HOSEA 4:2 - Lacid Common Language Bible

² Nyangnu" gi dangsoo" to" to" lho: hau: ziri doem phyo' pyam ago". Nyangnu" gi mhau' tid- byu said- khau" ziyo' myi: shoid lang shoid ago". Yooboo koid moo" je myoo: nhang: wigi byu said moo" ri daloem: bain thang: daloem: koid thu ago".

HOSEA 4:2 교차 참조

APOEM AYANG: 4:8

Hau: thang: Ka-in gi nya: nhung" Abela ri «Sa- dain" khyoo: yhi: shang» ga: tid lho: nya: tang: dain" khyoo: yhe: lo" nyid uri Ka-in gi lheing: lo lho: nya: nhung" Abela ri said pyam bye:.

ESAIA 24:5

Byu yigi mougmyid ri Mangso tarha" joem ri shoid da" khyo" apyaid atoo: shid re" nyang: koid to" da" dang: theing ri phyo' shoin' pyam khyo" ayung" alho' koid pyam da:.

ESAIA 48:1

Yuda kung moo gyoo" lo da" Israela byu nanu" we"- he: ziri tam" gyoo: we'. Nanu" gi Aseing myeing ri lang: wigi jham' tang: lho: Israela da" Mangsoo ri noku wa ga: tid ago". Nghoid loug we' nanu" tid zi dakhoin" ri we' acang boem nghoid da:.

YEREMIA 51:5

Myhang: thang da" Aseing Mangso ngoo gi nyangnu" Israela da" gyeung" shang: da" su: nghoid da" ngoo ri gyi koid sho' nghoid loug we' Israela yo' Yuda ri ngoo ashe: pyam too" wa.

YEREMIA 6:7

Gyid thung" gi ngham" da" gyid gyeing: ri thu' loo nhang: yhang: ti" Yerusalem we' nya: da" akhyeing" ziri thu' loo nhang: da:. Ngoo gi voomoo" khoug: moo pyijoem: sho: khaid said ziyo' phyo, shoin' moo" ri shau" gyo: da:. Noophyoo" yo' dam dab ziza: ngoo shau" myang da:.

NGOUG JI: 4:13

Nghoid loug we' nya: lapi: yigi yooboo shoid nyid boem ziyo' nya: khainjung yigi ce: yooboo we' ayoo" mo, ri shid: shoug" nhang: da" gang mo hougsu" bue" lo" boem bye:.

EZEKIEL 7:23

«Ja: khang" moo" gi anhung akhoid bue" jo, wa. Mungdain: gi byu said moo" yo' byeung" jo, wa. Voomoo" joem moo athoug" akhyoug: moo" byeung" jo, wa.

HOSEA 10:13

Nghoid loug we' nanu" gi hau: gungthid- akhyeing" ashoeb ziri sho" lho: hau: ashi" ri shoug" yhoem" yu da:. Nanu" gi nanu" da" mhoug jang" mo thu re" da" ashi" ri zo: abye: da:. Nanu" gi nanu" da gyi myang: rheing" joem yo' gye myo: da" nanu" da" gyi zoo yiri loem yoomo

HOSEA 10:4

Nyangnu" gi dang: soem: ji lho: ajo da" dangsoo" joem byid: ziyo' ce: akyu" abo da" myid veing" thang" cab to" ago". Tarha" da" zigi atarha" khyoo: bue" loo" bye:. Hau: joem gi yoo thung" moo: myoono, gam yo' dakhyoo" yug gyi: re" ago".

HOSEA 11:12

Aseing gi Israela byumyu" yigi ngoo ri mhoug tid dang: yo' mhoug fain" ziyo' lheing khoem to" abye: go". Yuda byumyu" yigi jhug zug ziyo' gyeung" shang: da" ngoo Mangsoo ri thougtheung gyi koid nyid boem shi" ago".

HOSEA 12:14

Israela byumyu" yigi Aseing ri nheig khoo" sho' nheig yoo: nhang: lho: nyangnu" gi nyangnu" shoid vhang: da" byu said youg: moo" yoomo shid: wa moin: yi" ago". Aseing ri nyangnu" wigi ngi: yoem" nhang: da" gang mo nyangnu" ri yooboo dam byid: loo wa.

HOSEA 5:2

Shug voomoo" mo no, da" duang: khuang" bue" lo abye: go". Houg: lho: ngoo gi nanu" dangain" ri yooboo dam byid: wa.

HOSEA 6:8

Gilead gi akhyeing" shoeb bang: yo' byu said bang: byeung" nyid da" voomoo" nghoid da:.

HOSEA 6:9

Khainjung yigi byu dayug ri khyangtoug: koid wa shid re" lhoem: nyid da" byu phung: yo' du da:. Shekhem: mo gyeung" shang: da" joyoo khyoo: yhe: da" khyoogung mo lang" nyangnu" gi byu said moo" koid thu ago". Houg: lho: nyangnu" gi he: akhyeing" ashoeb moo" dangain" ri pa: yhi: koid ago".

HOSEA 7:1

Nga" byumyu" Israela ri ngo wigi noo byang" byid: nau uri yo' nyangnu" ri doem yoo" zoo: yoo" shug nhang: nau khang" moo" ngoo shau" myang zigi nyangnu" da" akhyeing" ziyo' nyangnu" koid da" akhyeing" ashoeb da" moo" za: nghoid da:. Nyangnu" gi nyangnu" nyang: cang" mhoug fain" zoo: go" da:. Yhoem: khoug: khyoo: ceig vang yhe: wigi khoug" zo: ago". Nyangnu" gi khyoogung moo byumyu" yiri khyangtoug: koid ago".

