6 Nghoid- nyangnu" gi myikhyoem moo" mo myi: yo' dakhyo" nyangnu" da" khoug: lheing: lheing: da" moo" moo nge" nyid boem ago". Nyangnu" da" nheig yo: zigi damyen goin" myi oem" oem" bo" da:. Houg: lho: nab kyoo' re" ri myiyham: nge" dab thu re" da:.
Nyang: thu lo uri myiyham: wigi mhe: kyoug pyam yhang: ti" nyangnu" ri mhoin pyam loo wa. Aseing gi nheug khoo" yo: ziyo' nyangnu" ri myhau: pyam, lho: myi: gi nyangnu" ri nge" joem: pyam loo wa nghoid.
Akhyeing" ashoeb, da" byu yigi shoid vhang: da" moo" daja: khyalang" ashau" koid nghoid rigi nyangnu" ayo" yhoeb jo, nghoid boem ago". Byu dayug yug ri dam ayo" tab rigi nyangnu" gi ayhoeb, loo: dagyeung: nyid ago".
Nyangnu" dangain" gi mhau' fain" ziyo' jhug azug mo, nghoid ago". Nyangnu" da" ngheing" zigi myikhyoem moo" mo myi: yo' du da:. Hau: myi: gi zooyho' bung: su: zooyho' bung: wa jen" jen" nghoid sho' alhu: zhang" kaid da" myi: yo' du da:.
Nyangnu" da" nheig yo: zigi lung re" wigi nyangnu" gi nyangnu" da" vhoebkhang" bang: ri said pyam ago". Nyangnu" da" khokham yigi dayug bain thang: dayug khau" said pyam shau" ago". Nghoid loug we' pang" thoug yu wa shid re" nga" jhang hang" we' akyu" amho' nghoid ago"» ga: tid da:.
Yhoeb yoo tho' moo jhang" jo, wigi akhyeung" da" moo" ri soin' nyid mo, shid re" khayhi' gyoug pho" zi nghoid nyid la". Myo, myang loo lang" nyangnu" gi ayo, agoo, gi yoo" yo' nyangnu" soin' to" da" akhyeing" ashoeb moo" ri zei: lo" ago".
