HOSEA 2:4 - Lacid Common Language Bible

^4-5 Ngoo gi nya: zoo: yiri nheig khyeug myid aci: shug wa. Nyangnu" gi sho' ase' da" shava myhi' da" nya: zoo: yi nghoid ago". Myiyi: myhi' nyang: nyang: gi «Ngoo vho: ngei bang: jang" khyoo: yhi: wa. Nyangnu" gi ngoo ri voem: yo' gyid- soug" goug" yo' zin: yung" pain" gi zhainloin: xu: yo' zabyid yhid: byid: ago"» ga: tid nyid.

HOSEA 2:4 교차 참조

2 KHOKHAM 9:22

Yoram gi nyang: ri «Nang ngei pyo: yug yo khyo" re" rhe"» ga: myid: da:. Yehu gi «Ngoonu" gi join: zei: ziyo' re" myhi' Yezebela yo' koid shid" to" da" yu phara" soolhoo: joem dajo, shi" uri khasu" yo" ngei pyoo: yug yoo wa lha"» ga: tu" da:.

ESAIA 27:11

Seiggam joem mo seig kung: joem gi yhau" wigi kyug lo" byug ago". Myiyi: yigi hau: ziri thang" sho: yu ago". Ciwim gari byumyu" yigi ci: we' ase' gyoo: goo" nghoid da:. Nyangnu" ri phain" so: su: Mangsoo gi nyangnu" ri nheig akhyeug wa nheig khyeug shoomyen: myid aci: shug byid: wa.

ESAIA 50:1

Aseing tid zigi «Nya: yhoem: seing: myhi' ri kang" pyam da" yuggi yhang: ti" ngoo gi nga" byumyu" yiri nhang: kaid wa zi nghoid ein: nanu" jhoo: go" la". Kang" pyam da" mougsoug" khyab gi khayoo: la". Join khyo" nya: zooshang: yiri oung” zo: pyam da" byu dayug yo' dakhyoo" ti" ngoo gi nang ri thung: byu khyo" oung" zo: pyam ein: jho: rhe". Anghoid- nang thung: byu khyo" cang lo" zigi nanya: yooboo yoomo nghoid da:. Re" yhid kang" pyam shau" zigi re" youg: moo" zoo" yoomo nghoid da:.

ESAIA 57:3

Yooboo yoo" bang: nanu" we"- dang: phyed wa shid re" hid: khyoo: loo ge'. Nanu" gi join: zei: bang:- myi: shoid- lang shoid bang:- shava myhi' koid bang: tho' ci: aje gi nghoid ago".

YEREMIA 13:14

Hau: thang: ngoo gi jhuang: daloem: yo' daloem: ri ko' kho' pyam ziyo' dakhyoo" ti" nyangnu" ri mang: zoo:- zoo shang:- akhyen: loo: kho' mhoin' pyam wa. Nyangnu" ri ngoo said pyam wa ziri ce: nheig khyeug myid- seing" no myid anghoid lang" nheig myen: khyoo: yo' ayo" toem' pyam wa.

YEREMIA 16:5

«Nang gi koug ngau nyid da" yhoem: khyoo: age vang yhi:. Hang" shid re" we' akug ngau. Ngoo gi nga" byumyu" yiri yug yoo myenjham" ziyo' main akaid byid: loo: wa. Nyangnu" ri jheddab myid yo' nheig khyeug myid ri aci: shug byid: loo: wa.

EZEKIEL 23:25

Ngoo gi nang ri nheig yo: da" gang mo ngoo gi nyangnu" da" nheig yo: zi khyo" wigi nang ri yhen nhang: wa. Nyangnu" gi nanu" da" nhoo: yo' nukhyab joem ri yham" pyam byid: wigi re" zoo: yiri said pyam boem wa. Nghoid- nyangnu" gi re" yuggi zoo: yi yo' myiyi: zoo: yiri nang mo lhoid yu pyam lho: nyangnu" ri adei nyang: nghe' pyam boem wa.