HOSEA 7:3

Aseing gi «Mung" byu yigi nyangnu" da" akhyeing" ashoeb da" khoug: lheing: lheing: wigi khokham yo' nya: gyizoug: yiri mhau' fain" pyam ago".

HOSEA 7:4

Nyangnu" dangain" gi mhau' fain" ziyo' jhug azug mo, nghoid ago". Nyangnu" da" ngheing" zigi myikhyoem moo" mo myi: yo' du da:. Hau: myi: gi zooyho' bung: su: zooyho' bung: wa jen" jen" nghoid sho' alhu: zhang" kaid da" myi: yo' du da:.

MIKHA 3:2

Nghoid loug we' nanu" gi ge da" khyoo: ri ngheung" ago"- akhyeung" da" moo" ri vho: nyid boem ago"- nanu" gi nga" byumyu" yiri kangso dei nyid shire nyang: shooyid shid pyam byid: lho: shooyoug: mo shoo" ri we' phyo' shang: yu pyam ago".

MIKHA 3:9

Tarha" nyeung veung" khyoo: ri ngheung" lho: shoid vhang: da" khyoo: khyoo: phug lo" da" Israela vhujhung: yi we"- nga" dang: ri tam" gyo: yu" ge'.

MIKHA 6:10

Akhyeung" ashoeb mo, da" yhoem: khoug: moo adeing amain" khyo" yo" yu to" da" jonu" joem jo, da:. Nyangnu" gi ngoo ngheung" da" amain" jang lug laki ci: ago".

MIKHA 7:2

Hau: moug: moo deing byeung" da" byu dayug we' anyid loo:. Mangsoo ri jhug zug loem khau: da" byu dayug we' aboo loo. Yugkhang" moo" gi byu said wa shid re" akhyoo" ayo, akhyeing: ri dalang" nyid boem ago". Yugkhang" moo" gi yhoem: seing: byumyu" yiri cang khaid kuang yen" ago".

ZEPHANI 3:1

Nyang: nya: voogung byu yi ri doin: zeig zo:- byo, bei ziyo' goemlu gyi: koid da" Yerusalem gi byu xuid" voo yoem: zi shau" nyid abye:.

ZEKHARIA 5:3

Houg: lang" nyang: ngoo ri tid zigi «He: zigi moug: gyab goin" jang" khyoo: thu lo" da" nheing" khoin" lhid" to" zi nghoid. Dashoid moo gi khoug" mo, gi he: mougmyid mo shoem" thu pyam' zi shoug" wa khyoo: lhid" to" lho: dashoid moo gi adeing amain" khyo" jham' tang: mo, yugkhang" moo" gi shoem" thu pyam' wa khyoo: lhid" to"» ga: tid nyid.

ZEKHARIA 7:9

Yoem: moo" bo da" Aseing tid zigi «Nanu" gi deingmain" da" tarha" dang: kho' lho: yugkhang" moo" nya: mang: nya: nhung" ri nheig khyeug go" wigi hau: nheig khyeug nheigloem: toin" shed go" nyid we'.

MATHE 23:35

Houg: yoomo ce: yooboo abo da" Abela da" suid" mo wigi yung" lho' da" Noku yhoem: yo" phoin: gyoo: mo nanu" said pyam shau" da" Barakhi nya: zoo:- Zakhari da" suid" moo ju" sho' young" lhoo mo, dangain" ri suid" shoin: nhang: boem yoomo nanu" gi yooboo dang: phyed zi shau" goo" wa zi nghoid.

ACTS 7:52

Nanu" da" phoug" phyid" yi wi gi ashen" yhen, yu" da" lapi: ga: zi kha: yug nyid yu go" Nyang: nu" gi Mangso da" deingmain" su: ju" ri" wa ga: da" khyoo: ri tid fu" kyo" da" Mangso lagyoo: yi ri we' said' pyam boem abye: go. Akhid" nanu" gi hau: yug ri ab, byid: pyam' lho: said' pyam' boem abye: go.

TARHA" TID POIN" 5:11

Nga" myeing ri akhyeing" ashoeb da" khyo" aci: goo". Ciwim gari ngoo nanu" Aseing Mangsoo gi nga" myeing ri anghoid aeung: khyo" ci: da" yug hang" ri we' yooboo dam byid: wa.

TARHA" TID POIN" 5:18

«‹Myi: lhoid lang alhoid goo".

TARHA" TID POIN" 5:19

«‹Akhoug" goo".

1THESALONI 2:15

Yuda byu yi ein: bang: gi Aseing Yesu ri we' Lapi: yi ri we' said' pyam nyid bang: nghoid wigi ngoonu" ri we' shen" yhen nyid bang: nyid nyangnu" gi Mangsoo vho: ngei khyo" akoid boem- yug khang" mo" da" aveing" go" da" gyi bue" nyid boem.

Pang Shug 17:6

Hau: lho: myi: yi: myhi, hau: yug gi Mangso byu yi da" suid" yo' Yesu ri loem" jeing" yoomo said' pyam' zi shug" mo, da" suid" ri shug yed, nyid ziri ngoo myang.