HOSEA 6:10 - Lacid Common Language Bible

¹⁰ Ngoo gi Israela moo gyoug dain ja: daja: myang bye:. Nga" byumyu" yigi soolhoo: joem ri no' khyo" nyang: nya: gung ri aco' ajhoid koid pyam ago".

HOSEA 6:10 교차 참조

1 KHOKHAM 12:8

Nghoid loug we' nyang: gi apyaid' gyi: bang: tid da" phajhi" byid: dang: ri cishu: anhang: lho: akhid" nya: phajhi" byid: bang: nghoid da" nyang: yo' dage" gyi: lo da" zooyam yi jang" khyoo: doem yhe: da:.

1 KHOKHAM 15:30

Yeroboam gi nyang: shoid lid lo" da" yooboo yo' nyang: Israela byumyu" yiri yooboo shu" koid da" yooboo gi Israela Aseing Mangsoo ri nheigloem: yoin nhang: nyid yoomo he: moo" zoo" bue" zi nghoid.

2 KHOKHAM 17:7

Israela byumyu" yigi nyangnu" ri Egutu khokham lo, mo khyoid yu lho: nyangnu" ri Egutu mung" mo shu" thu lo yug nghoid da" nyangnu" Aseing Mangsoo ri thougtheung yooboo shoid yoomo Samari gyo" soem" lo" zi nghoid da:. Nyangnu" gi gootu: yu phara" joem ri no' ago".

YEREMIA 18:13

Aseing tid zigi «Houg: yhang: te" zi shid phyang" bue" yu" bye: nghoid rigi byumyu" khang" moo" myid: ge'. Israela byumyu" yigi yu" gyoug yu" lhung: sho' da" moo" ri koid abye:.

YEREMIA 23:14

Nghoid loug we' Yerusalem mo Lapi: yi je lang" xo: boem ziri ngoo shau" myang bye:. Nyangnu" gi myi: shoid lang shoid wigi mhau' dang: tid ago". Byumyu" yiri shoid da" moo" koid wa shid re" pang" thoug byid: ago". Houg: lho: hang" we' akhyeing" da" moo" koid ziri atheing: pyam nghoid ago". Nyangnu" dangain" gi nga" shid re" Sodom yo' Gomora byu yi yhi' age boem nghoid da:.

YEREMIA 3:6

Yoshia khokham bue" nyid uri Aseing ngoo ri «Hau: jhug azug da" myiyi: Israela cikoid ziri nang shau" myang bye: rhe". Nyang: gi nga" jang" mo phug lo" wigi myhang: da" bouggung khang" moo" dang moo yo' nyau young" da" seiggam yoeb khang" moo" moo nyang: gi shava myhi' yhang: ti" koid da:.

EZEKIEL 23:5

Ohola gi ngoo seing: su: bain nghoid bye: thang: ri shava myhi' xo' koid wigi Asuri mung" mo nya: zooyam phoo yi da" jheddab myid ri myid mhain: nyid da:.

EZEKIEL 23:7

Nyang: gi Asuri zoug: yi dangain" da" shava myhi' bue" lho: nya: da" myid mhain: zigi Asuri yu soolhoo: joem ri no' khyo" nyang: nya: gung ri ayung" alho' bue" nhang: pyam da:.

HOSEA 4:11

Aseing gi «Zabyid yhid: axoug" yo' aseig gi nga" byumyu" yi da" myid lasi ri lhoid pyam byid: bye:.

HOSEA 4:12

Nyangnu" gi seig khang" mo pang shug wa shid re" myid: boem ago". Nyangnu" si nau ziri nyangnu" ri seig yau: ge' tid kyo" da:. Nyangnu" gi ngoo ri too" kho' abye: go" da:. Shava myhi' bue" lo da" myiyi: dayug yhang: ti" nyangnu" gi nyangnu" gung ri gootu: yu phara" joem jang" moo byid: pyam abye: go" da:.

HOSEA 4:17

Israela byumyu" yigi soolhoo: joem wigi fa" to" zi shoug" ago". Nyangnu" nya: khyoo: khyoo: yhe: loo" goo" baja".

HOSEA 5:3

Israela byumyu" yi ciyo' du ziri ngoo se'. Nyang: gi ngoo ri ayo" phang: goug" nghoid da:. Nyang: gi jhug azug loo: yoomo nya: byumyu" yigi ngoo ri noku wa shid re" amoin: yi" boem da:.