HOSEA 7:11 - Lacid Common Language Bible

¹¹ Israela gi nheig agyeing: da" jid: u yo' dakhyoo" myonhoo: sho: lheing yen" da:. Xang: shi" moo nyangnu" gi Egutu khyoo: pang" thoug yu wa yhe: mho' da:. Hau: thang: nyangnu" gi Asuri jhang tang" yhe: ago".

HOSEA 7:11 교차 참조

2 KHOKHAM 15:19

Asuri Khosen Tiglad Pilesa gi Israela mung" khyoo: jhen" vang re" lho: Menahem gi khokham pho wigi pang" thoug byid: ziyo' mungdain: dang moo Menahem da" yoem: so' ri yoem: boo nhang: ziri shoug" wa shid re" nyang: ri ngei joem: soem" xe: shed tain: byid: da:.

2 KHOKHAM 16:7

Ahaza gi Asuri khosen Tiglad Pilesa ri «Ngoo gi re" dei zoo: nghoid. Houg: lho: ngoo ri gyi zain: nyid boem da" Suri yo' Israela khokham eig yug lo, mo ngoo ri re" khyoid yu la» ga: da" mungdang: yo' dage" byu nhang: kaid da:.

DANG: ZHOEM 15:32

Jhau" mho' da" dang: ri nang atam" gyo: nghoid rigi Hau: zigi re" da" gung du: ri noo nhang: nyid zi nghoid- khyoo" shed, jhoug" myeing" dang: ri nang lhoem: kham: yu nghoid rigi phajhi" gye" bo da" byu nang bue" loo wa nghoid.

DANG: ZHOEM 17:16

Koopyoid ri phajhi" jhau" byid: wa shid re" ngei yhoung: zigi ce" akyu" we' aboo. Khasu" wim ga: ri nyang: moo: se' myid yu" da" vhu" nug aboo yoomo nghoid.

DANG: ZHOEM 6:32

Nghoid loug we' sube" myi: lhoid su: koem gi nheig agyeing: loo: nyang: gi nya: gung du: ri nyang: za: dalhu: phyo' pyam nyid.

YEREMIA 2:18

Nang gi Nila gyid lang mo gyid shug wa shid re" Egutu khyoo: yhe: ri ciyo" yu wa ein: myid la". Nang gi Uphrad gyid lang mo gyid shug wa shid re" Asuri khyoo: yhe: ri ciyo" yu wa ein: myid la".

YEREMIA 2:36

Nanu" gi gootu: byumyu" yi da" yu phara" joem jhang phug lo" boem da" khyo" nanu" nya: gung ri nanu" nyang: gu gyo" loo" nhang: pyam boem. Nanu" gi Asuri yi wigi nheig adeug bui" nhang: yhang: ti" Egutu yi wigi we' nheig adeug bui" nhang: zi shau" loo wa.

HOSEA 11:11

Nyangnu" gi Egutu mung" mo ngho' joem yhang: ti" yo' Asuri mung" mo pheing" kyoug" joem yhang: ti" dang: loo goo" wa. Ngoo gi nyangnu" ri nyangnu" yhoem: khyoo: doem shu" loo" wa. Ngoo Aseing tid too" bye:» ga: tid.

HOSEA 12:1

Israela byumyu" yi nab soin: mo zi myen" ayo, ju" sho' koid zi ja: khang" moo" gi ce: akyu" abo ziyo' phyo' shoin' zi za: nghoid da:. Mhau' ziyo' ajoem: theing moo" gi nyangnu" phung: gung moo je myo: lug re" da:. Nyangnu" gi Asuri yo' myid veing" thang" cab joem to" lho: Egutu bang: yo' phaga: moo" shoin" koid ago"» ga: tid.

HOSEA 12:2

Aseing gi Yuda byumyu" yiri yooboo zhug wa yo" da:. Nyang: gi Israela byumyu" yiri nyangnu" da" lo, moo" yoomo yooboo dam byid: wa bye:. Nyang: gi nyangnu" ri nyangnu" koid lo da" moo" shid re" aphoug" tau" byid: loo wa.

