HOSEA 4:1 - Lacid Common Language Bible

¹ Aseing gi he: mougmyid moo nyid da" byumyu" yiri thougtheung yooboo zhug abye:. Israela byumyu" yi we" tam" gyoo: we'. Nyang: tid zigi «He: mougmyid moo jhug zug ziyo' jheddab myid ga: zi ajo,. Houg: lho: byumyu" yigi ngoo ri Mangsoo khyo" alheing: yu goo" nghoid da:.

HOSEA 4:1 교차 참조

1 KHOKHAM 22:19

Mikhaia gi «Aseing tid zigi Akhid" tam" gyoo: ge' mougkhung: mungdain: moo: Aseing gi nya: zhungtang moo zhoung: jo, ziri ngoo myang. Nyang: lagyoo: yi dangain" gi nya: ayam moo yab jo, da:.

COUNG" NGHEI 81:9

Nanu" gi gootu: da" yu phara" joem ri khanham we' ayo" noku boem wa.

ESAIA 1:10

Yerusalem we"- re" vhoebkhang" bang: yo' re" mung" byu yigi Sodom yo' Gomora mo bang: yo' du ago". Aseing nanu" ri tid nyid ziri tam” gyoo: ge'. Ngoonu" Mangsoo gi nanu" ri jhau" shed nyid ziri nyeing" gyo: yu we'.

ESAIA 1:18

Aseing gi «Akhid" hau: moo" ri sho' pyam boem ge'. Nanu" yooboo gi suid" su" ne dab jo, nghoid loug we' ngoo gi nanu" ri gyu: yhang: ti" phyu: sho' cid" pyam byid: wa. Nanu" byang: byang: ni sho' dab nghoid loug we' yang moug" yhang: ti" phyu: loo goo" wa.

ESAIA 28:14

Akhid" Yerusalem mo he: byumyu" yi adang mo vhoeb nyid da" khuang bang: we"- Aseing tid nyid ziri tam" gyoo: ge'.

ESAIA 34:1

Byumyu" dangain" bang: we"- loo ge'. lheing khoem re" foem: nyid wigi tam" gyoo: ge'. Mougmyid gyab goin" yo' houg moo nyid da" bang: yugkhang" moo" hid khyoo: re" wigi tam" gyoo: ge'.

ESAIA 34:8

He: ayo, gi Aseing wigi Ziun ri khyoid yu lho: nya: gyivoo yiri latoo: phug byid: wa ayo, nghoid.

ESAIA 5:3

Houg: yoomo akhid" nga" byencang" phoo tid zigi «Yerusalem yo' Yuda mung" moo nyid boem da" mung" byu yi we"- ngoo yo’ nga" zabyid khyam: agyoo: moo dang: phyed boem ge'.

ESAIA 59:4

Nanu" tarha" yung" khyoo: yhe: ago". Nghoid loug we' nanu" shoid moo tarha" deungmain" zi ayo" yu nghoid da:. Nanu" moo" ri ung: wa shid re" mhoug da" dang: joem ri nanu" nghe: ago". Subi" gootu: ri doem tab wa nanu" soin' to" da" moo" joem ri zei: thu kaid da:.

ESAIA 59:8

Houg: lho: nanu" so" yen" lang" hang" we' goem loem khyoo: ayoo" nghoid ago". Nanu" koid da" moo" ja: khang" moo" gi atarha" zi za: nghoid da:. Nanu" gi guid" da" khyoo: ri cang ago". Hau: khyoo: moo cang da" bang: dayug we' goem loem zi khanham we' ayoo" goo" wa.

ESAIA 66:5

Nyang: ri gyoug phoug" zi yo' tid dang: tam" gyo: da" bang: nanu" we"- Aseing tid ziri tam" gyoo: we'. «Nanu" ngoo ri jhug zug yoomo nanu" da" byu dayham" gi nanu" ri ngheing" wigi nanu" yo' ci: we' asen: da" khyo" koid loo goo" wa. Nyangnu" gi nanu" ri juang" wigi ‹Nanu" gau yi ziri ngoonu" shau" myang sho' Aseing gi nya: yoem: so' gyi: sheung: ziri ci: shug byid: wigi nanu" ri khyoid yu baja"› ga: tid ago". Nghoid loug we' nyangnu" nyang: ngi: yoem" ago".

YEREMIA 11:7

Ngoo gi nyangnu" da" phoug" phyid" yiri Egutu mo shu" thu lo uri ngoo ri phau" cang goo" wa shid re" nyangnu" ri zug zug tid poin" bye:. Houg: lho: ngoo gi hau: byu yiri akhid" nyid" ju" sho' xo' tid poin" loo bye:.

