HOSEA 5:1 - Lacid Common Language Bible

¹ Khainjung nanu" we" tam" gyoo: ge'. Israela byumyu" yi we" tam" gyoo: ge'. Khokham ikoin deungkhu: moo bo da" nanu" we"- tam" gyoo: we'. Nanu" gi tarha" deing byeung" zi ge' dang: phyed pyam ca" eung: da:. Nanu" gi Mizpa mo lhid' bue" lo abye: da:. Tabora boem moo kham: to" da" goin bue" byug bye:.

HOSEA 5:1 교차 참조

YEREMIA 11:7

Ngoo gi nyangnu" da" phoug" phyid" yiri Egutu mo shu" thu lo uri ngoo ri phau" cang goo" wa shid re" nyangnu" ri zug zug tid poin" bye:. Houg: lho: ngoo gi hau: byu yiri akhid" nyid" ju" sho' xo' tid poin" loo bye:.

YEREMIA 13:18

Aseing ngoo ri «Khokham phoo yo' nya: myhi' ri nya: mitang: da" khokham zhung: thang mo gyoo" loo wa shid re" tid kyoo" we'. Ciwim gari nya: mitang: da" young" da" bidmug joem gi nya mitang: da" vhuloem mo gyoid gyo" loo" bye:.

YEREMIA 46:18

Ngoo myhang: thang Aseing gi khokham nghoid. Ngoo gi kangso' dei da" Mangso nghoid. Tabora boem gi boem joem tho' myhang: da:. Khamela boem gi Panglai: atho' moo myhang: jo, da:. Hougsu" nanu" ri gyi koid su: gi yoem: boo su: nghoid.

HOSEA 10:15

Bethela mo byu yi we"- Nanu" koid lid lo da" akhyeing" ashoeb moo" zoo" joem yoomo nanu" moo hougsu" nyang: bue" loo goo" wa. Gyi khaid shid" ri" yo' dage" Israela khokham shid: loo" wa.

HOSEA 13:8

Ngoo gi nya: zoo: ci phyug pyam da" voem myhi' yo' dayhang: ti" nanu" ri gyi khaid koid lho: nanu" ri ngo wigi lang: ceig khyam" pyam wa. Ngoo gi khangkhyi dadu: yo' dayhang: ti" nanu" ri hougmoo: nyang: zo: pyam wa. Houg: lho: ngoo gi siyoo gougnyhoug yo' dayhang: ti" nanu" ri adu du lang: ceig khyam" pyam wa.

HOSEA 4:1

Aseing gi he: mougmyid moo nyid da" byumyu" yiri thougtheung yooboo zhug abye:. Israela byumyu" yi we" tam" gyoo: we'. Nyang: tid zigi «He: mougmyid moo jhug zug ziyo' jheddab myid ga: zi ajo,. Houg: lho: byumyu" yigi ngoo ri Mangsoo khyo" alheing: yu goo" nghoid da:.

HOSEA 6:9

Khainjung yigi byu dayug ri khyangtoug: koid wa shid re" lhoem: nyid da" byu phung: yo' du da:. Shekhem: mo gyeung" shang: da" joyoo khyoo: yhe: da" khyoogung mo lang" nyangnu" gi byu said moo" koid thu ago". Houg: lho: nyangnu" gi he: akhyeing" ashoeb moo" dangain" ri pa: yhi: koid ago".

HOSEA 9:8

Mangsoo gi nya: da" byumyu" Israela ri tid poin" wa shid re" ngoo ri nhang: kaid bye:. Nghoid loug we' khakhyoo: loo" khakhyoo: nanu" gi ngho' yo' dakhyo" ngoo ri lhid thung: wa soin' ago". Mangso da" Noku Yhoem: Moo" moo lang" hau: byumyu" yigi lapi: pho da" gyivoo joem bue" ago".

YOELA 1:2

Phoug" mang: zookho' yi we"- tam" gyo: yu" ge'. Yuda mung" byu yi yugkhang" moo" we"- gyo: yu" ge'. Nanu" da" apyaid moo nghoid loug- nanu" da" phoug" phyid" yi da" apyaid moo nghoid loug we' hid: te" zi khanham we" lhung bue" yu" go" lha".

