HOSEA 4:6 - Lacid Common Language Bible

⁶ Nga" byumyu" yigi joem: lo" boem bye:. Ciwim gari nyangnu" gi ngoo ri ayhen: yu nghoid ago". Khainjung yi nanu" gi ngoo ri yhen: yu wa he: pyam lho: nga" jhoug" shed khyoo: ri ngeug pyam abye: go". Houg: yoomo ngoo gi nanu" ri ngeug pyam lho: nanu" da" yuggi zoo: yiri we' nga" da" khainjung yi khyo" ayhen: yu wa.

HOSEA 4:6 교차 참조

2 KHOKHAM MHOOMYID: 15:3

Israela byumyu" yigi ayo, myang" sho' deungmain" da" Mangsoo aboo loo:- nyangnu" ri jhoug" shid wa khainjung yi aboo loo:- tarha" aboo loo: nyid lo ago".

YOBA 36:12

Nghoid loug we' hougsu" anghoid rigi agyeing: asoo" nyangnu" shid: loo" wa wigi moovo moug: khyoo: gyid zoo: gyung: ri gu: dab lho: yhe: loo" wa.

COUNG" NGHEI 119:139

Nga" da" gyivoo joem gi re" da" amyeing" dang: joem ri cishu: anhang: boem yoomo nga" nheig khoo" yo: khyoo: gi myi: su" nge" nyid.

COUNG" NGHEI 119:153

Re" da" tarha" ri ngoo angeug pyam yoomo nga" kyi" khyeug khyoo: ri yu" lho: ngoo ri khyoid yu we'.

COUNG" NGHEI 119:61

Akhyeung" mo, gi: nga" shid re" lhid thoung: to" boem nghoid loug we' ngoo gi re" tarha" ri to" myhed pyam wa zi anghoid.

COUNG" NGHEI 18:27

Nang gi nheigloem: nyhoem: khyoo, mo, ri khyoid yu nyid. Nghoid loug we' nghoid boin: nyid mo, ri koem gi doin: khyo' pyam nyid.

DANG: ZHOEM 10:21

Byugi yi da" dang: joem gi byu myoo" sho' bang: ri akyu" jeju" shoug" kham: yu nhang: nyid. Nghoid loug we' nanya: nheig agyeung: da" khyoo: gi nanya: da" gung du: ri nanyang: said nyid.

DANG: ZHOEM 19:2

Lasi, laleug phajhi" aboo loo za: nheigloem: to" zi agi- nheigloem: leung" zigi yau: khe" khyoo: shoug" wa nghoid.

ESAIA 1:3

Nu: joem gi nyangnu" ri hang" wigi seing: ziri se' lho: loo zei: joem gi nyangnu" aseing wigi nyangnu" ri khamoo voem: byid: zho" ziri se' ago". Hau: zigi nga" byumyu" Israela bang: se' tho' je se' da:. Nyangnu" dajhi' we' ase' gyoo: nghoid ago"» ga: tid.

ESAIA 17:10

Israela we"- nang ri khyoid yu su: yo' geing: teing da" lugboem moo" yo' dayhang: ti" nang ri goem loem byid: su: Mangsoo ri nang to" myhed pyam abye:. Hau: gungthid tungbau yu phara" joem ri no' wa shid re" gyeung" shang: da" bain: khyam: joem ri nang sho" da:.

ESAIA 27:11

Seiggam joem mo seig kung: joem gi yhau" wigi kyug lo" byug ago". Myiyi: yigi hau: ziri thang" sho: yu ago". Ciwim gari byumyu" yigi ci: we' ase' gyoo: goo" nghoid da:. Nyangnu" ri phain" so: su: Mangsoo gi nyangnu" ri nheig akhyeug wa nheig khyeug shoomyen: myid aci: shug byid: wa.

ESAIA 28:7

Lapi: yi yo' khainjung yi lang" yhid: sung yed yoomo leung baid yeing" ago". Nyangnu" zabyid yhid: yo' yhid: jang" sung yed yoomo adu: adam: thung" leung ago". Lapi: yigi Aseing wigi byid: da" yoeb myang joem ri ase' gyoo: loo: sho' yhid: yed ago". Houg: lho: khainjung yigi nyangnu" jhang ci: re" da" moo" ri ayo" tid phoid: kyoo" loo: sho' yhid: yed ago".

ESAIA 29:12

Ase' nghab da" byu dayug jhang hau: ziri ci: yhe: wigi nanu" ri nghab kyoo" wa yhe: mho' nghoid ri nyang: gi khasu" nghab wa nyang: asi' ga: tu" wa.

