HOSEA 7:13 - Lacid Common Language Bible

¹³ Nyangnu" gi joem lo" abye:.Nyangnu" gi ngoo ri too" kho' wigi ngoo ri thougtheung gyi koid ago". Nyangnu" gi said toem" pyam zi shoug" loo wa. Ngoo gi nyangnu" ri khyoid yu noug nghoid loug we' nyangnu" wigi ngoo ri ajoo aeung: khyo" noku loo bye:.

HOSEA 7:13 교차 참조

NEHEMIA 1:10

Aseing we"- hid: bang: gi re" dei zoo: yi yo' nanya: byu yi nghoid ago". Nang gi re" gyi: sheung: da" yoem: so' yo' yoem: vhoo" khyo" nyangnu" ri khyoid yu too" bye:.

YOBA 22:17

He: byu yigi Mangsoo ri ngeug he: pyam wigi nyangnu" ri Mangsoo ci: ayo" koid ga: myid bang: nghoid ago".

COUNG" NGHEI 106:10

Nyang: gi nyangnu" ri ngheing" bang: da" lo, mo khyoid yu bye:. Nyangnu" da" gyivoo joem lo, khoug: mo nyangnu" ri khyoid yu bye:.

ESAIA 30:1

Aseing tid to" da:. «Yuda ri vhoeb da" bang: gi joem: abye: go". Ciwim gari nyangnu" ngoo ri gyi koid thougtheung ago". Ngo wigi asoin' to" da" moo" ri nyangnu" cang koid ago". Ngoo myid vho: ziri ngeug wigi myid veing" mougsoug" joem ri lo, xoem" lhid" ago". Yooboo daja: bain daja: daboem dazang koid to" ago".

ESAIA 30:2

Nga" phajhi" byid: dang: ri amho' loo: pang" thoug byid: wa shid re" Egutu khyoo: nyangnu" yhe: ago". Nyangnu" gi Egutu byu yi wigi nyangnu" ri goem loem byid: wa zi vho: ago". Houg: yoomo nyangnu" gi Egutu khokham ri khau: nghe: ago".

ESAIA 31:1

Egutu mung" khyoo: pang" thoug wa ziri yhe: mho' da" bang: gi joem: lo" abye:. Nyangnu" gi Egutu da" gyidab yoem: nghoid da" myang: joem myang: rheing" joem yo' gyizoo: yiri khau: nghe: ago". Nghoid loug we' nyangnu" gi Israela da" gyeung" shang: da" Aseing Mangsoo ri akhau: nghi: nghoid ago". Pang" thug wa shid re" we' nyang: ri amho' goo" nghoid da:.

ESAIA 41:14

Aseing gi Israela we"- nang gi nge wigi yoem: nheing: yhang: ti" nghoid da:. agyug- ngoo nang ri pang" thoug byid: wa. Nang ri khyoid yu su: gi Israela da" gyeung" shang: da" Mangsoo ngoo nghoid.

ESAIA 43:1

Israela we' nang ri phain" so: to" da" Aseing tid zigi ‹Agyug- ngoo nang ri khyoid yu wa. Ngoo gi nang ri myeing lang: wigi khe: too" bye:- nang gi ngoo seing: zi nghoid.

ESAIA 59:13

Ngoonu" gi nang ri thougtheung gyi koid- nang ri ngeug he: pyam'- re" thang: cang wa he: pyam' boem bye:. Ngoonu" gi subi" ri zeig zo: wigi nang mo phug lo" boem bye:. Ngoonu" myid soin: khyoo: joem gi shoid. Ngoonu" tid dang: khoin" joem gi mhoug zi danghoid.

ESAIA 63:8

Aseing gi «Nyangnu" gi nga" byumyu" yi nghoid- nyangnu" ngoo ri amhoug boem goo" wa» ga: tid. Houg: lho: nyang: gi nyangnu" ri

YEREMIA 14:10

Aseing gi he: byumyu" yi khyoo: ri tid da:. «Nyangnu" gi ngoo mo phang: loo" wa gye" ngei boem ago". Houg: lho: nyangnu" gung ri avhoeb khang" nghoid ago". Houg: yoomo ngoo gi nyangnu" ri ayu" vhoo:. Ngoo gi nyangnu" koid shoid ziri myid boin: wigi nyangnu" da" yooboo joem gang mo nyangnu" ri yooboo dam byid: wa» ga: tid da:.

