HOSEA 3:4 - Lacid Common Language Bible

⁴ Israela byumyu" yi we' hid: yo' dakhyo" nyang: ayo, myang" sho' khokham we' ayoo"- vhu" shi: bang: we' anyid- xoin" we' angei" byid:- gyeung" shang: lug zeingboung: joem we' ajo,- boid phyed wa yu phara" soolhoo: joem yo' gung du: soolhoo: joem we' ajo, loo: yo" nyid re" goo" wa.

HOSEA 3:4 교차 참조

APOEM AYANG: 31:19

Laban gi yang moug" yham" wa yhe: lo" uri nya: phoo abyam nyid gyoo: moo Rakhela gi nya: pho da" yhoem: zung" yu phara" joem ri khau" yu loo" bye:.

APOEM AYANG: 31:34

Rakhela gi yhoem: zung" yu phara" ri yu to" lho: Gola-ug doo: athi" khoug: moo kaid to" wigi hau: atho' moo zhung: nhe" to". Laban gi zoem" joem dangain" moo sho: yu" ri we' ashau" shoo:.

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

2 SAMUELA 6:14

David gi nya: phyid" doem: moo zin: yung" pain" cu' ri yeug ci: wigi go" ziyo' nya: yoem: so' dangain" yo' Aseing ri coung" nghei phau" myang: bye:.

2 KHOKHAM 23:24

Khokham Yoshia gi Noku Yhoem: Moo" mo khainjung moo" Hilkia wigi sho: myang da" mougsoug" pug moo lhid" to" da" tarha" joem ri ci: wa shid re" Yerusalem yo' deing da" Yuda mung" mo join: zei: mo, lo, kyo' yu" mo, dangain" yo' yhoem: khoug: mo yu phara" joem yu phara" soolhoo: joem tungbau yu phara" gootu: ri no' da" zi joem dangain" ziri yu pyam da:.

2 KHOKHAM MHOOMYID: 15:2

Nyang: gi khokham Asa ri yhe: shoug" wa shid re" yhe: lo" da:. Nyang: gi «Khokham Asa yo' Yuda byumyu" yi Benyamin byumyu" yi we" nga" dang: tam" gyoo: we'. Aseing gi nanu" nyang: yo' dage" nyid myhang nyang: we' nanu" yo' dage" nyid wa. Nanu" nyang: ri sho: boem nghoid rigi nyang: nanu" ri myang nhang: wa. Houg: lho: nanu" nya: jang" mo phug lo" nghoid rigi nyang: nanu" ri she: pyam pyam loo wa.

THU' LO" MOUGSOUG" 28:4

Nyangnu" ri yanggang nghoeb- xoin" ngei" byizuang- byisheing:- za: byi:- vhuthoeb yo' phyid" cu" joem ri yo, wa zi nghoid ein: tid we'. Nyangnu" khainjung khyo" wigi nga" moo" zei: wa shid mo re" mang: Arun yo' nya: yuggi zoo: yiri nyangnu" gi khainjung byimi yo, byid: wa zi nghoid.

THU' LO" MOUGSOUG" 28:6

Nyangnu" gi xoin" ngei" byizuang ri moug nyoug void khyeing:- khalham" void khyeing:- soug" goug" khyeing: ni sheing: khyeing: yo' zin: yung" khyeing: yo' za: bain: thoug" yhoung wigi koid wa zi nghoid.

NGOUG JI: 2:9

Vang khyam khoem" moo" joem gi mhoid soid boem khoug: moo: noeb leung jo,. Houg: mo khoem" kyang youg: joem gi ajab, amoin" khyau" sain" pyam zi shoug" bye:. Khokham" yo' zoug: ludaid yigi akhid" pyoung" she: lo" zi shau" abye: go". Tarha" ri we' ajhoug" byid: lo: ziyo' Lapi: yi we' Mangso jang" mo yoeb myang: ri we' ashau" myang boem loo: nghoid ago".

EZEKIEL 19:14

Zabyid gam moo myi: dab lo da:. Myi: gi hau: akung: yo' ashi" ri nge" pyam da:. Akung: joem gi khanham we' yoem: adoem boo loo wa. Hau: zigi khokham lhamdung: khanham we' abui" loo wa. He: zigi koug ngau da" jikhoin" nghoid. He: ziri doem pug khoin" khoin" koid ago".

EZEKIEL 20:32

Nanu" gi gootu: mungdain: joem yhang: ti"- gootu: mungdain: mo nyid lho: seiggam yo' lugboem joem ri no' da" gootu: byumyu" yi yhang: ti" du nau ga: myid phyed to" ago". Nghoid loug we' hau: zigi khanham we' bui" wa anghoid.