ESAIA 3:12

Ngei jhid" zoo: bang: gi nga" byumyu" yiri doin: zeig zo: ago". Nyangnu" da" jhen: seing: yigi nyangnu" ri mhoug zo: ago". Nga" byumyu" yi we"- nanu" khakhyoo: ase' tau" loo" loo: sho' nanu" vhujhung: yigi nanu" ri khyoo: shu" vhang: ago".

ESAIA 45:20

Aseing tid zigi «Khosen mungdain: gyoo" lo" byug uri nyid deing bang: dangain" nghoid da" byumyu" yi we"- zeing: lo boem ge'. Tarha" joeb yu" khyo" nanu" nya: gung ri yhe: ci: shug byid: we'. Byu yigi seig wigi koid da" nyangnu" yu phara" soolhoo: joem yo' jen shug yen" lho: nyangnu" ri ayo" khyoid yu da" yu phara" joem ri akyu" mho' ago". Hau: byu yigi ci: we' asi' goo" nghoid da:.

ESAIA 5:13

Houg: lho: nanu" gi thung: byu yi yhang: ti” myheig shu" lo" zi shau" boem goo" wa. Nanu" da" vhujhung: yigi zoo: yoid lho: shid: wa houg: lho: mung" byu yigi gyid shed lho: shid: loo goo" wa.

YEREMIA 2:8

Khainjung yigi «Aseing khayoo: nghoid la"» ga: amyid: nghoid ago". Nga" da" khainjung yi ngoo ri asi' nghoid ago". Vhoeb khang" bang: gi ngoo ri thougtheung gyi koid ago". Lapi: yigi Bala myeing khyo" dang: tid boem. Houg: lho: akyu" abo da" soolhoo: joem ri no' ago".

YEREMIA 4:22

Aseing tid zigi «Nga" byumyu" yigi nheig agyeing: nghoid ago". Nyangnu" ngoo ri asi' nghoid da:. Nyangnu" gi ko" da" zooshang: yi yhang: ti" nghoid boem. Nyangnu" moo Lasi Lajhang: se' gyo: myid aboo nghoid da:. Nyangnu" gi akhyeing" da" moo" koid wa gye" jhang: ago". Nghoid loug we' nyangnu" gi ge zi koid wa abui" adoid nghoid da» ga: tid.

YEREMIA 5:21

Myojid" dab loug amyang- nukhyab dab loug ashau" gyo: da" nheig agyeing: ko" da" byumyu" yi nanu" we"- goolhoo' tam" gyoo: we'..

EZEKIEL 44:23

Khainjung yigi nga" byumyu" yiri gyeung" shang: ziyo' agyeungshang: khyoo:- thung" khyo" younglho' ziyo' ayung" alho' khyoo: shai" goo" ziri kho' wigi jhau" shid byid: ca" da:.

HOSEA 13:6

Nghoid loug we' mougmyid ge jang" khyoo: vang yhe: lo" lho: nanu" gi gye" shoug" zo: ziyo' nheugshid: nheugdeug boem lang" nghoid boin re" wigi ngoo ri to" myhed pyam abye:.

HOSEA 2:13

Nyang: gi nya: vho: ngei bang: jang cang loo" wa shid re" Bala ri nam pyo: ja: nghe' ngei" byid: lho: phoug" dab sheing: ziyoo void da" uri ngoo ri to" myhed pyam yoomo nyang: ri ngoo yooboo dam byid: wa. Aseing tid abye:.

HOSEA 4:1

Aseing gi he: mougmyid moo nyid da" byumyu" yiri thougtheung yooboo zhug abye:. Israela byumyu" yi we" tam" gyoo: we'. Nyang: tid zigi «He: mougmyid moo jhug zug ziyo' jheddab myid ga: zi ajo,. Houg: lho: byumyu" yigi ngoo ri Mangsoo khyo" alheing: yu goo" nghoid da:.

HOSEA 4:12

Nyangnu" gi seig khang" mo pang shug wa shid re" myid: boem ago". Nyangnu" si nau ziri nyangnu" ri seig yau: ge' tid kyo" da:. Nyangnu" gi ngoo ri too" kho' abye: go" da:. Shava myhi' bue" lo da" myiyi: dayug yhang: ti" nyangnu" gi nyangnu" gung ri gootu: yu phara" joem jang" moo byid: pyam abye: go" da:.

