HOSEA 2:3 - Lacid Common Language Bible

³ Nyang: atheing: nghoid rigi ngoo gi nyang: ri khu: re" da" bidnyid moo gung cen khu: re" ziyo' dakhyo" ngoo gi nyang: ri byimi khyoid pyam byid: wa. Ngoo gi nyang: ri myid kyug myid gang: yo' dakhyoo" ti" koid pyam wa. Houg: lho: nyang: gi gyid shed lho: shid: lo" byug wa.

HOSEA 2:3 교차 참조

THU' LO" MOUGSOUG" 17:3

Nghoid loug we' byumyu" yigi gyid gye" shid ziyo' xo' wigi Moshe ri myeing" myoo: bye:. Nyangnu" gi «Ciwim yoomo nang ngoonu" ri Egutu mo shu" thu lo la". Ngoonu" yo' ngoonu" zoo: yi ngoonu" gougnyhoug joem ri gyid shid wigi shid: nhang: wa ein: rhe"» ga: tid ago".

ESAIA 33:9

Mungdain: gi akyu" aboo jham" coug: youg bue" jo da:. Lebanon seig moo" yoo gi shoem: nyhau" lo" lho: myidxu: ge da" Sharon janggyoin: gi dain" pyoid yoo yo' dakhyo" bue" lo" wigi Bashan mung" yo' Khamela boem dang moo yug da" seiggam joem mo seig fu' joem shu: gyo" nyid ago".

ESAIA 47:3

Byu yigi nang gung cen: nghoid ziri shau" myang re" boem wa. Nyangnu" nang ri yu" nyhoem: pyam lho: yu" sho' loo goo" wa. Ngoo gi latoo: phug wa. Ngoo ri hang" we' atoem' goo" wa» ga: tid da:.

ESAIA 64:10

Re" gyeung" shang: da" voomoo" joem gi dain" pyoid yoo yo' du wigi Yerusalem gi jham" coug: youg byo, yoin" jo, da:.

YEREMIA 12:10

Tungbau mo vhu" she: bang: gi nga" zabyid khyam: ri phyo' shoin' pyam boem. Nyangnu" gi nga" da" shivoo yoo ri nang nhe" pyam ago". Nyangnu" gi yu" yung" tung" da" nga" mougmyid ri dain" pyoid yoo bue" nhang: pyam ago".

YEREMIA 13:22

He: gu: dangain" ciwim yoomo nang moo bue" lo la" ga: myid ri ciwim re" byimi joem ri lang: ceig pyam byid: lho: nang ri doin: zeig rue" zi shoug" rigi hau: zigi re" yooboo sung dam xoo: yoomo nghoid da:.

YEREMIA 13:26

Aseing nyang: nanu" ri byimi khyoid pyam byid: lho: nanu" ri sho' phu" nhang: loo wa.

YEREMIA 14:3

Yoo" zoo: yoo" shug bang: gi nyangnu" da" dei zoo: yiri gyid yhe: yu nhang: ago". Nyangnu" gi gyid teing thoem" khyoo: yhe: ago". Nghoid loug we' gyid aboo nghoid da:. Nyangnu" gi nyangnu" da" jhuang: akoem: ri doem ci: tau" lo da:. Nyangnu" gi yoem: shoin: wigi nheig coid lho: nyangnu" myonhoo: ri nghoeb ci: ago".

YEREMIA 17:6

Nyang: gi moug: kyug myid kyug- Ce: daja: we' age yug da" xoo" mougmyid- dain" pyoid yoo moo yug da" mhain" pung yo' du da:. Nya: shid re" khanham we' ge zi abui" nghoid da:.

YEREMIA 2:31

Israela byumyu" yi we"- ngoo tid nyid ziri tam" gyoo: we'. Ngoo gi dain" pyoid yoo yhang: ti" moug coid yhang: ti" yo' gyoug ca" da" mougmyid yhang: ti" bue" lo" zi shau" yu" la". Hougsu" nghoid ri ciwim yoomo nanu" gi nga" jhang khanham we' atau" phang: loo" loo wa ga: nanu" nyang: vho: khyo" koid wa ein: tid boem go" la".