EZEKIEL 21:21

Babelon khokham gi khyoo: kang" mo laxoem" dung" zeing nam moo yab jo, da:. Nyang: nyang: kha: shoid khyoo: yhi: wa ziri se' wa shid re" myoo: joem ri lhei' nyid da:. Nyang: gi nya: yu phara" soolhoo: joem ri myid: sham: yu" da:. Nyang: gi xoin" khyo" ngei" byid: da" gougnyhoug joem da" seing" ri joeb ca: yu" da:.

EZEKIEL 21:31

Ngoo wigi nanu" ri moo yi: yi: bang da" myi: wigi nghe' pyoid kaid uri nga" nheig joem: yo: ziri shoug" kham zo: loo wa. Houg: lho: ngoo gi nanu" ri phyo' shoin' jang" moo bue" doid da" athoug" akhyoug: byu yi jhang khyoo: ab byid: pyam wa.

DANIELA 11:31

Nya: da" gyizoo: yi dayham" gi Noku Yhoem: Moo" ri thung" khyo" ayung" alho' koid pyam wa. Nyangnu" gi nyid" khang" moo" ngei" byid: da" xoin" ri toem' pyam lho: gyoug mau" pho" ziri tu: zhug too" wa.

DANIELA 12:11

Nyid" khang" moo" xoin" ngei" zi theing: byug da" ayo, mo nghoid wigi hau: zigi gyoug dain pho" ayo, mo 1290 nyid" lid loo" wa.

DANIELA 9:27

Hau: vhoebkhang" su: gi byu myo" sho' yo' nyhed zain mo geing: teing da" myid veing" khyoo: ri yo" yu to" loo wa. Houg: lho: hau: ayo, agung dayi" lid lo" da" uri xoin" too" byid: ziyo' alu jhungshug ngei" byid: khyoo: theing: pyam loo wa. Gyug mau" pho" ziri Noku Yhoem: Moo" mo myhang: thang joyoo moo to" to" wigi hau: zigi hau: joyoo mo hau: ziri to" too" yug shid re" Mangsoo soin' to" da" lo" thang moo ju" sho' jo, jo, wa.

HOSEA 13:10

Nanu" khokham yo' vhujhung: yiri mho' ago". Nghoid loug we' nyangnu" wigi byumyu" mungdain: ri khasu" yo" khyoid yu goo" wa la".

HOSEA 13:11

Nga" nheig yo: ziyo' nanu" ri khokham yiri byid: bye:. Houg: lho: nga" nheig joem: yo: zi wigi nyangnu" ri yu pyam bye:.

HOSEA 2:11

Ngoo gi nya: pui" joem nghoid da" zain khang" moo" mo pui"- lhammoo" khyab khang" moo" mo pui"- Dougno: Bidnyid pui"- noku thung" khyo" foem: phung: da" pui" dangain" ri thang loo" nhang: wa.

XOIN" NGEI" 8:7

Nyang: gi Arun ri byi: yo' byisheing: ri foid wigi nya: phyid" doem: moo: phyid" cu" cu" byid: bye:. Moshe gi nyang: ri xoin" ngei" byizuang foid wigi hau: ziri gye" young" sho' yo, to" da" phyid" cu" wigi nya: phyid" doem: moo teing sho' tei" too" bye:.

ZEKHARIA 10:2

Byu yigi yu phara" soolhoo: joem yo' goem phain"- boid phyed sara: yiri myid: ago". Nghoid loug we' mhoug da" dang: yo' dang: kang: abo da" dang: za: danghoid wa. Dayham" gi yhoebmo, ri dang: kang: phid: ago". Nghoid loug nanu" ri anghoid jang" khyoo: za: dashu" vhang: lo" ago". Nyangnu" byid: da" nheig teing khyoo: gi ce: akyu" aboo nghoid da:. Houg: yoomo byu yigi byug lo" da" yang joem yhang: ti" vhang: lam" yen" ago". Nyangnu" gi vhu" shi: su: aboo yoomo kyi" khyeug ago".

ZEKHARIA 13:2

Hau: bidnyid ri ngoo gi mungdain: mo yu phara" soolhoo: dangain" ri hang" we' aboin: loosho' shoem" khyo' pyam' wa. Mhau' da" lapi: yi yo' soolhoo: ri no' nau da" emyed joem ri we' shoem" shoung: pyam' wa nghoid.

LUKA 21:24

Byu dayham" gi sham: dam yo" said pyam zi shau" boem wa. Dayham" bang: rigi join khyo" myheig shu" lo" boem wigi mung" zoo: mung" zeing: moo byo sain" lo" boem wa. Tungbau Byumyu" yi gi nyang: nya: vhoeb khang" da" pyaid athang thang gi Yerusalem voo moo" ri khyidvoo: khoug: moo nang zeug ci: boem wa.

YOHAN 19:15

Houg: bang: gi nyang: ri said pyam ge' said pyam ge' baid jen" said pyam ge' ga: doem nyho: lo ago". Pilaid khokham" gi Nanu" da" khokham" phoo ri pyang" zeing: tho' moo baid jen" said pyam noug go" la"» ga: doem myid. khainjung agyi moo": yi gi ngoonu" moo Ketha khokham" mo led lho: gootu: khokham" anyid ga: phougtu" boem.