YEREMIA 42:20

Shid: moin: da" shoid moo" zoo" ri koid nyid ago" ein: tid poin" bye:. Ngoonu" Aseing Mangsoo ri nanu" shid re" akyu" mho' byid: wa shid re" nanu" ngoo ri mho' ago". Nya: da" amyeing" dang: joem ja: khang" moo" ri nanu" cang koid wa ga: dangsoo" byid: ago".

YEREMIA 51:9

Houg moo nyid boem da" tungbau byu yi tid zigi «Ngoonu" Babelon ri pang" thoug byid: wa soin' nghoid loug we' soung thang: gyo" byug bye:. Akhid" too" kho' wigi yhoem: byug bye:. Akhid" too" kho' wigi yhoem: khyoo: phang: lo" boem loo shang. Mangsoo gi nya: yoem: so' dangain" yo' Babelon ri yooboo dam byid: wigi hau: ziri bain sho' phyo' shoin' pyam abye:» ga: tid ago".

YEREMIA 7:15

Ngoo gi nanu" da" bidnoem seing" cang" Israela ri khaid thu pyam yhang: ti" nanu" ri we' nga" shidkhoin" mo khaid thu pyam wa. Ngoo Aseing tid too" bye:.

NGOUG JI: 5:16

Ngoonu" phau: khuang khyoo: gi daja: we' adeing loo. Ngoonu" da" shoid vhang: yooboo yoomo akhid" ngoonu" gi byuxuid" vooyoem: lo" byoug boem bye:.

EZEKIEL 16:23

Yoem: moo" bo Aseing tid zigi «Nang gi joem: lo abye:- joem: lo" abye:. Nang gi hau: akhyeing" da" moo" dangain" ri koid wigi

EZEKIEL 18:2

Nyang: tid zigi «Israela mung" moo byu yi pug gi pug gi tid nyid da" he: dang: zhoem' gi cinghoid la" ‹Myhi' phoo yigi zabyid shi" jhen: zo: ago". Nghoid loug we' zoo: yi zei: kyoem: boem ago"›.

EZEKIEL 18:25

«Nghoid loug we' nanu" gi ‹Aseing koid zi ajoo nghoid da› ga: tid ago". Israela nanu" we" nga" dang: ri tam" gyoo: we'. Ngoo koid ziri ajoo ein: myid jho: nyid go" rhe". Ajo zigi nanu" da" khyoo: nghoid boem ago".

EZEKIEL 34:6

Houg: yoomo nga" da" yang joem gi myhang: da" bouggung joem yo' boem joem khyoo: nyid: lam" lo" ago". Nyangnu" gi mougmyid gyab khyoo: nyid sain" lo" lho: nyangnu" ri hang" wigi we' acang shoo:- nyangnu" ri shoo: wa shid re" hang" yoem: akaid nghoid da:.

HOSEA 11:12

Aseing gi Israela byumyu" yigi ngoo ri mhoug tid dang: yo' mhoug fain" ziyo' lheing khoem to" abye: go". Yuda byumyu" yigi jhug zug ziyo' gyeung" shang: da" ngoo Mangsoo ri thougtheung gyi koid nyid boem shi" ago".

HOSEA 11:2

Nghoid loug we' ngoo nyang: ri je khi: lang" nyang: gi nga" jang" mo je lheing: phug lo" da:. Nga" byu yigi Bala ri xoin" ngei" byid: da:. Nyangnu" gi soolhoo: joem ri nam pyo: ja: nghe' ngei" byid: da:.

HOSEA 5:7

Nyangnu" gi Aseing ri jhug azug goo" nghoid da:. Nyangnu" da" nya: zoo: yiri nyang: wigi ayo" seing: nghoid da:. Houg: yoomo akhid" amyang" ri nyangnu" yo' nyangnu" da" mougmyid ri phyo' shoin shau" wa nghoid.

HOSEA 7:1

Nga" byumyu" Israela ri ngo wigi noo byang" byid: nau uri yo' nyangnu" ri doem yoo" zoo: yoo" shug nhang: nau khang" moo" ngoo shau" myang zigi nyangnu" da" akhyeing" ziyo' nyangnu" koid da" akhyeing" ashoeb da" moo" za: nghoid da:. Nyangnu" gi nyangnu" nyang: cang" mhoug fain" zoo: go" da:. Yhoem: khoug: khyoo: ceig vang yhe: wigi khoug" zo: ago". Nyangnu" gi khyoogung moo byumyu" yiri khyangtoug: koid ago".

