HOSEA 6:9 - Lacid Common Language Bible

⁹ Khainjung yigi byu dayug ri khyangtoug: koid wa shid re" lhoem: nyid da" byu phung: yo' du da:. Shekhem: mo gyeung" shang: da" joyoo khyoo: yhe: da" khyoogung mo lang" nyangnu" gi byu said moo" koid thu ago". Houg: lho: nyangnu" gi he: akhyeing" ashoeb moo" dangain" ri pa: yhi: koid ago".

HOSEA 6:9 교차 참조

APOEM AYANG: 12:6

Abram gi Shekhem mo gyeung" shang: joyoo- Mora mo da" gyeung" shang: seiggam moo ju" yhe: jang" moo ju" sho' so' yhe: lo". (Hau: uri Khanan byumyu" yigi hau: moug: moo nyid nyid lang" bye:.)

1 KHOKHAM 12:25

Israela khokham Yeroboam gi Ephrim boem moug: Shekhem voogung ri vang khyam: kyam' lho: dayo, zoo: houg moo nyid nyid bye:. Hau: thang: nyang: thu lo" wigi Renuela voogung ri vang khyam: kyam' bye:.

EZRA 8:31

Ngoonu" gi Ahava gyid khyoo" yam mo Yerusalem khyoo: lhammoo" dakhyab daxi: eig nyid" nyid" ri yhe: lo" bye:. Ngoonu" da" Mangsoo gi ngoonu" ri gyi koid wa da" gyivoo lo, mo we' gyung: khyoo: mo khyangtoug: joem lo, mo we' lhoug zung" wa shid re" ngoonu" yo' dage" nyid.

YEREMIA 11:9

Hau: thang: Aseing ngoo ri tid zigi «Yuda byumyu" yi yo' Yerusalem voobyu yigi ngoo ri goemlu khau" to' ago".

EZEKIEL 22:25

Vhujhung: yigi nyangnu" said to" da" shoo" ri nyho: hung: nyid da" khang: khyi: joem yo' du ago". Nyangnu" gi byu ri said. Nyangnu" yo" yu nhoo' ngei yo' zi joem dangain" ri yu wigi nyangnu" da" byu said moo" gi myiyi: myoo" sho' bang: ri cougmoo" khyo" nyid deing nhang: boem ago".

EZEKIEL 22:27

Mung" vhoeb zoug: yigi nyangnu" yo" khaid yu to" da" shoo" ri ngaid phyo' zo: nyid da" zeigni joem yo' du ago".

EZEKIEL 22:9

Re" da" byu dayham" gi subi" ri yo" said pyam nhang: wa shid re" mhau' dang: tid ago". Nyangnu" mo dayham" gi yu phara" soolhoo: joem ri ngei" byid: da" xoin" joem ri zo: boem. Dayham" bang: gi nyangnu" mhain: khyoo: ri khanham we' nheugdeug sho' koid nyid ago".

EZEKIEL 23:27

Ngoo gi re" da" mhain: khyoo: yo' nang Egutu moo nyid shi" uri shoid lid: lo da" aco' ajhoid moo" joem ri toem' pyam byid: wa. Nang gi yu soolhoo: joem ri ayu" loo wa. Egutu da" khyoo: ri we' amyid loo wa».

HOSEA 2:10

Ngoo gi nyang: ri nya: vho: ngei bang: da" shidkhoin" moo byimi khyoid pyam byid: lho: gung cen: koid pyam byid: wa. Nga" lo, yoem: so' mo nyang: ri hang" dayug we' are" yo" khyoid yu wa.

HOSEA 4:2

Nyangnu" gi dangsoo" to" to" lho: hau: ziri doem phyo' pyam ago". Nyangnu" gi mhau' tid- byu said- khau" ziyo' myi: shoid lang shoid ago". Yooboo koid moo" je myoo: nhang: wigi byu said moo" ri daloem: bain thang: daloem: koid thu ago".

HOSEA 5:1

Khainjung nanu" we" tam" gyoo: ge'. Israela byumyu" yi we" tam" gyoo: ge'. Khokham ikoin deungkhu: moo bo da" nanu" we"- tam" gyoo: we'. Nanu" gi tarha" deing byeung" zi ge' dang: phyed pyam ca" eung: da:. Nanu" gi Mizpa mo lhid' bue" lo abye: da:. Tabora boem moo kham: to" da" goin bue" byug bye:.

HOSEA 5:2

Shug voomoo" mo no, da" duang: khuang" bue" lo abye: go". Houg: lho: ngoo gi nanu" dangain" ri yooboo dam byid: wa.

HOSEA 7:1

Nga" byumyu" Israela ri ngo wigi noo byang" byid: nau uri yo' nyangnu" ri doem yoo" zoo: yoo" shug nhang: nau khang" moo" ngoo shau" myang zigi nyangnu" da" akhyeing" ziyo' nyangnu" koid da" akhyeing" ashoeb da" moo" za: nghoid da:. Nyangnu" gi nyangnu" nyang: cang" mhoug fain" zoo: go" da:. Yhoem: khoug: khyoo: ceig vang yhe: wigi khoug" zo: ago". Nyangnu" gi khyoogung moo byumyu" yiri khyangtoug: koid ago".

MIKHA 3:9

Tarha" nyeung veung" khyoo: ri ngheung" lho: shoid vhang: da" khyoo: khyoo: phug lo" da" Israela vhujhung: yi we"- nga" dang: ri tam" gyo: yu" ge'.

MIKHA 7:2

Hau: moug: moo deing byeung" da" byu dayug we' anyid loo:. Mangsoo ri jhug zug loem khau: da" byu dayug we' aboo loo. Yugkhang" moo" gi byu said wa shid re" akhyoo" ayo, akhyeing: ri dalang" nyid boem ago". Yugkhang" moo" gi yhoem: seing: byumyu" yiri cang khaid kuang yen" ago".

ZEPHANI 3:3

Houg: mo vhujhung: koid mo, gi myeung nyid da" khangkhyi yhang: ti" nghoid nyid. Nya: da" dang: phyed zoug: yi we' zooyoid nyid da" myeingkhoid" joem yhang: ti" nghoid nyid. Nyangnu" gi vhoo: boo myono, mo nghoid boem yoomo shooyoug: daloem: ri we' thang: nyid" shid re" ga: ateung to" boem.

MARKU 14:1

Lhid: kaid pui" yo' doo cid" abo zooyho' zoo: pui" ju loo wa eig nyid" kyoo: shi" ri khainjung agyi moo" yi yo' tarha" sara yi gi Yesu ri sam: za: myheug yu lho: said pyam wa shid re" phajhi" khyoug" go" nyid boem bye.

YOHAN 11:47

Houg: su" nghoid yoomo khainjung agyi moo" yi yo"- Pharishe yi gi Yuda zoug: yi da" kongsi: zoeb phung: khe lho: Yu" ge, he: yug gi mau" pho" moozoo" myoo: zei: shug nyid bye. Ngoonu" khasu" koid' boem wa lha".

ACTS 4:24

Loem" jeing" bang: hau: da" dang: ri shaug" gyoo: lang" gi nyangnu" nheigloem: dadeing: za: shoin" lho: wigi akyu" zheung: mho' boem zigi Moug: khung: myed jang: panglai gyid mung" yo' hau: akhoug: moo nyid moo nyid ri phain" to" da" Aseng: we"-