HOSEA 7:3 - Lacid Common Language Bible

³ Aseing gi «Mung" byu yigi nyangnu" da" akhyeing" ashoeb da" khoug: lheing: lheing: wigi khokham yo' nya: gyizoug: yiri mhau' fain" pyam ago".

HOSEA 7:3 교차 참조

1 KHOKHAM 22:13

Hau: ayo, aju" shi" agyoo: moo Mikhaia ri yhe: shu" yu bye: da" gyizoug: ri «Gootu: Lapi: yi dangain" gi khokham phoo shid re" oung: doid khyoo: ri pi: byid: bye:. Nang we' hougsu" pe: ri je" gi wa» ga: tid.

1 KHOKHAM 22:6

Houg: yoomo Ahab Lapi: yi jang" mo myid: shoo: koo: ri khe: yu wigi «Ngoo gi Ramod ri yhe: zain: ri gi wa la" agi wa la"» ga: myid: bye:. Nyangnu" gi «Hau: ziri yhe: zain: we' Aseing gi nang ri oung: doid nhang: wa nghoid» ga: tid.

YEREMIA 37:19

Nang ri yo' mungdain: ri Babelon khokham gyi are" zain: wa ga: nang ri tid boem da" re" lapi: yi cibue" boem bye: lha".

YEREMIA 5:31

Lapi: yigi mhoug dang: za: tid thu ago". Khainjung yigi Lapi: yi amyeing" byid: da" khyo" vhoeb ago". Houg: lho: nga" byumyu" yigi ci: dakhoin" we' angeug nghoid da:. Nghoid loug we' he: gu: dangain" lo" thang bain byug ri nyangnu" cikoid loo goo" wa la".

YEREMIA 9:2

Ngoo gi nga" byumyu" mo yo" phang: nyid yen" wa shid re" Dain" pyoid yoo joyoo daloem: yoo" yoo we". Nyangnu" dangain" gi jhug azug da" bang: phug lheig lo" da" bang: kyeing" nghoid.

HOSEA 10:13

Nghoid loug we' nanu" gi hau: gungthid- akhyeing" ashoeb ziri sho" lho: hau: ashi" ri shoug" yhoem" yu da:. Nanu" gi nanu" da" mhoug jang" mo thu re" da" ashi" ri zo: abye: da:. Nanu" gi nanu" da gyi myang: rheing" joem yo' gye myo: da" nanu" da" gyi zoo yiri loem yoomo

HOSEA 11:12

Aseing gi Israela byumyu" yigi ngoo ri mhoug tid dang: yo' mhoug fain" ziyo' lheing khoem to" abye: go". Yuda byumyu" yigi jhug zug ziyo' gyeung" shang: da" ngoo Mangsoo ri thougtheung gyi koid nyid boem shi" ago".

HOSEA 4:2

Nyangnu" gi dangsoo" to" to" lho: hau: ziri doem phyo' pyam ago". Nyangnu" gi mhau' tid- byu said- khau" ziyo' myi: shoid lang shoid ago". Yooboo koid moo" je myoo: nhang: wigi byu said moo" ri daloem: bain thang: daloem: koid thu ago".

HOSEA 5:11

Israela gi doin zeig khyoo: ri kham zo: nyid. Nyang: seing da" mougmyid ri ci: phyug pyam bye:. Ciwim gari nyang: gi nyang: ri byid: wa ci: ayo" bang: jang" mo pang" thoug zi yo" yu wa shid re" agyoo: atho' jhen" yhe: da:.

HOSEA 7:5

Khokham da" pui" bidnyid moo nyangnu" gi khokham phoo yo' nya: gyizoug: phoo yiri yhid: jhug lho: zabyid yhid: wigi yed nhang: ago".

MIKHA 6:16

Nanu" gi Omri khokham yo' nya: zoo: Ahab khokham da" akhyeing" ashoeb da" moo" zoo" moo bo cang yoomo hid: su" bue" loo" goo" wa. Nanu" gi nya: phatang: da" akhyoo" joem moo xo' koid nyid boem yoomo ngoo gi nanu" ri byo, yoin" nhang: lho: yugkhang" moo" gi nanu" ri aphoug" akhyoid koid lo boem wa nghoid. Khyi' khang" moo" mo byu joem gi nanu" ri anoug akhyoid zoem" khau: lo boem wa nghoid.

MIKHA 7:3

Nyangnu" dangain" gi akhyeing" ashoeb moo" zei: wa shid re" gye" jhang: mo, nghoid ago". Mung" zoug: yi yo' tarha" agyi yi gi khoug: vhoeb jhungshug mho' zo: ago". Nyangnu" ri ung: zo: da" atho' mo zoug: ludaid yigi nyangnu" ri nyangnu" vho: zi mho' yu wigi dage" za: byen phyoo" coem' zain: nyid boem ago".

Roma 1:32

Hid: yhang: te" mo gi shid: moin: nyid ga: - Mangso: mungdang: moo tid to" khyoo: ri - nyanu" nyang: si gu nghoid loug we' - nyanu" gungdu: nyang: he: moo" ri zei: tho' moo agoo" hid: su" cang zei: nyid mo ri we' yoem: byid: tu: to' gau yi nyid boem nhung: lha".