HOSEA 7:3

Aseing gi «Mung" byu yigi nyangnu" da" akhyeing" ashoeb da" khoug: lheing: lheing: wigi khokham yo' nya: gyizoug: yiri mhau' fain" pyam ago".

HOSEA 9:12

Nyangnu" zoo: khu: gyi: lo nghoid rilang" houg: bang: ri ngoo shu" yu pyam byid: lho: adei dayug ri we' ateing too" byid: loo wa. Ngoo gi he: byumyu" yiri she pyam too" khoo' lang" nyangnu" moo gyoug dain ja: joem bui" goo" wa» ga: tid da:.

HOSEA 9:17

Ngoo dei byid: nyid da" Mangsoo gi nya: byumyu" yiri ngeug pyam wa. Ciwim gari nyangnu" gi nyang: tid dang: ri atam" gyoo: yoomo nghoid da:. Nyangnu" gi byumyu" yi phung: gung moo nyid lam" yen" ca" loo goo" wa.

YONA 1:10

Nyang: gi «Hau: Aseing jang" mo phang: su: nghoid» ga: tid. Houg: yoomo sangphoo moo" zei: bang: gi gyoug dain ziyo' nyang: ri hougsu" koid zigi «Gyug pho" moo" danghoid» ga: tid ago".

YONA 1:3

Nghoid loug we' Yona gi Aseing nhang: khyoo: ayhi: loo: za: nya: jang" mo phang: byug da:. Nyang: gi Yopa khyoo: yhe: lo". Houg: mo gukhuang" moo Spain khyoo: gu: loo" wa gyid sangphoo ri yhe: myang. Nyang: gi gukhoo' ri kaid lho: Aseing yo' vi: wa bye: ga: Sangphoo moo" voin mo, yo' dage" Spain khyoo: yhe: loo" wa shid re" sangphoo moo vang lo".

MIKHA 6:12

Nyangnu" mo yoo" zoo: yoo" shug bang: gi myung mo, ri doin: zeig zoo: goo" yoomo nanu" dangain" bang: gi mhoug mo, za: nghoid ago".

MIKHA 6:4

Ngoo gi nanu" ri Egutu mung" mo shu" thu lo yu" bye:. Ngoo gi nanu" ri join, bue" nyid jang" mo khyoid yu bye:. Ngoo gi nanu" ri shu" vhu" shi: wa shid re" Moshe- Arun yo' Miriam ri nhang: kaid byid: bye:.

MATHE 23:37

«O" Yerusalem we" Yerusalem voogung we"- nang gi Lapi: yi re" jhang khyoo Mangsoo nhang: kaid da" lagyoo: yi ri luggo, yo" du" said gyo, vhoeb' zheung gi gyo, nu" yi ri nya: dung soo" khoug: moo khe: zheung" kaid to" yhangti"- ngoo gi re" meing: byu yi dangain" ri khayhi' khe: zheung" too" noug loug we' nang nu" nyang: agyoo: nghoid ago:.

TARHA" TID POIN" 15:15

Nanu" gi Egutu mung" moo join bue" lo" wigi re" Aseing Mangso wigi nanu" ri loid byoin nhang: ziri myid boin: we'. He: zigi akhid" nanu" ri he: amyeing" byid: nyid zi nghoid.

1YOHAN 1:10

Ngoonu" gi yooboo akoid loo: ein: tid boem nghoid rigi ngoonu" gi Mangsoo ri mhoug su: nghoid ein: jho: khyo" nghoid wigi nya: mungdang: we' ngoonu" moo aboo loo.

Pang Shug 8:13

Houg: lang" ngoo doem yu" kaid ri " gyoug pho" zi gyoug pho" joem: lo" khyoo" o", ga: Goo tu: da' moug: lagyoo: soem" yug moid kaid da" laboo" thui: joem myeung thu' loo lang" mougmyid tho' mo nyid moo nyid bang: shid re" Atho' tid da" gyoug pho" khyoo" o",, ga: wogi- moug: laid' phyoo" moo dang: lheung: yen" da" zoin, bung: dadu: thui: moo" yo' nyho: tid yen" ziri ngoo shau" gyo.