HOSEA 14:3

Asuri gi ngoonu" ri khasu" we' ayo" khyoid yu. Gyi khaid myang: joem gi ngoonu" ri ayo" goem loem byid:. Ngoonu" da" soolhoo: joem ri ngoonu" da" Mangsoo nghoid ein: khanham we' adoem tid loo wa. O" Aseing we"- Nang gi hang" jhang adoem se' tau" loo bang: ri nheig khyeug myid ci: shug byid: da:.

HOSEA 4:11

Aseing gi «Zabyid yhid: axoug" yo' aseig gi nga" byumyu" yi da" myid lasi ri lhoid pyam byid: bye:.

HOSEA 4:6

Nga" byumyu" yigi joem: lo" boem bye:. Ciwim gari nyangnu" gi ngoo ri ayhen: yu nghoid ago". Khainjung yi nanu" gi ngoo ri yhen: yu wa he: pyam lho: nga" jhoug" shed khyoo: ri ngeug pyam abye: go". Houg: yoomo ngoo gi nanu" ri ngeug pyam lho: nanu" da" yuggi zoo: yiri we' nga" da" khainjung yi khyo" ayhen: yu wa.

HOSEA 5:13

Israela gi nyang: khayhi' no nyid ziri shau" myang lho: Yuda gi nyang: nya: dam khoo: ri shau" myang lang" Israela gi Asuri khyoo: yhe: lho: khokham moo" ri pang" thoug wa shid re" yhe: mho' da:. Nghoid loug we' nyang: gi nyangnu" ri noo ayu" byang" gi byid:- nyangnu" da" dam khoo: ri ayo" gi nhang: nghoid da:.

HOSEA 5:4

Hau: byumyu" yi koid da" akhyeing" ashoeb da" moo" gi nyangnu" ri Mangso jhang khyoo: ayo" lheing: loo wa khyo" toem' pyam byid: ago". Soolhoo: no' da" thung" gi nyangnu" ri yoem: so' yo' teing zei: ci: da:. Houg: yoomo nyangnu" gi Aseing ri ayhen: yu nghoid ago".

HOSEA 8:13

Nyangnu" gi ngoo ri xoin" ngei" byid: lho: hau: xoin" joem mo shoo" ri zo: ago". Nghoid loug we' ngoo Aseing gi hau: ziri angei byid: wigi akhid" ngoo gi nyangnu" da" yooboo ri xoem" ci: ziyo' hau: gang mo nyangnu" ri yooboo dam byid: wa. Ngoo gi nyangnu" ri Egutu khyoo: doem tau" nhang: kaid wa.

HOSEA 9:3

Israela byumyu" yigi Aseing da" mougmyid moo nyid loo: wigi Egutu khyoo: doem tau" loo" ca" lho: toem' to" da" zoo: noem ri Asuri moo zoo: ca" loo goo" wa.

HOSEA 9:6

Yau: khi" yoem" ju" wigi hau: byumyu" yi phang: sain" lo" da" uri Egutu byu yi ge' nyangnu" ri shoem" zheing" yu loo goo" wa. Nyangnu" ri Memphi moo myhoeb pyam wa shid re" shoem" zheing" yu loo goo" wa. Nyangnu" da" ngei ziyoo joem yo' nyangnu" yhoem: jo lid lo da" joyoo yhoem: yoo joem gi mhain" joem yo' se: nghoeb pyam lho: myo, yo' zu: kyen: joem wigi yug nghoeb pyam loo wa.

OBEDIA 1:7

Re" da" seing" tain" bidnoem yi dangain" gi nang ri mhoid" jhoem" pyam bye:. Nyangnu" gi re" da" mungdain: mo wigi nang ri khaid thu pyam loo bye:. Nang yo' myenjham" za: danyid nyid da" byumyu" yigi akhid" nang ri zain: oung: yu pyam bye:. Nang yo' dazoo: dashug danyid da" byencang" yigi nang ri myhi wa shid re" lhid thung: to" boem abye: go". Nyangnu" gi re" khyoo: ri «Nya: nheigboo oung: gyeung: zigi khayoo: lha"» ga: tid.

MATHE 10:16

«Zeigne phung: moo nhang: kaid da" yang joem yhangti"- nanu" ri ngoo nhang: kaid. Houg: yoomo nanu" gi lhang: myu yhangti" nheig boo ung: gyeing: lho: pheing" kyoug" yhangti" nu" nham nyid ge'.