EZEKIEL 8:18

Nyangnu" gi nga" nheig yo: yoem: ri shoug" kham zo: loo wa. Ngoo gi nyangnu" ri anhang: kaid wa. Nheig khyeug myid we' aci: shug wa. Nyangnu" gi yo" nyho: yhi' nyho: wigi ngoo ri akyu" mho' nghoid loug we' ngoo gi nyangnu" ri atam" gyoo: byid: wa» ga: tid.

EZEKIEL 9:10

Nghoid loug we' ngoo gi nyangnu" ri nheig akhyeug wa. Nyangnu" subi" ri koid yhang: ti" ngoo nyangnu" ri koid wa» ga: tid.

HOSEA 1:2

Hosea khyo" Israela byumyu" yiri Aseing wigi xang: shi" dang: tid uri nyang: gi Hosea ri «Yhoem: seing: myhi' yhe: yu we'. Re" yhoem: seing: myhi' gi jhug azug su: nghoid wa. Houg: lho: re" zoo: yigi nyang: yo' dakhyoo" ti" nghoid loo goo" wa. Houg: yo' dakhyoo" nga" byumyu" yigi ngoo ri too" kho' lho: jhug azug bang: bue" ri" goo" wa» ga: tid da:.

HOSEA 1:6

Gome gi eig yug ein: da" zooshang: doem yo" da:. He: lheing: gi myiyi: nu" nghoid da:. Aseing gi Hosea ri «Nya: myeing ri ‹Ajheddab› su: ein: myheing we'. Ciwim gari ngoo gi Israela byumyu" yiri jheddab myid aci: shug byid: loo wa. Nyangnu" da" yooboo ri we' akhyoid byid: loo wa.

HOSEA 5:7

Nyangnu" gi Aseing ri jhug azug goo" nghoid da:. Nyangnu" da" nya: zoo: yiri nyang: wigi ayo" seing: nghoid da:. Houg: yoomo akhid" amyang" ri nyangnu" yo' nyangnu" da" mougmyid ri phyo' shoin shau" wa nghoid.

ZEKHARIA 1:12

Houg: lang" Aseing da" moug: lagyoo: tid zigi «Myhang: thang da" Aseing nang gi Yerusalem yo' Yuda mung" mo voozoo: voozeing ri nheug yo: zi akhid" nyhed xi: zain nghoid bye:. Khamyhang ju" sho' nang nyangnu" ri re" da" nheig khyeug khyoo: atoin" shid loo: za: nyid nyid wa la"».

YOHAN 8:41

Nanu" gi nanu" da" nya: phoo nyang: yhangti" koid; nyid boem ga: Yesu tid. nyangnu" doem phoug tid zigi ngoonu" moo Mangsoo ga: da" phoo dayug kyeing" date: nyid lho. Ngoonu" we' nya: zoo: gyeing" yi nyang: nghoid bye: ga: tid.

Roma 11:22

He jang" moo Mangsoo: gi - khayhi' gyeing" nheig khyeug shoo" se' myen: da" khyoo: yo' khayhi' gyeing" noo sho' yooboo dang: se' kho: da" khyoo: ri ngoonu" shau" myang boem. Mangsoo: gi yooboo shoid' mo ri gye thain: sho' yooboo dam yo" byid nyid da" khyo" ein: ri nanu" gi Mangso: nheig khyeug khyoo: ri yo" xo kham: yu sho' cang koid' zei: so' ri gi Mangsoo: gi nanu" da" tho' moo nheig khyeug nheig myen: nyid wa zi za nghoid. Hau: nheig khyeug myen: da" khyoo: ri shau" kham yu sho' akoid' acang loem boem ri koem' gi nanu" ri we' Mangsoo: gi cu: khyo' pyam' wa.

Roma 9:18

Houg: yoomo Mangsoo: gi nyang: nheig khyeug wa yug ri nheig khyeug lho: - Nyang: u" loem' thain: nhang: wa su: ri u" loem' thain: nhang.

YAKU 2:13

Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.