Pekahia da" gyizoug: Peka ga: da" Remalia da" nya: yuggi zoo: gi Gilead mo byu wim: xi: yug yo' dage" thougtheung gyi koid lho: Samari voomoo" mo khokham kho" da" akhoug: mo gyidab moo Pekahia ri gau" said pyam da:. Houg: lho: nya: khoo: moo khokham xo' koid da:.

2 KHOKHAM 15:30

Uzia da" yuggi zoo: Yotham Yuda khokham khyo" vhoeb zi eig xi: zain ri Ela da" yuggi zoo: Hoshea gi Peka ri thougtheung gyi koid lho: nyang: ri gau" said pyam da:. Houg: lho: nya: khoo: moo khokham xo' koid da:.

2 KHOKHAM 9:24

Yehu gi nya: lid: ri she: yu wigi nya: yoem: bo thang lang: lho: myoo: dakhaid beig kaid zigi Yoram da" nung" khung: moo lo" zang" lho: nya: nheigloem: ri kyang lo" da:. Yoram gi nya: gyi myang: rheing" mo shid: leung gyoo" loo" khari" da:.

2 KHOKHAM 9:33

Yehu gi nyangnu" ri «Nyang: ri du" khyo' kaid ge'» ga: tid kaid da:. Nyangnu" gi nyang: ri doin: phyed khyo' kaid lho: nya: suid" joem gi pyiyam moo yo' myang: joem ri zain gyoin: lo" da:. Yehu gi nya: gyi myang: rheing" ri nya: gung tho' khyo" koin" pyeig lid: lo" da:.

YOBA 36:13

Mangsoo ayoo" bang: gi xo' wigi nheig yo: nyid ago". Houg: lho: yooboo dam byid: zi shoug" rilang" nyangnu" gi pang" yu wa shid re" akyu" amho' nghoid ago".

COUNG" NGHEI 14:4

Nanu" asi, goo" la". He: akhyeing" ashoeb da" byu yigi soo" soo" akhyeung" mo, nyang: danghoid nhung: lha". Nyangnu" gi nga" byumyu" phung: yi jang" mo khyang toug: koid wigi kangso' khu: lho nyangnu" gi nga" jang" moo kha nham we' akyu" amho' boem- ga: Aseing gi tid nyid.

ESAIA 43:22

Aseing tid zigi «Nghoid loug we' Israela we"- nang gi ngoo ri he: pyam wigi nang ngoo ri anoku nghoid da:.

ESAIA 64:4

Nyang: ri myid pyu' bang: shid re" houg: yhang: ti" moo" joem ri koid su: nang yo' du da" Mangsoo ri hang" we' amyang yu"- ashoug" gyo: yu" nghoid ago".

ESAIA 64:6

Ngoonu" dangain" gi yooboo yoo" bang: kyeing" bue" lid loo bye:. Ngoonu" ge thang da" avoid lo, moo" joem gi bain sho' aco' ajhoid nghoid da:. Ngoonu" da" yooboo yoomo ngoonu" gi lid wigi hau' tang" lo" da" seig fu' kyug yo' du da:.

ESAIA 64:7

Akyu" mho' wigi re" jang" mo hang" we' atau" loo. Pang" thug wa shid re" - re" jang moo hang" we' ayhi: nghoid ago". Ngoonu" da" yooboo gang mo nanya: gung nanyang: gau" nyid wigi ngoonu" ri she: pyam' to" abye:.

ESAIA 9:13

Israela byumyu" yigi nheigloem: athid boem nghoid ago". Myhang: thang Aseing gi nyangnu" ri yooboo dam byid: nghoid rilang" nyangnu" nya: jhang aphoug loo nghoid ago".

EZEKIEL 22:30

Ngoo gi vang khyam: ri nga" nheig yo: ziyo' phyo' shoin' pyam uri doem yo" zhug too" wa byu dayug yug yo' vang khyam: gyoeb gyo" jo, da" joyoo moo yu" yab jo, lho: hau: mougmyid ri yu" goin coung: byid: wa byu dayug yug ri sho: nghoid loug we' ngoo gi dayug ri we' ashau" myang.

DANIELA 9:13

Houg: lho: Moshe da" tarha" moo tid sho' kyo" to" da" yooboo dam dangain" ngoonu" ri byid: abye:. Nghoid loug we' Aseing ngoonu" da" Mangsoo we"- akhid" nghoid loug we' ngoonu" gi ngoonu" da" yooboo joem mo lheing: lo wigi re" deingmain" da" khyoo: ri cang da" khyo" anghoid lang" nang myid vho: da" khyoo: acang shi" goo" nhung:.

HOSEA 13:10

Nanu" khokham yo' vhujhung: yiri mho' ago". Nghoid loug we' nyangnu" wigi byumyu" mungdain: ri khasu" yo" khyoid yu goo" wa la".

HOSEA 5:15

Ngoo gi nga" byumyu" ri nyangnu" nya: yooboo yoomo gi" sho' yooboo dam kham zo: lho: ngoo ri sho: boem da" ayo, ju" sho' she: pyam too" wa. Nyangnu" da" kyi" khyeug khoug: mo nyangnu" ngoo ri sho: loo goo" abe» ga: tid.

HOSEA 7:10

Israela byumyu" yi da" nghoid boin: zigi nyangnu" ri gyi tau" koid theing nyho: nyid ago". Hougsu" ja: khang" moo" bue" lid loo nghoid loug we' nyangnu" gi nyangnu" da" Ngoo Aseing Mangso jhang khyoo: atau" loo nghoid ago".

HOSEA 7:14

Nyangnu" gi ngoo ri nheigloem: phyu: ziyo' amho' boem nghoid ago". Nghoid loug we' hau: gungthid nyangnu" gi nyangnu" da" gung ri pyam lheing: kaid lho: tungbau yi yhang: ti" kougshu: yoid ngoug ago". Shivoo: yo' zabyid yhid: re" akyu" mho' uri tungbau byu yi yhang: ti" yham" khyam" wigi nyang: nya: gung ri dam tab yu ago". Nyangnu" gi gye" thougtheung gyi koid mo, nghoid ago".

HOSEA 8:4

Nga" byumyu" yigi khokham yi khyen: nghoid loug we' nyangnu" nya: myid khyo" khyen: ago". Nyangnu" gi vhujhung: yi khyo" moo" foin: too" loug we' nga" myid veing" khyoo: aboo nghoid da:. Nyangnu" gi nyangnu" da" ngei yo' sheing: ri yu lho: soolhoo: joem koid ago". Hau: zigi nyangnu" da" byo, yoin" khyoo: nghoid da:.

MIKHA 2:1

Yhoeb yoo tho' moo jhang" jo, wigi akhyeung" da" moo" ri soin' nyid mo, shid re" khayhi' gyoug pho" zi nghoid nyid la". Myo, myang loo lang" nyangnu" gi ayo, agoo, gi yoo" yo' nyangnu" soin' to" da" akhyeing" ashoeb moo" ri zei: lo" ago".