HOSEA 5:3 - Lacid Common Language Bible

³ Israela byumyu" yi ciyo' du ziri ngoo se'. Nyang: gi ngoo ri ayo" phang: goug" nghoid da:. Nyang: gi jhug azug loo: yoomo nya: byumyu" yigi ngoo ri noku wa shid re" amoin: yi" boem da:.

HOSEA 5:3 교차 참조

ESAIA 7:16

Hau: ayo, aju" shi" rilang" gi nanu" ri kyug nhain' nyid boem da" hau: khokham eig yug da" mungdain: gi jham" coug: youg bue" byug wa.

ESAIA 7:17

Aseing gi Yuda mung" mo Israela mung" ri kho' yu da" bidnyid moo bue" yu" da" yau: khi" tho je: xo: da" yau: khi" bidnyid yiri nang yo' re" byumyu" yi re" khokham yhoemkhung: goin" adang moo bue" loo goo" wa. Nyang: gi Asuri khokham ri khe: yu wa.

ESAIA 7:5

Suri gi Israela yo' nya: khokham ri goemlu gau" to' da:.

HOSEA 1:2

Hosea khyo" Israela byumyu" yiri Aseing wigi xang: shi" dang: tid uri nyang: gi Hosea ri «Yhoem: seing: myhi' yhe: yu we'. Re" yhoem: seing: myhi' gi jhug azug su: nghoid wa. Houg: lho: re" zoo: yigi nyang: yo' dakhyoo" ti" nghoid loo goo" wa. Houg: yo' dakhyoo" nga" byumyu" yigi ngoo ri too" kho' lho: jhug azug bang: bue" ri" goo" wa» ga: tid da:.

HOSEA 12:1

Israela byumyu" yi nab soin: mo zi myen" ayo, ju" sho' koid zi ja: khang" moo" gi ce: akyu" abo ziyo' phyo' shoin' zi za: nghoid da:. Mhau' ziyo' ajoem: theing moo" gi nyangnu" phung: gung moo je myo: lug re" da:. Nyangnu" gi Asuri yo' myid veing" thang" cab joem to" lho: Egutu bang: yo' phaga: moo" shoin" koid ago"» ga: tid.

HOSEA 13:1

Lid loo bye: da" ayo, moo Ephrim kung: bang: dang: tid da" uri Israela mo goo" kung: bang: gi gyoug ago". Nyangnu" gi Ephrim kung: bang: ri coem' nghang yu" ago". Nghoid loug we' hau: byumyu" yigi Bala ri no' lho: yooboo shoid ago" Houg: lho: he: gang mo nyangnu" shid: shoug" loo goo" wa.

HOSEA 13:5

Ngoo gi nanu" ri kyug da" dain" pyoid yoo moo goem loem byid: bye:.

HOSEA 5:11

Israela gi doin zeig khyoo: ri kham zo: nyid. Nyang: seing da" mougmyid ri ci: phyug pyam bye:. Ciwim gari nyang: gi nyang: ri byid: wa ci: ayo" bang: jang" mo pang" thoug zi yo" yu wa shid re" agyoo: atho' jhen" yhe: da:.

HOSEA 5:13

Israela gi nyang: khayhi' no nyid ziri shau" myang lho: Yuda gi nyang: nya: dam khoo: ri shau" myang lang" Israela gi Asuri khyoo: yhe: lho: khokham moo" ri pang" thoug wa shid re" yhe: mho' da:. Nghoid loug we' nyang: gi nyangnu" ri noo ayu" byang" gi byid:- nyangnu" da" dam khoo: ri ayo" gi nhang: nghoid da:.

HOSEA 5:9

Yooboo dam byid: wa bidnyid gi ju" lo nyid abye:. Houg: lho: Israela gi byo, yoin" loo" wa. Israela byumyu" yi we"- he: zigi gyeing" gyeing" nyang: bue" wa.

HOSEA 6:10

Ngoo gi Israela moo gyoug dain ja: daja: myang bye:. Nga" byumyu" yigi soolhoo: joem ri no' khyo" nyang: nya: gung ri aco' ajhoid koid pyam ago".

HOSEA 6:4

Nghoid loug we' Aseing gi «Israela yo' Yuda we" Ngoo gi nanu" yo' ci sen: la". Ngoo ri nanu" wigi jheddab zigi nab soin: mo lang" khyoem' yo' dakhyo" myab myab bei: byug wa. Hau: zigi nyid" ri no' mo byug lo" da" nghain: yo' du: da:.

HOSEA 8:11

Israela byumyu" yigi yooboo joem ri yu pyam wa shid re" phoin: myoo: sho' je zhug lang" yooboo koid wa jo yoo je myoo: sho' yo" ago".

AMO 3:2

Mougmyid tho' mo byumyu" dangain" jang" moo nanu" ri za: ngoo dasi' yoomo goin coung: lo zi nghoid. Hougsu" nghoid yoomo nanu" da" yooboo joem gi gye" yu" gyoug yu" lhung: sho' nghoid nyid bye:. Houg: yoomo hau: yooboo joem da" gang mo nanu" ri ngoo yooboo dam byid: ca" bye:.

AMO 5:12

Nanu" da" yooboo gi khayhi' gyoug cang bo nyid ziyo' nanu" koid shoid da" youg: moo" khamyoo' myo: jo, ziri ngoo se' nyid. Nanu" gi byugi yiri shen" yhen lho: khougvhoid jhungshug ri yu zo: ziyo' tarha" yung" moo nyangnu" yo" yu eung: da" tarha" deing byeung" khyoo: ri ayo" yu wa khyo" koid nyid ago".

TARHA" TID POIN" 33:17

Yoseb gi nuloo: dadu: yhi' yoem: bo da:. Nyang: moo nulam" yhang: ti" khyau: joem yug da:. Nya: khyau: joem gi Manashe da" khyeing" khyeing" yo' Ephrim da" moin moin nghoid da:. Nyang: gi hau: khyau: joem yo' byumyu" yiri thung" ceig pyam da:. Houg: lho: nyangnu" ri mougmyid thang sho' khaid jhen" pyam da» ga: zi nghoid.

HEBRE 4:13

Mangsoo amyang asi sho' yo" yhoem" nghoeb, to" zi ci" we' ajo- jo, moo jo, dangain" gi nya: shid' khoin" moo diri cen: nghoid nyid wigi nyhang" zei: nyid da" moozoo" dangain" we' nyang: ri zhayen" ci: shug boem ca" wa nghoid.

Pang Shug 3:15

Nang moo" zei: nyid ziri ngoo se'- nang gi ngi" we' anghoid- jham" we' ajham"-su: nghoid nyid ziri ngoo se' nyid nang gi ngi" lang" nge" zi jham" lang" gi jham" ziri ngoo vho: nyid.