HOSEA 5:13 - Lacid Common Language Bible

¹³ Israela gi nyang: khayhi' no nyid ziri shau" myang lho: Yuda gi nyang: nya: dam khoo: ri shau" myang lang" Israela gi Asuri khyoo: yhe: lho: khokham moo" ri pang" thoug wa shid re" yhe: mho' da:. Nghoid loug we' nyang: gi nyangnu" ri noo ayu" byang" gi byid:- nyangnu" da" dam khoo: ri ayo" gi nhang: nghoid da:.

HOSEA 5:13 교차 참조

2 KHOKHAM 15:19

Asuri Khosen Tiglad Pilesa gi Israela mung" khyoo: jhen" vang re" lho: Menahem gi khokham pho wigi pang" thoug byid: ziyo' mungdain: dang moo Menahem da" yoem: so' ri yoem: boo nhang: ziri shoug" wa shid re" nyang: ri ngei joem: soem" xe: shed tain: byid: da:.

2 KHOKHAM 15:29

Peka khokham koid nyid ayo, moo Asuri Khosen Tiglad Pilesa gi Iyon- Abela Bed Makha- Yanoa- Kedesha- Hazora voomoo" joem yo' Gilead- Galile- Nabthali mougmyid joem ri seing: yu pyam wigi voobyu yiri thung: byu khyo" Asuri mung" khyoo: shu" lo" ago".

2 KHOKHAM 16:7

Ahaza gi Asuri khosen Tiglad Pilesa ri «Ngoo gi re" dei zoo: nghoid. Houg: lho: ngoo ri gyi zain: nyid boem da" Suri yo' Israela khokham eig yug lo, mo ngoo ri re" khyoid yu la» ga: da" mungdang: yo' dage" byu nhang: kaid da:.

ESAIA 3:7

Nghoid loug we' nyang: gi «Ngoo ri akoid nhang: goo"- nanu" ri ngoo ayo" pang" byid:. Ngoo gi zoo: noem we' byimi we' ci: ayoo"- ngoo ri nanu" da" vhujhung: akoid nhang: goo"» ga: phug tid loo wa.

YEREMIA 30:12

Aseing gi nya: byumyu" yiri «Nanu" da" dam joem gi age byang" nghoid da:. Nanu" da" noo dam joem gi ayo" byang" gi nghoid da:.

EZEKIEL 23:5

Ohola gi ngoo seing: su: bain nghoid bye: thang: ri shava myhi' xo' koid wigi Asuri mung" mo nya: zooyam phoo yi da" jheddab myid ri myid mhain: nyid da:.

HOSEA 10:6

Hau: soolhoo: ri Asuri khyoo: khosen moo" shid re" kheing" khyo" dang loo" goo" wa. Israela byumyu" yigi nyangnu" da" phajhi" dang: ri cang yoomo ngi yoem" lho: sho' phu" loo wa.

HOSEA 12:1

Israela byumyu" yi nab soin: mo zi myen" ayo, ju" sho' koid zi ja: khang" moo" gi ce: akyu" abo ziyo' phyo' shoin' zi za: nghoid da:. Mhau' ziyo' ajoem: theing moo" gi nyangnu" phung: gung moo je myo: lug re" da:. Nyangnu" gi Asuri yo' myid veing" thang" cab joem to" lho: Egutu bang: yo' phaga: moo" shoin" koid ago"» ga: tid.

HOSEA 14:3

Asuri gi ngoonu" ri khasu" we' ayo" khyoid yu. Gyi khaid myang: joem gi ngoonu" ri ayo" goem loem byid:. Ngoonu" da" soolhoo: joem ri ngoonu" da" Mangsoo nghoid ein: khanham we' adoem tid loo wa. O" Aseing we"- Nang gi hang" jhang adoem se' tau" loo bang: ri nheig khyeug myid ci: shug byid: da:.

HOSEA 2:7

Nyang: gi nya: vho: ngei bang: jang" khyoo: cang khaid yhi: wa nghoid loug we' nyangnu" ri cang myhi: wa zi anghoid. Nyang: gi nyangnu" ri cang sho: nghoid loug we' nyangnu" ri ashoug" wa. Hau: thang: nyang: gi «Ngoo gi xang: shi" mo nga" yhoem: seing: pho jang" khyoo: doem tau" loo" wa. Ngoo gi nyang: yo' dage" nyid zigi akhid" tho' mo je ge da» ga: tid loo wa.

HOSEA 7:11

Israela gi nheig agyeing: da" jid: u yo' dakhyoo" myonhoo: sho: lheing yen" da:. Xang: shi" moo nyangnu" gi Egutu khyoo: pang" thoug yu wa yhe: mho' da:. Hau: thang: nyangnu" gi Asuri jhang tang" yhe: ago".

HOSEA 8:9

Israela byumyu" yigi loo zei: lam" yhang: ti" nheigloem: thain: wigi nyangnu" vho: da" jang khyoo: yhe: lo" ago". Nyangnu" gi Asuri mo pang" thoug yu zi shoug" wa shid re" jhen" yhe: lo" ago". Houg: lho: nyangnu" ri goem loem byid: wa shid re" gootu: byumyu" yiri aphoug" byid: ago".

MIKHA 1:9

Samari da" dam joid gi ayo" ze: gi loo. Yuda we' houg: yo' dakhyoo" ti" noo shoug" wa zi nghoid- byo, yoin" lo" khyoo: gi nga" byumyu" yi nyid da" Yerusalem voomoo" khoem" zeing moo ju" jo, bye:.»