HOSEA 5:2 - Lacid Common Language Bible

² Shug voomoo" mo no, da" duang: khuang" bue" lo abye: go". Houg: lho: ngoo gi nanu" dangain" ri yooboo dam byid: wa.

HOSEA 5:2 교차 참조

ESAIA 1:5

Ciwim yoomo thougtheung gyi koid noug go" la". Yooboo dam je myoo: sho' byid: wa ziri nanu" vhoo: go" rhe". Israela we"- re" vhuloem gi dam khoo: za: byeung" sho' nghoid jo, abye:. Re" nheigloem: yo' myid gi no nyid abye:.

ESAIA 29:15

Nyangnu" myid soin' da" khyoo: ri Aseing jang" mo nyhoem" shoung: too" bang: gi joem: lo" abye: go". Nyangnu" gi nyangnu" moo" zoo" ri khau" shoung: koid wigi nyangnu" ri hang" we' azang" myang nyangnu" koid nyid ziri hang" asi' wa ga: jho: ago".

YEREMIA 18:18

Byumyu" yigi «Yeremia yo' sen: wigi ngoonu" daja: koid boem shang. Ngoonu" ri jhau" shid byid: wa khainjung yi ngoonu" ri phajhi" byid: da" phajhi" boo bang- Mangso mungdang: ri tid fu" da" lapi: yi khanham we' nyid nyid boem wa. Nyang: ri yooboo foin: wigi nyang: tid da" dang: ri tam" gyoo: wa theing: pyam goo" shang» ga" tid ago".

YEREMIA 5:3

Gyeing" nyang: Aseing gi jhug zug ziri sho: da:. Nyang: gi nanu" ri baid da:. Nghoid loug we' nanu" gi ci: atam" gyoo: nghoid da:. Nyang: gi nanu" ri phyo' pyam da:. Nghoid loug we' nanu" jhau" yu wa he: ngeug pyam ago". Nanu" gi nheigloem: thain: wigi nanu" da" yooboo joem mo anau lheing: phoug loo nghoid ago".

YEREMIA 6:28

Nyangnu" dangain" bang: gi gyid: mid" yo' joto' yhang: ti" nheigloem: thain: goemlu too' bang: nghoid. Nyangnu" dangain" bang: nheigloem: agi wigi sube" gei sang: lheing: yen" bang: nghoid.

HOSEA 4:2

Nyangnu" gi dangsoo" to" to" lho: hau: ziri doem phyo' pyam ago". Nyangnu" gi mhau' tid- byu said- khau" ziyo' myi: shoid lang shoid ago". Yooboo koid moo" je myoo: nhang: wigi byu said moo" ri daloem: bain thang: daloem: koid thu ago".

HOSEA 6:5

Houg: yoomo ngoo gi nga" Lapi: yiri dang: kho' ziyo' phyo' shoin' pyam wa da" lu dang: yo' dage nanu" jhang nhang: kaid byid: bye:. Nanu" jang" mo ngoo vho: zigi gyeing: gyeing: sho' sho' zi nghoid.

HOSEA 6:9

Khainjung yigi byu dayug ri khyangtoug: koid wa shid re" lhoem: nyid da" byu phung: yo' du da:. Shekhem: mo gyeung" shang: da" joyoo khyoo: yhe: da" khyoogung mo lang" nyangnu" gi byu said moo" koid thu ago". Houg: lho: nyangnu" gi he: akhyeing" ashoeb moo" dangain" ri pa: yhi: koid ago".

HOSEA 9:15

Aseing gi «Nyangnu" da" akhyeing" ashoeb da" moo" dangain" gi Gilgala mo koid shid" lo da:. Hau: jo, yoo moo nyangnu" ri ngoo xang: shi" ngheing" shid" bye:. Houg: lho: nyangnu" koid lid lo da" akhyeing" ashoeb moo" yoomo ngoo gi nyangnu" ri nga" mougmyid mo khaid thu pyam wa. Ngoo gi nyangnu" ri ajheddab loo: wa. Nyangnu" da" vhujhung: yi dangain" bang: gi ngoo ri thougtheung ago".

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.