HOSEA 4:14 - Lacid Common Language Bible

¹⁴ Nghoid loug we' ngoo gi nyangnu" ri he: moo" yoomo yooboo dam abyid: wa. Ciwim gari nanu" nyang: we' noku yhoem: mo shava myhi' joem yo' zoem" yen" ago". Houg: lho: nanu" gi nyangnu" yo' dage" tungbau yu phara" joem ri xoin" ngei" byid: ago". Dang: zhoem' moo ‹Myid lasi abo da" byumyu" damyu" gi byo, yoin" lo" wa› ga: tid to" da:.

HOSEA 4:14 교차 참조

1 KHOKHAM 15:12

Nyang: gi tungbau noku thung" joyoo moo: shava myhi' shava phoo koid nyid da" bang: dangain" mo, ri mungdain: mo khaid sain" pyam wigi nya: shid mo bang: koid to" da" yu phara" soolhoo: dangain" ri we' yu pyam bye:.

2 KHOKHAM 23:7

Nyang: gi Noku Yhoem: Moo" mo shava myhi' yi seing: nyid da" byu nyid joyoo joem ri phyo' pyam da:. (Houg moo Ashera ri no' jang" moo void da" byisheing: joem ri myiyi: yi yo, ago")

DANG: ZHOEM 28:5

Akhyeing" ashoeb, bang: gi tarha" ein: ziri asi nghoid ago- Aseing ri loem khau: nyid mo, koem gi hau: tarha" ri goo" lhoo: za: se' gyo: xoem" ci: boem ago".

ESAIA 1:5

Ciwim yoomo thougtheung gyi koid noug go" la". Yooboo dam je myoo: sho' byid: wa ziri nanu" vhoo: go" rhe". Israela we"- re" vhuloem gi dam khoo: za: byeung" sho' nghoid jo, abye:. Re" nheigloem: yo' myid gi no nyid abye:.

ESAIA 27:11

Seiggam joem mo seig kung: joem gi yhau" wigi kyug lo" byug ago". Myiyi: yigi hau: ziri thang" sho: yu ago". Ciwim gari byumyu" yigi ci: we' ase' gyoo: goo" nghoid da:. Nyangnu" ri phain" so: su: Mangsoo gi nyangnu" ri nheig akhyeug wa nheig khyeug shoomyen: myid aci: shug byid: wa.

ESAIA 56:11

Nyangnu" gi khanham we' atho' tham: da" mhain: da" lakhuid" yo' du da:. He: vhujhung: yigi se' gyo: khyoo: ajo, nghoid da:. Nyangnu" mo yugkhang" moo" gi nyang: vho: ngei ziri koid wigi nyang: nya: akyu" shid re" za: sho: ago".

DANIELA 12:10

Byu myoo" sho' bang: gi kyeing sain' pyam byid: zi shau" boem wa. Akhyeing" ashoeb bang: gi ase' gyoo: goo" wa. Nghoid loug we' nyangnu" gi akhyeing" ashoeb moo" ri zei: nyid boem goo" wa. Phajhi" boo bang: kyeing dase' gyoo: goo" wa.

HOSEA 14:9

Phajhi" juyhi: bo mo, gi hid: moo lhid" to" ziri se' gyo: yu lho: nyangnu" nheigloem: khoug: moo xoem" yu goo" baja". Aseing da" khyoo: joem gi jo da:. Houg: lho: deingmain" bang: gi hau: joem ri cang lho: dei nyid ago". Nghoid loug we' yooboo yoo" bang: koem' gi hau: joem ri cishu: anhang: yoomo khyid: vhu" thung" wigi leung lo" ago".

HOSEA 4:1

Aseing gi he: mougmyid moo nyid da" byumyu" yiri thougtheung yooboo zhug abye:. Israela byumyu" yi we" tam" gyoo: we'. Nyang: tid zigi «He: mougmyid moo jhug zug ziyo' jheddab myid ga: zi ajo,. Houg: lho: byumyu" yigi ngoo ri Mangsoo khyo" alheing: yu goo" nghoid da:.

HOSEA 4:17

Israela byumyu" yigi soolhoo: joem wigi fa" to" zi shoug" ago". Nyangnu" nya: khyoo: khyoo: yhe: loo" goo" baja".

HOSEA 5:4

Hau: byumyu" yi koid da" akhyeing" ashoeb da" moo" gi nyangnu" ri Mangso jhang khyoo: ayo" lheing: loo wa khyo" toem' pyam byid: ago". Soolhoo: no' da" thung" gi nyangnu" ri yoem: so' yo' teing zei: ci: da:. Houg: yoomo nyangnu" gi Aseing ri ayhen: yu nghoid ago".

AMO 2:7

Nyangnu" gi yoem: neing: mo, yo' ci: ayo" koid mo, ri nang: zeug pyam lho: sho" jhen: mo, ri khyoo: mo keung" khyo' pyam. Nya: phoo yo' nya: zoo: daphoo" thang: gi join myhi' dayug ri za: coem' zoem" goo" yoomo nga" gyeung" shang: myeing gi aved avhu: bue" lo" pyam bye:.

AMO 7:17

Houg: yoomo Amazia we" Aseing gi nang ri tid nyid da:. Re" yhoem: seing: myhi' gi voomoo" khoug: mo shava myhi' bue" loo" wa. Re" zoo: yi we' meing: zain: jang: moo said pyam zi shoug" wa. Re" mougmyid ri we' subi" byumyu" yiri kho' gam byid: pyam boem wa. Nanyang: we' tungbau mung" moo lo" shid: wa. Houg: lho: Israela byumyu" yi we' nyangnu" da" moug: mo zi goomung" khyoo: gyeing" nyang: pyoung" she: lo" zi shau" boem wa» ga: tid.

GYUNG: SOO" 25:3

Houg: yoomo Aseing gi nyangnu" ri nheig yo: lho:

YOHAN 8:43

Ngoo tid ziri nanu" ci: wim ase' gyoo: go. Nanu" moo nga" da" mungdang: ri gyo: yu wa nheigloem: nyang: aboo yoomo nghoid boem ago".

Roma 3:11

Deingmain" tarha" ri si su: we' anyid. Mangsoo: ri noku su: we' anyid.

1Korinthians 6:16

Shava myhi' yo' hau: gung doem: ri poung" pyam su: gi hau: shava myhi' yo' gung doem: daloem: za: bue" loo" bye: ziri: nanu" asi' goo" la" Jhoem: mungdang: moo nya: eig yug gi gung doem: daloem: za: bui" wa nghoid ga: tid to.

Ephesu 4:18

Nyang: nu" da" se' yeug nyain: phajhi" gi moug: coid nghoid nyid wigi bain sho' nyang: akoo" afang: nghoid nyid nheigloem: thain: nyid boem yoomo Mangsoo byid: da" kangso' gam boem' moo nyangnu" gi aboo bang: nghoid nyid ago".

TARHA" TID POIN" 23:17

«Israela yuggi anghoid lang" myiyi: hang" nghoid loug we' noku yhoem: mo shava phoo shava myhi' age koid wa.

HEBRE 12:8

Nya: zoo: nghoid mo, dangain" bang: thoung" shau" yu" yhang: te" da- khyoo: ri athoug" shau" yu" boem nghoid rigi nanu" gi zoo: gyeing" anghoid- neing: gyi yi za: danghoid boem wa.