HOSEA 2:9 - Lacid Common Language Bible

⁹ Houg: yoomo gug zoo shivoo: yhoem" yo, ri ngoo gi nga" jhungshug shivoo: yo' zabyid yhid: ri doem tau" yu pyam wa. Nyang: ri byimi shid re" ngoo byid: to" da" soug" goug" yo' zin: yung" pain" gi ri doem yu pyam byid: wa.

HOSEA 2:9 교차 참조

EZEKIEL 16:27

«Akhid" ngoo gi nang ri yooboo dam byid: wa yo' re" shid re" nga" mainkaid jeju" ri yu pyam byid: wa shid re" nga" lo, ri tu: to' kaid bye:. Ngoo gi nang ri Philisti bang: lo, khyoo: ab byid: pyam wa. Houg: bang: gi nang ri ngheing" lho: re" age da" akyang wigi aco' ajhoid bui" bang: nghoid.

EZEKIEL 16:39

Ngoo gi nang ri nyangnu" yoem: so' khoug: moo nyhid: to" wigi nyangnu" gi nang shava myhi' moo" koid wigi yu soolhoo: joem ri no' da" joyoo joem ri phyo' khyo' pyam byid: boem wa. Nyangnu" re" byimi joem yo' phoug" dab lug zi joem ri yu pyam byid: wigi nang ri shoo" cen: doem: nyhid: too" khoo' goo" wa.

EZEKIEL 23:26

Nyangnu" gi re" byimi joem ri lang: ceig pyam lho: re" phoug" dab lug joem ri yu pyam byid: wa.

DANIELA 11:13

«Suri khokham gi doem tau" lo wigi shid mo lheing: tho' je myo: da" gyidab ri lo khe: zheing" loo wa. Ayo, akhyeing: gi ju" lo da" uri nyang: gi gyi zi gyi khoo: goo" lhoo: za: yo" ci: da" gyidab moo" daloem: yo' doem tau" re" loo wa.

HOSEA 2:3

Nyang: atheing: nghoid rigi ngoo gi nyang: ri khu: re" da" bidnyid moo gung cen khu: re" ziyo' dakhyo" ngoo gi nyang: ri byimi khyoid pyam byid: wa. Ngoo gi nyang: ri myid kyug myid gang: yo' dakhyoo" ti" koid pyam wa. Houg: lho: nyang: gi gyid shed lho: shid: lo" byug wa.

HOSEA 8:7

Nyangnu" gi lid ri sho" kaid ri lid zoo" ri shau" yham" yu wa. Ayang" da" shivoo: yoo gi khanham we' zooyho' dakhyab yo" bui" nhang: wa zi anghoid. Hau: ziri zooyho' yo" koid nghoid loug we' hau: zigi tungbau: byu yi ge' zo: pyam byid: loo wa.

HOSEA 9:2

Nghoid loug we' khamyhang amyang" ri nanu" gi shivoo: yo' zhainloin: xu: atham: yo" ziyo' zabyid yhid: we' ajo, byug wa.

YOELA 2:14

Nanu" da" Aseing Mangsoo gi nheigloem: thid lo lho: nanu" ri shivoo: shiloem myoo" sho' mainkaid byid: loo abe. Houg: lang" gi nanu" nyang: ri shivoo: yo' zabyid yhid: xoin" yo" to ngei" byid: wa zi nghoid.

ZEPHANI 1:13

Nyangnu" da" ziyoo jonu" joem gi subi" lhoid ci: lo" zi shoug" wa. Nyangnu" da" yhoem: joem we' phyo' sain" pyam zi shoug" goo" wa. Nyangnu" gi yhoem: ri koid nyid nghoid loug we' shoug" nyid goo" wa zi anghoid. Zabyid khyam: joem ri sho" to" boem nghoid loug we' zabyid yhid: ri shoug" shug goo" wa zi anghoid» ga: tid.

MALAKHI 1:4

Eso da" amyed ashen yi nghoid da" Edom byumyu" yigi «Nyangnu" da" voomoo" gi phyo' pyam byid: zi shoug" nghoid loug we' doem nyheing zhug wa» ga: tid nghoid rigi Aseing gi hid: su" ga: tid wa zi nghoid. Nanu" so' koid too" nghoid loug we' ngoo gi doem phyo' pyam wa houg: yoomo subi" gi nanu" da" moug: ri «Agi ashoeb da" moug:» ga: myheing goo" wa houg: moo nyid mo, ri we' Aseing apyaid atoo: nheig yoo: nau da" mung" byu yi ga: myheing goo" wa» ga: tid wa nghoid.

MALAKHI 3:18

Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.