YEREMIA 2:6

Ngoo gi nyangnu" ri Egutu mung" mo khyoid yu lho: dain" pyoid yoo yo' midcoo: duang: joem jo, da" moug:- Byu hang" anyid da" moug:- moug: kyug yo' gyoug pho" da" moug:- Byu dayug we' gyung: aso" da" moug: dain" pyoid yoo khyo" shu" lid: lo rilang" nyangnu" ngoo ri cishu: anhang: nghoid da:.

YEREMIA 22:6

«Nga" shid re" Yuda da" khokham kho" gi Gilead mung" yo' Lebanon boem joem yhi' yung" da:. Nghoid loug we' ngoo gi hau: ziri byu hang" anyid da" jham" coug: youg joyoo koid pyam wa.

YEREMIA 4:26

Myidxu: ge da" mougmyid gi dain" pyoid yoo bue" byug bye:. Houg mo voomoo" joem gi Aseing da" gyoug pho" nheig yo: da" gang moo byo, yoin" jo, abye:. (

YEREMIA 51:43

Voogung joem gi gyoug dain pho" myo, jang bue" re" lho: hang" we' anyid- hang" we' gyung: aso" lid: da" joyoo- gyid ajo, da" dain" pyoid yoo yhang: ti" bue" lo" da:.

YEREMIA 51:5

Myhang: thang da" Aseing Mangso ngoo gi nyangnu" Israela da" gyeung" shang: da" su: nghoid da" ngoo ri gyi koid sho' nghoid loug we' Israela yo' Yuda ri ngoo ashe: pyam too" wa.

EZEKIEL 16:22

Nang shava myhi' khyo" aco' ajhoid kangso' dei nyid uri nang gi nanya: suid" moo shoo" cen: doem: nyid da" zooshang: yo, mo apyaid ri khanham dalheing: lang" amyid boin: nghoid da:.

EZEKIEL 19:13

Akhid" hau: ziri kyug hei' lho: gyid ajo, da" dain" pyoid yoo moo sho" kaid da:.

HOSEA 13:15

Israela byumyu" yigi myo, gam yo' dakhyoo" ti" yug mung" ri" nghoid loug we' ngoo gi bidthu shoid dain" pyoid yoo mo lid lung ri nhang: kaid lho: hau: lid lung gi nyangnu" da" gyid bug yo' gyid thung" joem ri kyug hei' pyam nhang: wa. Hau: zigi phoug" dab da" ja: khang" moo" ri yu pyam byid: loo wa.

HOSEA 2:10

Ngoo gi nyang: ri nya: vho: ngei bang: da" shidkhoin" moo byimi khyoid pyam byid: lho: gung cen: koid pyam byid: wa. Nga" lo, yoem: so' mo nyang: ri hang" dayug we' are" yo" khyoid yu wa.

Pang Shug 17:16

Nang myang da" akhyeung" da" gougnyhoug yo' Khyoug: daxi: loem: gi shava myi: yi: myhi, ri ngheing" yoomo nya: byimi, dangain" lang: shang: pyam byid: lho: shoo" cen: doem: koid to" boem wa nya: da" shoo" ri zo: pyam' lho: deung gu: rigi myi: moo nghe, jhoem" pyam wa nghoid.

TARHA" AGYI 15:18

Hau: thang: Samson gi gyid gye" shid ri" yoomo nyang: gi Aseing ri khe: lho: «Nang gi ngoo ri he: oung: doid khyoo: ri byid: bye:. Akhid" ngoo gyid shid wigi shid: lo" nyid kyi' bye: wigi he: byu joem: joem nghoid da" Philisti byu yi wigi myheig yu zi shoug" nhang: wa la"» ga: mho' yoid da:.