HOSEA 4:12 - Lacid Common Language Bible

¹² Nyangnu" gi seig khang" mo pang shug wa shid re" myid: boem ago". Nyangnu" si nau ziri nyangnu" ri seig yau: ge' tid kyo" da:. Nyangnu" gi ngoo ri too" kho' abye: go" da:. Shava myhi' bue" lo da" myiyi: dayug yhang: ti" nyangnu" gi nyangnu" gung ri gootu: yu phara" joem jang" moo byid: pyam abye: go" da:.

HOSEA 4:12 교차 참조

2 KHOKHAM 17:7

Israela byumyu" yigi nyangnu" ri Egutu khokham lo, mo khyoid yu lho: nyangnu" ri Egutu mung" mo shu" thu lo yug nghoid da" nyangnu" Aseing Mangsoo ri thougtheung yooboo shoid yoomo Samari gyo" soem" lo" zi nghoid da:. Nyangnu" gi gootu: yu phara" joem ri no' ago".

2 KHOKHAM MHOOMYID: 21:13

Hau: gungthid nang gi Israela khokham yi da" leug ri cang lho: Yuda yo' Yerusalem byu yiri Ahab yo' nya: khoo: moo xo' koid bang: wigi Israela byu yiri jhug azug khyoo: shu" koid boem ziyo' dayhang: ti" Mangsoo ri zhug azug koid nhang: da:. Nang gi re" tho' je gi bang: nghoid boem da" re" mang: nhung" yiri lang" said pyam da:.

COUNG" NGHEI 106:39

Nyangnu" zei: da" moo" zoo" joem yo' Nyangnu" ri aco' ajhoid koid pyam boem wigi Nyangnu" gi Mangsoo moo: nheigloem: azoung" boem loo: nghoid ago".

COUNG" NGHEI 73:27

Nang ri she: pyam mo, gi gyeing" nyang: joem: lo" boem wa zi nghoid. Nang moo: nheigloem: azung" bang: ri nang gi phyo' shoin' pyam wa zi nghoid.

YEREMIA 10:8

Nyangnu" dangain" bang: gi nheig agyeing: wigi adu: adam: bang: nghoid. Seig soolhoo: joem mo nyangnu" ciyo" jhau" yu wa la".

YEREMIA 2:27

Seiggam ri nanu" nya: phoo ga: lug boem ri nanu" nya: myhi' ga: tid da" nanu" dangain" gi ngi: yoem" loo wa. He: ziri bue" loo wa. Ciwim ga: ri nanu" gi nga" jhang lheing: loo wa gungthid nga" jang" mo phug lo ago". Nghoid loug we' nanu" yau: khi" shau" uri nanu" jhang ngoo re" wigi nanu" ri khyoid yu wa shid re" ngoo ri mho' ago".

YEREMIA 23:13

Samari da" Lapi: yi yooboo ri ngoo shau" myang bye:. Nyangnu" gi Bala myeing ri lang: lho: dang: tid wigi Nga" byumyu" yiri khyoodam: shu" dam: pyam abye:.

EZEKIEL 20:32

Nanu" gi gootu: mungdain: joem yhang: ti"- gootu: mungdain: mo nyid lho: seiggam yo' lugboem joem ri no' da" gootu: byumyu" yi yhang: ti" du nau ga: myid phyed to" ago". Nghoid loug we' hau: zigi khanham we' bui" wa anghoid.

EZEKIEL 21:21

Babelon khokham gi khyoo: kang" mo laxoem" dung" zeing nam moo yab jo, da:. Nyang: nyang: kha: shoid khyoo: yhi: wa ziri se' wa shid re" myoo: joem ri lhei' nyid da:. Nyang: gi nya: yu phara" soolhoo: joem ri myid: sham: yu" da:. Nyang: gi xoin" khyo" ngei" byid: da" gougnyhoug joem da" seing" ri joeb ca: yu" da:.

HOSEA 14:3

Asuri gi ngoonu" ri khasu" we' ayo" khyoid yu. Gyi khaid myang: joem gi ngoonu" ri ayo" goem loem byid:. Ngoonu" da" soolhoo: joem ri ngoonu" da" Mangsoo nghoid ein: khanham we' adoem tid loo wa. O" Aseing we"- Nang gi hang" jhang adoem se' tau" loo bang: ri nheig khyeug myid ci: shug byid: da:.

