HOSEA 5:10 - Lacid Common Language Bible

¹⁰ Aseing tid zigi «Yuda vhujhung: yigi Israela ri moug: jhen" jhen" vang yhe: lho: nyang: mo mougmyid ri khau" yu pyam byid: bye: yoomo ngoo nheig yo: nyid. Houg: yoomo ngoo gi nyangnu" adang moo gyid je: re" ziyo' dakhyo" yooboo dam ri foid goin: byid: wa.

HOSEA 5:10 교차 참조

COUNG" NGHEI 32:6

Hougsu" nghoid yoomo re" da" dang: zung" bang: dangain" gi pang" thoug yu wa zi ca" nyid da" ayo, moo re" jang" moo: akyu" mho' ca". Yau: khe" khyoo: gi gye" thain: da" gyid ji: zoo" ti" tain" loo nghoid loug we' nyangnu" jang" moo: yo" ju" wa zi anghoid.

COUNG" NGHEI 69:24

Nyangnu" da" atho' moo re" nheug yo: khyoo: foid gyoin: kaid we' re" da" nheug khoo" yo: khyoo: gi nyangnu" jang" moo: myhi: loo" baja".

COUNG" NGHEI 88:17

Nyangnu" gi ngoo ri tigyid su" shi, lho: danyid" goin" lheung khoem to" wigi ngoo ri shoid khang" moo" khyo" khoem lheung ci: boem.

DANG: ZHOEM 17:14

Myeing" myo: khyoo: ayang: qei" zigi teung to" gyid thoem" boid shoin: lo" ziyo' du nyid. Je" alam: loo" shi" uri myab, myab, jhed pyam we'.

DANG: ZHOEM 22:28

Re" da" phoug" phyid" yi zhoug to" da" mougkyoo" lugzeing xoug" ri khanham we' ashu" pyam.

ESAIA 1:23

Re" vhujhung: yigi thougtheung gyi koid mo, yo’ khoug" hoeb yi da" byencang" yi za: nghoid ago". Nyangnu" gi khanham we' jhungshug joem yo’ khougvhoid joem ri kham: yu mo, nghoid ago". Nyangnu" gi coug" zoo: yiri tarha" yung" moo khanham we' abo goem loem byid:. Cougmoo" yi da" moo" ri khanham we atam" gyoo byid: bang: nghoid ago".

EZEKIEL 22:22

Ngei ri khyoem' moo" myi: moo nghe' shau' pyam yhang: ti" Yerusalem moo nyangnu" ri nghe' shau' pyam wa. Houg: lang" nyangnu" gi Aseing da" nheig yo: khyoo: ri shoug" kham zo: nyid boem ein: ziri se' loo goo" wa.

EZEKIEL 7:8

«Akhid" daso' ri nyang: nanu" gi ngoo nheig yo: yoem: ri shoug" kham zo: loo bye: da" moo" shid re" dang: phyed byid nyid zi nghoid. Houg: lho: nanu" da" aco' ajhoid moo" dangain" shid re" nanu" ri ngoo aphoug" doem shang" byid: wa.

MATHE 7:27

Hau: mougvo lo wigi gyid je: lo ziyo'- uglid hau' lo lho: hau: da" yhoem: ri lo doin: lang" hau: yhoem: gi leung gyoeb lo"- houg: leung gyoeb' lo" da" yhoem: gi mhoin nyang: kaid' bye» ga: kho" kyo".

LUKA 6:49

Nghoidloug we' Nga" da" tarha" mungdang: ri shau" gyo: thang: ri acang loo" su: gi myidjang: moo za: adu: zhug loo: za: myid tho' moo te: koid: too" su: yo" du nyid. Gyid je: lo wigi hau: yhoem: ri lo thung" lang" gi dalheing: dam byo lheing lo. Hau: byo lheing lo" zigi mhoin' nyang: kaid bye:- ga: tid kyo.

TARHA" TID POIN" 19:14

Nanu" Aseing Mangso wigi nanu" ri byid: wa shid re" goonham' mo zhug to" da" mougmyid mo nanu" yhoem: kyoo" cang" da" moug: khyoo" zeing ri ashu" pyam byid: goo".

TARHA" TID POIN" 27:17

«Yhoem: kyoo" cang" da" kyoodoem: ri shu" pyam yug hang" nghoid loug we' Mangso nheing" khoin" zang" baja". Houg: lang" byumyu" yi dangain" gi ‹Amen› ga: tu" wa zi nghoid.