HOSEA 6:2 - Lacid Common Language Bible

² Eig soem" nyid" agyoo: moo nyang: ngoonu" ri yoem: seig kaid byid: wa houg: lho: ngoonu" gi nya: shidkhoin" moo yo" nyid loo wa.

HOSEA 6:2 교차 참조

APOEM AYANG: 17:18

Nyang: gi Mangsoo ri «Ce: gang mo Ismaela ri nga" mid seing: zooshang: abui" nhang: lha"» ga: myid: bye:.

2 KHOKHAM 20:5

Aseing da" byumyu" yiri vhoeb yug- Hezekia jhang doem tau" yhe: lho: nyang: ri «Re" phoug" phyid" David da" Aseing: Mangsoo ngoo gi re" akyu" mho' dang: ri gyo: lho: re" ngoug byid ri myang byid: bye:. Ngoo nang ri gi byid: wa- soem" nyid" lang" nang Noku Yhoem: Moo" khyoo: yo" yhe: wa.

COUNG" NGHEI 61:7

Mangsoo we"- re" da" shidkhoin" moo nyang: gi apyaid atoo: davhoeb khang" nyid baja". Re" da" geung: teung jhed khyeing: kang: khyeing: yo' nheigloem: zoung" khyoo: khyo" wigi nyang: ri goem loem byid nyid baja".

COUNG" NGHEI 71:20

Nang gi yau: khi" phu" zo: khyoo: yo' gyoug nain" khyoo: ri nga" tho' moo: thoung" shoug" nhang: nghoid loug we' Loeb duang: khoug: mo we' nang ngoo ri khyoid yu wa zi nghoid.

PHAJHI" DANG: 3:3

Said pyam da" ayo, yo' noo byang" byid: da" ayo, phyo' khyo' pyam da" ayo, yo' koid wa ayo, ri asoo" to" to" da:.

ESAIA 26:19

Ngoonu" byumyu" mo shid: bye: mo, gi doem dei loo wa. Nyangnu" manggung joem gi kangso doem bo loo wa. Nyangnu" loeb boug joem moo yhoeb jo, bang: dangain" gi boin: gyeing: to' re" wigi gau yi jikhoin" khoin" loo goo" wa. Nghain: joem gi myidgung ri jhu' nhang: ziyo' dayhang: ti" Aseing gi goonham' mo shid: jo, bang: ri doem dei loo nhang: wa.

ESAIA 30:26

Lhammoo" gi bid yhi' bang loo wa. Bid gi nyhed nyid zho: zi danyid" za: zho: yhang: ti" goonham' zho: da" tho' nyhed zhang je zho: loo wa. Nya: byumyu" ri nyang: tab to" da" dam khoo: joem ri Aseing bacu' thoeb byid: wigi byang" byid: uri he: gu: dangain" bue" loo wa nghoid da:.

HOSEA 13:14

Ngoo gi he: byumyu" yiri shid: moug: mo akhyoid yu wa. Shid: da" yoem: so' mo we' nyangnu" ri akhyoid yu wa. Shid: ziyo' re" lang: yoem" ri xo' bui" nhang: we'. Shid: moug: we"- re" da" phyo' shoin' ziri xo' bui" nhang: we'. Ngoo gi he: byumyu" yiri nheig akhyeug loo: wa.

HOSEA 7:2

He: akhyeing" ashoeb moo" zoo" ri ngoo myid boin: wa ga: ziri nyangnu" nheigloem: moo khanham we' avang nghoid da:. Nghoid loug we' nyangnu" da" yooboo joem gi nyangnu" ri lheing khoem to" da:. Houg: lho: nyangnu" ri amyang sho' ngoo ayo" jang" pyam nghoid da:.

YOHAN 14:19

Ayo, dajhi' myang" lo" ri he: mougmyid byu yi gi ngoori amyang lo: boem wa. Nghoidloug we' nanu" koem gi myang boem shi" wa. Khasu" wim gari ngoo gi kangso' dei nyid su: nghoid yoomo nanu" we' kangso' shau" dei nyid boem wa.

Roma 14:8

ngoonu" dei nyid zi gi - Aseing: shid' re" dei nyid lho: shid: loo: nghoid loug we' Aseing: shid' re" ngoonu" shid: lo. Hougsu" nghoid yoomo ngoonu" gi kangso' dei nyid u" ri we' shid: lo" nyid" ri we' Aseing: yo' sen: nyid.

1Korinthians 15:4

Nyhoeb, pyam zi nyang: shau" lho: wigi- jhoem: mungdang: moo: tid to" ziyo' dakhyoo" ti" soem" nyid" soem" myen, ri doem dei too' loo bye.