YEREMIA 19:3

Aseing gi tid fu" wa shid re" ngoo ri «Yuda khokham yi we"- Yerusalem voobyu yi we"- ngoo myhang: thang Aseing- Israela da" Mangsoo tid wa ziri tam" gyoo: ge'. Shau" gyoo: bang: yugkhang" moo" gyo: dain moug" byug sho' da" yau: khe" kyi" khyeug ziri he: joyoo moo ngoo bue" nhang: wa.

YEREMIA 2:4

Yaku da" amyed ashen yi nanu" we"- Israela byumyu" kung: yi nanu" we"- Aseing mungdang: ri tam" gyoo: we'.

YEREMIA 2:9

«Ngoo Aseing gi nga" byumyu" yi yo' phyen: goo" wa. Ngoo gi nyangnu" da" amyed ashen yiri yooboo zhug wa.

YEREMIA 25:31

Houg: lho: thui: gi mougmyid thang sho' lang: thang: tu" loo wa. Aseing gi byumyu" yiri yooboo zhug wa moo" daja: yo" da:. Nyang: gi byu dangain" ri joeb ca: yu" wa shid re" shu" loo" wa. Houg: lho: akhyeing" bang: ri said pyam wa. Aseing tid too" bye:» ga: tid da:.

YEREMIA 34:4

Zedekia we"- re" khyoo: yo' sen: wigi ngoo tid da" ziri tam" gyoo: we' nang gi meing: zain: jang: moo said pyam shoug" wa zi anghoid.

YEREMIA 4:22

Aseing tid zigi «Nga" byumyu" yigi nheig agyeing: nghoid ago". Nyangnu" ngoo ri asi' nghoid da:. Nyangnu" gi ko" da" zooshang: yi yhang: ti" nghoid boem. Nyangnu" moo Lasi Lajhang: se' gyo: myid aboo nghoid da:. Nyangnu" gi akhyeing" da" moo" koid wa gye" jhang: ago". Nghoid loug we' nyangnu" gi ge zi koid wa abui" adoid nghoid da» ga: tid.

YEREMIA 4:28

Moug: myid gi koug ngau loo wa mougkhung: gi ceig no, loo wa. Aseing gi tid too" bye:. Houg: lho: nya: myid ri athid wa. Nyang: gi myid nheigloem: myid phyed too" bye:. Houg: lho: adoem tau" loo wa.

YEREMIA 5:4

Houg: lang" ngoo hid su" shau" myid- «Hid bang: gi myung bang: yo' ci: asi' bang: za: danghoid. Nyangnu" gi nheig agyeing: khyo" koid ago". Nyangnu" gi nyangnu" Mangsoo cimho' ziri asi' nghoid ago". Nyangnu" ri Aseing koid nhang: nau khyoo: ri asi' goo" nghoid da:.

YEREMIA 51:5

Myhang: thang da" Aseing Mangso ngoo gi nyangnu" Israela da" gyeung" shang: da" su: nghoid da" ngoo ri gyi koid sho' nghoid loug we' Israela yo' Yuda ri ngoo ashe: pyam too" wa.

YEREMIA 6:13

Byu gyi: zoo: nge zoo: yugkhang" moo" gi ngei ri adeingmain" da" khyo" sho: yu wa soin' ago". Lapi: yi yo' khainjung yi lang" mung byu yiri mhoug zo: ago".

YEREMIA 7:28

Nang gi nyangnu" ri nyangnu" byumyu" gi nyangnu" da" Aseing Mangsoo ngoo ri atam" gyoo: nghoid boem ein: da" khyoo: ri tid kyoo" ca" wa anghoid lang" nyangnu" da" yooboo dam mo jhau" yu loo goo" wa ein: tid kyoo" ca" wa. Jhug zug zigi shid: byug bye:. Hau: khyoo: ri hang" atid loo: nghoid da:.

YEREMIA 9:20

Ngoo gi «Myhi' zeing yi nanu" we"- Aseing dang: ri tam" gyoo: ge'. Nya: mungdang: ri tam" gyoo: ge'. Nanu" da" myiyi: zoo: yiri khasu" koug ngau wa jhau" byid: ge'. Houg: lho: nanu" da" byencang" yiri byu shid: mang khasu" yang" wa ziri jhau" byid ge'.

YEREMIA 9:3

Nyangnu" gi mhau' tid wa shid re" khanham we' jen" jen" nghoid ago". Adeingmain" zigi deingmain" da" gungthid hau: mougmyid ri vhoeb da:. Aseing tid zigi «Nga" byumyu" yigi akhyeing" da" moo" daja: bain thang: daja: koid ago". Houg: lho: ngoo ri nyangnu" Mangsoo khyo" asoin: yu nghoid ago"» ga: tid da:.

YEREMIA 9:7

He: gang mo myhang: thang Aseing tid zigi «Ngoo gi nga" byumyu" yiri to' joem ri yhang: ti" kyeing shang: pyam wa. Houg: lho: nyangnu" ri jham" ca: yu" wa. Nga" byumyu" yigi akhyeing" ashoeb khyoo: koid bye:. Ngoo gi nyangnu" ri gootu: khasu" yo" koid shi" wa la".