HEBRE 10:26

Khasu" wim gari nyangnu" gi hau deingmain" khyoo: ri bain' se' gyo: kham: yu thang: ri yooboo ri zhoogyi: gyi: dadoem koid nyid boem nghoid rigi ngoonu" da" yoobo shid re" to' byid: wa da" xoin" gootu: jo, loo: wa zi anghoid.

TARHA" AGYI 17:5

He: Mikha ga: su: gi nyang: nya: noku wa joyoo yoo" su: nghoid. Nyang: gi yu phara" soolhoo: dayham" yo' xoin" ngei" byizuang dakhyab ri koid lho: nya: yuggi zoo: yi mo dayug ri khainjung khyo" moo" foin: to" da:.

TARHA" AGYI 18:14

Hau: thang: Laisha moug: lheing khoem moug: khyoo: joo" yhe: yu" boem da" hau: byu wim yug gi nyangnu" nyang: cang" «Hid: moo hau: yhoem: joem mo dayham" moo ngei yo' thoeb to" da" seig soolhoo: daloem: jo, ziri nanu" si' goo" rhe"- houg: moo gootu: yu phara" soolhoo: joem yo' xoin" ngei" byizuang daloem: we' jo, da:. Ngoonu" cikoid eung: ein: nanu" myid go" la"» ga: tid ago".

TARHA" AGYI 8:27

Gideon gi hau: sheing: joem ri yu phara" soolhoo: daloem: koid yu lho: nya: yhoem: moug: Ophara moo to" to" da:. Israela byumyu" yi dangain" Mangsoo ri to" pyam wigi hau: yu phara" soolhoo: ri no' wa shid re" houg: khyoo: yhe: ago". Hau: zigi Gideon yo' nya: yhoem: byu yi shid re" lhid bue" da:.

1 SAMUELA 14:3

(Shilo voogung mo Aseing da" khainjung nghoid da" Eli myid: zoo: Phineha da" zoo: Ikhabo nya: mang: Ahitub da" nya: zoo: khainjung byikua" void ci: da" Ahiya we' bo nyid da:.) Yonathan thu lo" byug ziri hang" we' ase' kaid nghoid boem ago".

1 SAMUELA 15:23

Aseing ri thougtheung gyi koid zigi se' fa" bang: yhang: ti"- agi nghoid da:. Khuang da" myid gi yu phara" soolhoo: ri no' da" thung" yhang: ti" yooboo yo" nyid zi nghoid. Aseing da" amyeing" dang: ri atam" gyoo: yoomo nang ri we' khokham aya: mo nyang: khyo' pyam bye: zi nghoid» ga: tid.

1 SAMUELA 2:18

He: ayo, ri zooshang: zoo: Samuela gi gyeung" shang: da" zin: yung" pain" byikua" ri void ci: wigi Aseing ri dei byid: nyid da:.

1 SAMUELA 21:9

Ahimeleg gi «Ela lang: khung" moo nang said pyam da" Philisti byu Goliad da" sham: yo" da:. Hau: ziri pain" cu' yo' thoeb wigi xoin" ngei" byizuang da" avhoo: moo jo, jo, da:. He: joyoo moo gyizi gyikhoo: ein: zigi hau: zi kyeing" dajo, yoomo nang vho: nghoid rigi yu loo" we'» ga: tid da:. Houg: lang" David gi «khamoo: we' houg yhi ge da" sham: gi ajo, loo: hau: zi ngoo ri byid: we'» ga: wigi tid da:.

1 SAMUELA 22:18

Hougsu" yoomo Sholu gi Doeg ri «Houg bang: ri nang said we'» ga: tid. Houg: lang" Doeg gi houg bang: dangain" ri said pyam bye:. Hau: nyid" ri nyang: gi xoin" ngei" byizuang void moin: bye: da" khainjung shed xe: wim yug ri said pyam bye:.

1 SAMUELA 23:6

Ahimeleg da" nya: zoo: Abiatha gi phang: loid lo wigi Kila voogung moo nyid da" David yo' shoug" goo" lang" nyang: yo' dage" byizuang ri we' ci: re" abye:.

1 SAMUELA 23:9

David gi Sholu nyang: ri khaid zain: wa shid re" soin nyid ga: ziri shoug" gyoo: lang" nyang: gi khainjung Abiatha ri «Hid: khyoo: xoin" ngei" byizuang yu re" we'» ga: tid da:.

1 SAMUELA 30:7

David gi Ahimeleg da" nya: zoo: khainjung Abiatha ri «Xoin" ngei" byizuang ci: ri" we'» ga: tid lang" Abiatha gi: hau: ziri nya: jhang khyoo: ci: lo" da:.