HOSEA 5:4

Hau: byumyu" yi koid da" akhyeing" ashoeb da" moo" gi nyangnu" ri Mangso jhang khyoo: ayo" lheing: loo wa khyo" toem' pyam byid: ago". Soolhoo: no' da" thung" gi nyangnu" ri yoem: so' yo' teing zei: ci: da:. Houg: yoomo nyangnu" gi Aseing ri ayhen: yu nghoid ago".

HOSEA 6:10

Ngoo gi Israela moo gyoug dain ja: daja: myang bye:. Nga" byumyu" yigi soolhoo: joem ri no' khyo" nyang: nya: gung ri aco' ajhoid koid pyam ago".

HOSEA 9:1

Israela byumyu" yi we"- Tungbau byu yi yhang: ti" nanu" da" pui" koid ziri theing: pyam we'. Nanu" gi nanu" da" Mangsoo mo phug lo" wigi nyang: ri jhug azhug loo: nghoid ago". Dameing: goin" moo nanu" nya: gung ri shava myhi' yo' dakhyo" Bala yu phara" ri oung" zo: pyam abye: go". Houg: lho: nyang: ge' nanu" ri byid: zi ga: myid jho: da" shivoo: ri jheddab abye: go".

XOIN" NGEI" 17:7

Coidbaid yu joem ri xoin" ngei" byid: khyo" jang: pa: cang nyangnu" ri gougnyhoug said zo: da" khyo" Israela byumyu" yigi Aseing ri dang: azung" loo: khanham we' age koid loo: go" wa. Israela byumyu" yigi he: thung" ri: joem ri ju" loo wa da" ayo, akhyeing: dangain" mo: cang pyeing yhi: ca" wa zi nghoid.

XOIN" NGEI" 20:5

Ngoo hau: yug yo' nya: ikoin deungkhu: dangain" ri nyang: yo' xo' wigi ngoo ri dang: azung" ziyo' Moleg ri no' bang: dangain" ri we' thougtheung gyi koid wa. Ngoo gi nyangnu" ri nga" byumyu" khyo" myid soin: loo: wa zi anghoid.

MIKHA 2:11

«He: da" byumyu" yigi mhau' fain" ziyo' nanu" shid re" zabyid yhid: yo' yhid: yau thu ri" wa ein: da" lapi: pi: byid: ga: tid lho: mhui" jhoem" yen" da" lapi: yiri vho: nyid boem ago".

HABAKU 2:19

Nang gi joem: lo" zi shoug" wa. Nang gi seig thung" ri «Too' we'»- anghoid lang" gi lugzeing ri «To' yab we'» ga: tid da:. Phara" soolhoo: gi nang ri daja: ja: yo" ci: shug la". Hau: ziri ngei yo' sheing: yo' shoin" nghoeb too" nghoid loug we' hau: moo kangso' aboo nghoid da:.

GYUNG: SOO" 15:39

Hau: bain: byau gi myid boin: nhang: nyid wa shid re" nghoid wigi nanu" hau: bain: byau ri myang khang" moo" nga" amyeing" dang: ri boin: so" re" wigi hau: joem ri cang koid boem wa nghoid. Houg: lang" nanu" gi nga" jang" mo aphug lo" byug wigi nanu" nyang: vho: ngei shoid khyoo: acang yhi: goo" wa zi nghoid.

TARHA" TID POIN" 31:16

Aseing gi Moshe ri «Nang gi amyang" ri shid: loo wa. Houg: lho: nang shid: byug thang: ri hau: byumyu" yigi ngoo ri zhug azug loo: bue" re" wigi ngoo nyangnu" yo' koid to" da" dang: theing ri phyo' pyam re" boem wa. Nyangnu" gi ngoo ri to" pyam wigi nyangnu" vang yhi: loo wa za: danghoid lo: da" mung" moo tungbau yu phara" joem ri no' goo" wa.

TARHA" AGYI 18:5

Nyangnu" gi nyang: ri «Jeju" khyo" ngoonu" gyung: khyoo: oung: myug wa zi Mangsoo ri myid: byid: la» ga: tid ago".