EZEKIEL 16:35

Houg: lho: sho' ase' da" shava myhi' Yerusalem nang we"- akhid" Aseing tid nyid ziri gyo: yu" we'.

HOSEA 12:2

Aseing gi Yuda byumyu" yiri yooboo zhug wa yo" da:. Nyang: gi Israela byumyu" yiri nyangnu" da" lo, moo" yoomo yooboo dam byid: wa bye:. Nyang: gi nyangnu" ri nyangnu" koid lo da" moo" shid re" aphoug" tau" byid: loo wa.

HOSEA 12:3

Nyangnu" da" phoug" phyid" Yaku gi co' zoem: nya: mang: Eso yo' dage" nya: eig yug nya: myhi' da" oung: moo boo shi" uri nyang: byo, go" ago". Yaku gyi: lo ri Mangsoo ri gyi koid thougtheung da:.

HOSEA 5:1

Khainjung nanu" we" tam" gyoo: ge'. Israela byumyu" yi we" tam" gyoo: ge'. Khokham ikoin deungkhu: moo bo da" nanu" we"- tam" gyoo: we'. Nanu" gi tarha" deing byeung" zi ge' dang: phyed pyam ca" eung: da:. Nanu" gi Mizpa mo lhid' bue" lo abye: da:. Tabora boem moo kham: to" da" goin bue" byug bye:.

HOSEA 5:4

Hau: byumyu" yi koid da" akhyeing" ashoeb da" moo" gi nyangnu" ri Mangso jhang khyoo: ayo" lheing: loo wa khyo" toem' pyam byid: ago". Soolhoo: no' da" thung" gi nyangnu" ri yoem: so' yo' teing zei: ci: da:. Houg: yoomo nyangnu" gi Aseing ri ayhen: yu nghoid ago".

YOELA 1:2

Phoug" mang: zookho' yi we"- tam" gyo: yu" ge'. Yuda mung" byu yi yugkhang" moo" we"- gyo: yu" ge'. Nanu" da" apyaid moo nghoid loug- nanu" da" phoug" phyid" yi da" apyaid moo nghoid loug we' hid: te" zi khanham we" lhung bue" yu" go" lha".

AMO 3:1

Israela bang: we" Egutu mo shu" thu lo da" byumyu" dangain" mo, we" nanu" yo' sen: lho: Aseing tid da" mungdang: ri tam" gyo: yu we'.

AMO 7:16

Houg: yoomo akhid" Aseing tid ziri «Tam" gyoo: ge'. Nang gi ngoo ri lapi: pe: ziri theung: pyam wa shid re" Israela byumyu" yiri nheig yo: khyoo: ri to" pyam wa shid mo tid da:.

MIKHA 6:2

Boem joem yo' apyaid atoo: geung: teing jo, da" mougmyid apoem: ayang: joem we' Aseing da" moo" ri tam" gyoo: we'. Aseing gi nya: byumyu" yiri yooboo foin: lho: tid nyid da:. Nyang: gi Israela ri yooboo foin: zi nghoid bye:.

YOHAN 8:55

Hau: da" Mangsoo ri nanu" ase' boem. Nghoid loug ngoo koem gi se- gyeing" nyang: ngoo asi ein: tid nghoid rigi ngoo gi nanu" yo' dakhyoo" ti"-- mhoug su: bue" loo" wa. Ngoo gi phoo ri gyeing" gyeing" si' yoomo nya: da" dang: ri tam" gyo: nyid.

Roma 1:28

Xangsu: byu yi gi Mangsoo: vho: zi ri ashau" myid boem yoomo - Mangsoo: gi nyangnu" ri she: pyam' to" wigi - nyanu" gi deingmain" khyo" ayo" myid yu boem loo: yoomo akoid' eung: da" moo" ri koid' lo" boem bye.

1Korinthians 15:34

Nheig boo ung: gyeung: da" khyoo: moo- doem boin: gyeung: loo loo: ge'. Nanu" koid nyid da" yooboo khyoo: ri she: pyam khoo, loo: ge'. Nanu" mo byu dayham" bang: gi Mangsoo ri asi' nghoid ago". Ngoo hidsu" ein: tid da" khyoo: gi nanu" ri sho' thu' nhang: wa shid re" nghoid.

Pang Shug 2:11

Venyi gi phung yi ri khasu" ga: tid nyid zigi nukhyab' dab, mo, gi gyo: yu goo" baja"- oung: doidloo mo, gi eig lheing: shid: da" jam joug shau" loo wa zi anghoid.

Pang Shug 2:29

Venyi gi phung yi ri khasu" ga: tid nyid ziri nukhyab' dab, mo, gi gyo: yu goo" baja".