HOSEA 3:1 - Lacid Common Language Bible

¹ Aseing gi ngoo ri «Doem yhe: wigi jheddab su: dayug yo' myi: shoid lang shoid da" myiyi: ri jheddab myid yhe: toin" shed we'. Israela byumyu" gi gootu: yu phara" joem shoid khyoo: lheing: lo" lho: soolhoo: joem ri zabyid kyug joem ri shugbyid: boem sho' nghoid loug we' ngoo dajheddab nyid nyid shi" yhang: ti" nang we' nyang: ri jheddab ca"» ga: tid da:.

HOSEA 3:1 교차 참조

2 SAMUELA 6:19

Nyangnu" dangain" ri zoo: shug gam byid: bye:. Nyang: gi Israela byumyu" yuggi myiyi: dangain" ziri zooyho' daloem: loem: shoo" dakhyi' khyi' yo' zabyid shi" kyug dajhi' jhi' byid: bye:. Hau: thang: yugkhang" moo" yhoem: khyoo: loo" khari" bye:.

2 KHOKHAM 13:23

Nghoid loug we' Aseing gi nyangnu" ri nheig khyeug nheig myen: byid: da:. Nyang: gi nyangnu" ri asaid toem" pyam nhang: nghoid da:. Nyangnu" ri pang" thoug byid: da:. Ciwim ga: ri Abraham- Isag- Yaku yo' koid to" da" nya: dang: theing yoomo nghoid da:. Nyang: gi nya: byumyu" yiri khanham we' ato" myhed pyam nghoid da:.

1 KHOKHAM MHOOMYID: 16:3

Nyangnu" dangain" ri zoo: shug gam byid: da:. Nyang: gi Israela mung" mo yuggi myiyi: yugkhang" moo" ri zooyho' dayho' yho'- shoo" kyug dajab, jab, yo' zabyid shi" kyug dajhi' jhi' byid: da:.

NEHEMIA 9:31

Nghoid loug we' re" nheig khyeug myid gyi: sheung: yoomo nang gi nyangnu" ri ashe: pyam- phyo' we' aphyo' shoin' pyam nghoid da:. Nang gi jeju" byeung" ziyo' nheig khyeug myid byeung" da" Mangsoo nghoid.

COUNG" NGHEI 123:2

Deizoo: phoo gi nya: yhoem: seing: moo: nghe: khau: lho: deizoo: myhi' gi nya: yhoem: seing: myhi' moo: nghe: khau: nyid ziyo' dakhyoo" ti ngoonu" da" atho' moo: nheig khyeug shoo" myen: da" ayo, ju" sho' ngoonu" gi Aseing ngoonu" da" Mangsoo ri dayu" lang" nyid boem wa zi nghoid.

THU' LO" MOUGSOUG" 32:6

Nyangnu" gi thang: nab soin: no' mo myi: nghe' xoin" shid re" yo' zoem" khau: xoin" khyoo" zoo: wa shid re" gougnyhoug ri ci: re" ago". Byumyu" yigi pui" koid wigi agyeing: asoo" loo: sho' zo: lho: shug lho: gung shoo" zoem" khoug: nyid ago".

SHOLUMON JIKHOIN" 2:5

Ngoo ri zabyid shi" yo' yoem: boo nhang: wigi shi" sang" yo' gyeing: loo" nhang: zi nghoid. Ngoo gi jheddab myid yoomo noo shoug" nyid.

ESAIA 45:22

«Mougmyid tho' mo byu yi we"- akhid" nga" jhang" lheing: lo wigi khyoid yu khyoo: ri kham: yu ge'. Ngoo dayug za: Mangsoo nghoid.

YEREMIA 3:20

Nghoid loug we' nang gi jhug azug da" myi' zeing yhang: ti" Ngoo ri nang jhug azug nghoid da:. Ngoo Aseing tid bye:.

YEREMIA 31:20

Israela we"- nang gi nga" da" jheddab thang da" yuggi zoo: Nga" jheddab thang da" zooshang: nghoid da:. Re" myeing ri ngoo tid khang" moo" jheddab myid yo' ngoo nang ri myid da:. Nga" nheigloem: nang yo' dage" nghoid wigi nang ri ngoo nheig khyeug byid: wa.

