HOSEA 5:9 - Lacid Common Language Bible

⁹ Yooboo dam byid: wa bidnyid gi ju" lo nyid abye:. Houg: lho: Israela gi byo, yoin" loo" wa. Israela byumyu" yi we"- he: zigi gyeing" gyeing" nyang: bue" wa.

HOSEA 5:9 교차 참조

YOBA 12:14

Mangso wigi phyo' soin' pyam ziri hang" doem yo" zhug too" wa la". Houg: lho: Mangso wigi myheig lhung to" zi shoug" su: ri hang" yo" lhoid pyoin' kaid wa la".

ESAIA 37:3

He: zigi Esaia ri yhe: tid kyoo" wa shid re" nyangnu" ri nyang: tid kaid da" mungdang: nghoid. Hau: zigi «Akhid" nyid" gi yau: khi" kham zoo: da" bidnyid nghoid. Ngoonu" gi yooboo dam byid: ziyo' ngi: yoem" zi shoug" bidnyid nghoid. Ngoonu" gi zooshang: khu: wa jen" jen" nghoid nyid da" myiyi: myhi' yo' du. Nghoid loug we' hau: zooshang: khu: wa shid re" yoem: aboo nghoid da:.

ESAIA 46:10

Bue" loo wa khyoo: ri xang: shi" mo ngoo Lapi: pe: to" wigi cibui wa ein: ziri goonham' mo tid shid" too" bye:. Ngoo soin to" da" moo" joem gi khanham we' asoem" pyam- ngoo koid wa myid soin' to" zi ja: khang" moo" ri ngoo koid su: nghoid ein: ngoo tid.

ESAIA 48:3

Aseing gi Israela ri «Cibui" wa ein: ziri goonham' goo" co' mo ngoo lapi: pe: too" bye:. hau: thang: ngoo hau: ziri nyeigdain tung" bui" nhang: bye:.

ESAIA 48:5

Ngoo gi re" da" ju" loo wa ayo, yo' sen: da" khyoo: ri goonham' gooco' mo lapi: pe: to" wigi hau: joem abui" shi" ri bui" wa khyoo: joem ri tid fu" too" bye:. Hau: lapi: dang: gi nanu" da" yu phara" soolhoo: joem yo' gung du: soolhoo: joem ri bui" nhang: zi nghoid ga nanu" tid ziri toem' pyam wa shid re" nghoid.

ESAIA 7:16

Hau: ayo, aju" shi" rilang" gi nanu" ri kyug nhain' nyid boem da" hau: khokham eig yug da" mungdain: gi jham" coug: youg bue" byug wa.

HOSEA 5:12

Ngoo gi Israela byumyu" yiri joem: loo" nhang: wigi Yuda byumyu" yi adang moo byo, yoin" loo" nhang: wa.

HOSEA 5:14

Ngoo gi Israela yo' Yuda byu yiri khangkhyi dadu: yo' dakhyo" khaid zain: wa. Nyangnu" ri ngoo nyang: nyang: wigi adu du lang: ceig pyam lho: nyangnu" ri too" khoo' wa. Nyangnu" ri ngo wigi she: khyoid lo" ri hang" wigi we' ayo" khoid yu wa.

HOSEA 7:12

Nghoid loug we' ngoo gi goin kham: to" wigi nyangnu" lid lo" uri ngho' joem ri yhang: ti" myheig yu wa. Ngoo gi nyangnu" ri nyangnu" koid lid loo bye: da" akhyeing" ashoeb moo" zoo" joem yoomo yooboo dam byid: wa.

HOSEA 8:8

Israela byumyu" yigi gootu: byumyu" yi yhang: ti" bue" byug wigi go, byug da" oug" yhang: ti" ci: akyu" aboo nghoid da:.

HOSEA 9:7

Yooboo dam byid: wa ayo, gi ju" loo bye:. Hau: byumyu" yi nyangnu" shoug" kham zoo: wa moin: yi" zi yo" yu wa ayo, ju" bye:. Hau: zi bue" lo uri Israela byumyu" yi hau: khyoo: ri si' goo" wa. Nanu" gi «He: Lapi: phoo gi koo" su: nghoid da:. He: Venyi yoem boo su: gi suid" byo, da» ga: tid ago". Byu nanu" gi nanu" da" yooboo sung gyi: yoomo ngoo ri ngheing" ago".

AMO 3:7

Myhang: thang yoem: moo" bo da" Aseing gi nya: dei zoo: lapi: yiri nyang: myid soin' to" khyoo: ri atoin" shid loo: da ja: ja: lhoung koid thu kaid yu" la".

AMO 7:17

Houg: yoomo Amazia we" Aseing gi nang ri tid nyid da:. Re" yhoem: seing: myhi' gi voomoo" khoug: mo shava myhi' bue" loo" wa. Re" zoo: yi we' meing: zain: jang: moo said pyam zi shoug" wa. Re" mougmyid ri we' subi" byumyu" yiri kho' gam byid: pyam boem wa. Nanyang: we' tungbau mung" moo lo" shid: wa. Houg: lho: Israela byumyu" yi we' nyangnu" da" moug: mo zi goomung" khyoo: gyeing" nyang: pyoung" she: lo" zi shau" boem wa» ga: tid.

AMO 7:9

Isag nya: myid: nya: zoo: yi da" noku joyoo joem gi phyo' shoin' pyam wa zi nghoid. Israela mung" mo gyeung" shang: da" joyoo gi byo, yoin" joyoo moo she: pyam too" shoug" wa. Khokham Yeroboam khoo" ri amyoug: thang nhang: wa» ga: tid.

MIKHA 6:13

Houg: yoomo nanu" da" yooboo yoomo nanu" da" byo, yoin" byo, bei: lo" khyoo: ri ngoo koid shed too" byid: bye:.

ZEKHARIA 1:6

Nga" dei zoo: lapi: yi khyo" wigi nanu" da" phoug" phyid" yiri amyeing" byid: dang: yo' lhid zid" wa shid re" ngoo byid: bye:. Nghoid loug we' nyangnu" gi atam" gyo: boem wigi yau: khi" shau" boem. Houg: lang" ‹Yoem: moo" bo da" Aseing gi nya: phajhi" khyau" ziyo' ngoonu" ri kham: moin: da" dam byid: bye:› ga: nung myid yo" boem bye:.

YOHAN 16:4

Ngoo nanu" ri he khyoo: tid kyo" zigi nyangnu" we' nanu" ri tid yhang: ti" koid wa ayo, ju" ngoo nanu" ri no, mo tid too" bye zigi nanu" myid boin wa shid re: nghoid. Ngoo gi nanu" yo" dage" nyid shi" yoomo nanu" ri hau: da" khyoo: no" re- atid kyoo.