AMO 3:1

Israela bang: we" Egutu mo shu" thu lo da" byumyu" dangain" mo, we" nanu" yo' sen: lho: Aseing tid da" mungdang: ri tam" gyo: yu we'.

AMO 7:9

Isag nya: myid: nya: zoo: yi da" noku joyoo joem gi phyo' shoin' pyam wa zi nghoid. Israela mung" mo gyeung" shang: da" joyoo gi byo, yoin" joyoo moo she: pyam too" shoug" wa. Khokham Yeroboam khoo" ri amyoug: thang nhang: wa» ga: tid.

MIKHA 3:1

Israela vhujhung: yi we" gyo: yu" ge'. Nanu" gi tarha" dain: da" khyoo: ri cang ca" anghoid goo" lha".

MIKHA 3:9

Tarha" nyeung veung" khyoo: ri ngheung" lho: shoid vhang: da" khyoo: khyoo: phug lo" da" Israela vhujhung: yi we"- nga" dang: ri tam" gyo: yu" ge'.

MIKHA 7:2

Hau: moug: moo deing byeung" da" byu dayug we' anyid loo:. Mangsoo ri jhug zug loem khau: da" byu dayug we' aboo loo. Yugkhang" moo" gi byu said wa shid re" akhyoo" ayo, akhyeing: ri dalang" nyid boem ago". Yugkhang" moo" gi yhoem: seing: byumyu" yiri cang khaid kuang yen" ago".

MALAKHI 1:6

Yoem: moo" bo da" Aseing Mangsoo gi khainjung yiri hid su" ga: tid- «Zooshang: gi nya: phoo ri phau" myang:- join we' nya: yhoem: seing: ri phau" myang:- nanu" da" nya: phoo gi ngoo nghoid ri ngoo ri khanham phau" myang: yu" go" lha". Ngoo gi nanu" da" Aseing nghoid- khanham gyoug phoug" yu" go". Nanu" gi ngoo ri aphoug" akhyoid koid lho: ngoo gi nanu" Aseing nghoid ri khanham gyoug phoug" yu" go". Nanu" gi ngoo ri aphoug" akhyoid koid lho: ngoonu" gi Aseing ri arui" yu"» ga: we' datid ashi" go".

MALAKHI 2:1

Hau: lho: yoem: moo" bo da" Aseing Mangsoo gi khainjung yiri hidsu" ga: tid.«Khainjung yi we"-he: da" amyeing" tarha" gi nanu" shid re" nghoid.

TARHA" AGYI 4:12

Tabora boem khyoo: Barag yhe: loo" bye: ziri Sisera si' lang"

TARHA" AGYI 4:6

Danyid" ri nyang: gi Napthali moug: Kedesha voomoo" mo Abinoam da" nya: yuggi zoo: Barod jhang byu nhang: kaid wigi nyang: ri «Israela byumyu" yi da" Aseing Mangsoo gi he: amyeing" dang: ri byid: abye:. ‹Nabthali yo' Zebulun byumyu" kung: mo byu damoin shu" yu wigi nyangnu" ri Tabora boem khyoo: shu" yhi: we'.

1 SAMUELA 7:16

Nyang: gi zain khang" moo" Bethela- Gilgala yo' Mizpa joyoo cang so" lheung: yen" wigi Tarha" dang: ri cang phyed byid: yen" da:.

1 SAMUELA 7:5

Hau: thang: ri Israela byumyu" yi dangain" bang: gi Mizpa joyoo moo zeung: foem: wa shid re" Samuela khe: kaid wigi nyangnu" ri «Hid: moo ngoo nanu" shid re" Aseing jang" moo akyu" mho' byid: nyid» ga: tid.

1 SAMUELA 7:6

Hougsu" nghoid yoomo nyangnu" dangain" mo, gi Mizpa joyoo moo zeung: foem: nyid boem ago". Gyid dajhi' ri we' nyangnu" kham: yu lho: Aseing ri xoin" to' khyo" wigi pyi: khyo' pyam ziyo' danyid" goin" zoo: noem zeung: nyid boem ago". Nyangnu" gi «Nyangnu" da" Aseing ri shoid bye: o"» ga: toungbain: nyid ago". He: zigi Mizpa joyoo moo Israela byumyu" yiri Samuela gi tarha" tid byid: da" khyoo: nghoid nyid da