HOSEA 4:14

Nghoid loug we' ngoo gi nyangnu" ri he: moo" yoomo yooboo dam abyid: wa. Ciwim gari nanu" nyang: we' noku yhoem: mo shava myhi' joem yo' zoem" yen" ago". Houg: lho: nanu" gi nyangnu" yo' dage" tungbau yu phara" joem ri xoin" ngei" byid: ago". Dang: zhoem' moo ‹Myid lasi abo da" byumyu" damyu" gi byo, yoin" lo" wa› ga: tid to" da:.

HOSEA 5:4

Hau: byumyu" yi koid da" akhyeing" ashoeb da" moo" gi nyangnu" ri Mangso jhang khyoo: ayo" lheing: loo wa khyo" toem' pyam byid: ago". Soolhoo: no' da" thung" gi nyangnu" ri yoem: so' yo' teing zei: ci: da:. Houg: yoomo nyangnu" gi Aseing ri ayhen: yu nghoid ago".

HOSEA 6:6

Ngoo gi nanu" da abei abyo, da" jheddab myid ri vho da:. Nanu" da" gougnyhoug xoin" ri avhoo:. Ngoo nga" byumyu" yi wigi ngoo ri nghe' ngei" xoin" to' byid: tho' nga" byumyu" yi wigi ngoo ri se boem wa zi je vho: da:.

HOSEA 7:11

Israela gi nheig agyeing: da" jid: u yo' dakhyoo" myonhoo: sho: lheing yen" da:. Xang: shi" moo nyangnu" gi Egutu khyoo: pang" thoug yu wa yhe: mho' da:. Hau: thang: nyangnu" gi Asuri jhang tang" yhe: ago".

HOSEA 7:9

Tungbau yiri khau: nghe: zigi nyangnu" da" yoem: ri lhoid yu pyam ziri aboin: soo" nghoid ago". Nyangnu" da" bidnyid joem gi thang jo, bye:- Nghoid loug we' nyangnu" gi hau: ziri si' lang" asi' goo" nghoid da:.

HOSEA 8:1

Aseing gi «Gyi tid poin" thui: ri myheing kaid we'. Gyivoo yigi zoin bung yo' dakhyo" da" mougmyid moo dang: gyoo" re" nyid ago". Nga" byumyu" yigi ngo wigi nyangnu" yo' koid to" da" dang: theing ri phyo' shoin' pyam lho: ngoo jhau" shed ziri thougtheung gyi koid pyam ago".

HOSEA 8:12

Ngoo gi hau: byumyu" yi shid re" atho' nghab loo: sho' nghoid da" jhau" shed dang: joem ri lhid" byid: nghoid loug we' nyangnu" gi hau: ziri amyang yu" da" byumyu"- tungbau yo' dakhyoo" ti" ngeug pyam ago".

HOSEA 8:14

Israela byumyu" yigi khokham kho" ri zhug to" ago". Nghoid loug we' nyangnu" gi nyangnu" ri phain" so: too" su: ri to" myhed pyam abye: go". Yuda byumyu" yigi gye" geing: da" voomoo" joem ri de: to" ago". Nghoid loug we' ngoo gi nyangnu" khokham kho" joem yo' voomoo" joem ri nghe' pyam wa myi: ri nhang: khyo' kaid wa.

HOSEA 9:17

Ngoo dei byid: nyid da" Mangsoo gi nya: byumyu" yiri ngeug pyam wa. Ciwim gari nyangnu" gi nyang: tid dang: ri atam" gyoo: yoomo nghoid da:. Nyangnu" gi byumyu" yi phung: gung moo nyid lam" yen" ca" loo goo" wa.

MATHE 1:6

Yese gi David khokham" ri khu: kaid bye. David gi Uria da" yhoem: seing: myhi' ga: jang" mo- Sholumon ri khu: kaid bye.

MATHE 15:14

Houg: bang: yoomo myid amyoo: goo"- nyangnu" gi myo, jed mo ri khyoo: shid: da" myo, jed mo, nghoid. Myo, jed nyang: cang" khyoo: shed go" rigi eig youg duang: khuang" moo byid: gyo" zi shau" wa nghoid» ga: doem tid kyo.

MATHE 15:8

‹He: da" amyu" gi nya: da" khoin" thui: yo"- Ngoori phau" myang: boem nghoid loug we' nyang: nya: nheigloem: gi ngoo yo" ve: gang: jo.

1 SAMUELA 2:12

Eli da" nya: zoo: yigi akhyeing" ashoeb boem nghoid da:. Nyangnu" gi Aseing ri we' cishu: anhang: nghoid boem wigi