HOSEA 11:8

«Israela byumyu" yi we" nanu" ri khasu" tho' se' to" pyam wa la". Nang ri ngo wigi khasu" tho' she: pyam khoo' wa la". Adma ri ngo wigi phyo' shoin' pyam ziyo' dakhyo"- anghoid lang" Zeboim ri ngoo baid yhang: ti" nang ri ngoo khasu" se' koid wa lug la". Nga" nheigloem: gi hougsu" koid wa shid re" agyoo: wa. Nang ri jheddab da" nga" nheigloem: gi gye" gyi: sheung: nyid da:.

HOSEA 4:11

Aseing gi «Zabyid yhid: axoug" yo' aseig gi nga" byumyu" yi da" myid lasi ri lhoid pyam byid: bye:.

HOSEA 7:5

Khokham da" pui" bidnyid moo nyangnu" gi khokham phoo yo' nya: gyizoug: phoo yiri yhid: jhug lho: zabyid yhid: wigi yed nhang: ago".

AMO 2:8

Nyangnu" gi sho" jhen: mo, jang" mo jhen: kham: khyo" yu to" da" byimi ri noku joyoo khang" moo" moo myhu" yhoeb ago". Nyangnu" ngei jhen: boo mo, jang" mo yu to" da" zabyid yhid: ri nyangnu" gi Noku Yhoem: Moo" khoug: moo zheung: shug boem.

AMO 6:6

Nanu" gi zabyid yhid: ri khu byeung" sho' sho' kaid shoug lho: ge thang da" nam pyo: xu: yeing yo' ci: yhung: nyid ago". Nghoid loug we' Israela byo, yoin" loo" wa ziri gi ase' koug nghoid ago".

MIKHA 7:7

Hougsu" nghoid loug we' ngoo gi Aseing ri dazung" yu" nyid wa. Ngoo gi ngoo ri khyoid yu wa ein: myid loem da" Mangsoo ri dalang" nyid wa. Nga" Mangsoo gi ngoo ri tam" gyoo: byid: wa zi nghoid.

ZEKHARIA 1:16

Houg: yoomo ngoo gi nheig khyeug ziyo' Yerusalem shoid khyoo: doem phug loo bye:. Nga" yhoem: gi houg: moo zhug shi" wa zi nghoid. Yerusalem voomoo" ri we' nyheung koid shi" wa» ga: tid.

MATHE 26:50

Yesu gi «byen cang" phoo we" nang koid: wa da" moo" ri myab myab koid: we'» ga: tid. Hau thang: ri nyangnu" re" lho: myheug wigi teing tei too" bye.

1Korinthians 10:21

Nanu" gi hau: Aseing da" goem mo shoug lho: wigi- yu joem da" goem' mo doem ge shug wa zi anghoid. Hau: Aseing da": zoo: bui" mo we' yu joem da" zoo: bui" mo we' dage" age shoin" zoo.

1Korinthians 10:7

Hau: tho' moo: gootu- jhoem: mungdang: moo: byu yi gi zo: shug pui" daloem: moo: zhoung: jo, lho: zo: shug go" nyid uri: hau" zoo: pui" gi zo: lai shoug lai wigi- aved, avhu: moozoo" khyoo: phoug loo" bye ga: tid to.

1PETERU 4:3

Mangsoo vho: da" khyoo: moo cang loo" ge'. Lai loo bye: da" ayo, moo tungbau byumyu" yi lang" koid nau da" moo"- nanu" koid lo zigi soung myang" bye- tarha" ri anau, cang khyo" - youg: shoo: go" khyo" yhid: shug shoo" zo: khyo" pyo: da" khyoo: moo cang lho: zoo: pui" shug pui" koid ziyo' aco' ajhoid da' soolhoo: no" khyoo: ri bo vang zei: khyo" kangso' dei lid lo boem bye.

TARHA" AGYI 10:16

Houg: yoomo nyangnu" gi nyangnu" da" tungbau yu phara" joem ri yu pyam lho: Aseing ri noku ago". Nyang: gi Israela byumyu" yi da" yau: khe" kyi" khyeug ziri nheig yo" khyeug byid: da:.

TARHA" AGYI 9:27

Nyangnu" dangain" bang: nyangnu" da" zabyid khyam: joem khyoo: yhe: lho: zabyid shi" joem ri yhe: phyo' yu wigi hau: joem ri zabyid yhid: koid yu lho: pui" koid ago". Nyangnu" gi nyangnu" da" yu phara" yhoem: khyoo: vang yhe: lho: houg: moo zoo: shug wigi Abimeleg ri yi juang" pyam ago".