HOSEA 2:23 - Lacid Common Language Bible

²³ Ngoo gi nga" byumyu" yiri hau: moug: moo de: nyhed: to" lho: nyangnu" ri nyid di nhang: wa. Ajheddab yug ein: myheig pyam bye: bang:- nga" byumyu" anghoid ein: myheing pyam bye: bang: ri ngo wigi jheddab myid ci: shug byid: wa. Ngoo gi «Nanu" nga" byumyu" yi nghoid» ein: tid wa Houg: lho: nyangnu" gi «Nang gi ngoonu" da" Mangsoo nghoid da» ga: tu" loo goo" wa.

HOSEA 2:23 교차 참조

COUNG" NGHEI 118:28

Nang gi: nga" Mangsoo nghoid da- ngoo nang ri jeju" boin: nyid wa zi nghoid. Re" nghoid thang da" khyoo: ri ngoo tid fu" nyid wa nghoid.

COUNG" NGHEI 22:27

Byumyu" yi bain sho mo, gi Aseing ri boin: so" loo wa. Mougmyid gyab, goin" mo mo, gi re" jhang khyoo: doem tau" lo boem wa nghoid. Byukung: byuko' dangain" gi nyang: ri noku coung" pid lo boem wa nghoid.

COUNG" NGHEI 68:31

Egutu meing: mo mung" lagyoo: yi ju" re" boem wa. Etiopi byu yi we' nyangnu" da" lo, tu: lho: Mangsoo ri akyu" mho' boem wa.

COUNG" NGHEI 72:16

Mougmyid moo: shivoo: shiloem ge lho, nyid baja" Lebanon moug: mo shivoo: shiloem ge lho, jo, yhang: ti" boug zoo: boug zeing joem moo gug zoo meiloem: byeung" jo, baja" pa: dam mo vu, fu" yoo yhang: ti" voozoo: voozeing moo: byumyu" yi byeung" shoin: loo" goo" baja".

SHOLUMON JIKHOIN" 2:16

Nga" jheddab su: gi ngoo seung: su: nghoid wigi ngoo ri we' nyang: seung: da:. Nyang: gi nya: gougnyhoug joem ri myioeb bain: yoo moo coung" zho" nyid da:.

ESAIA 44:5

«Byu yi dayug bain dayug ‹Ngoo gi: Aseing da" byu nghoid› ga: tid loo goo" wa. Nyangnu" gi Israela byu yi yo' re" xo' tei" boem wa. Yugkhang" moo" gi nya: lo, moo Aseing myeing asoo" ri tab loo goo” wa. Houg: lho: nyang: nya: gung ri Mangsoo byu dayug ga: myheing yu loo goo" wa» ga: tid.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

YEREMIA 31:27

«Ngoo Aseing ri Israela yo' Yuda mung" ri ngo wigi byu yo' gougnyhoug joem byeung" nhang: wa da" ayo, ju" lo nyid da:.

YEREMIA 32:38

Houg: lang" nyangnu" gi nga" byumyu" bue" lho: ngoo gi nyangnu" da" Mangsoo nghoid loo wa.

YEREMIA 33:26

Ngoo tid su" gyeing" nyang: koid bye: ziyo' dayhang: ti"- Yaku da" amyed ashen yi yo' nga" dei zoo: David yo' koid to" da" nga" dang: theing ri ngoo zoem: ci: wa. Abraham- Isag- Yaku bang: da" amyed ashen yiri vhoeb wa shid re" David da" amyed ashen yi' mo dayug ri ngoo khyen: yu wa. Nga" byumyu" yiri ngoo nheig khyeug shoo" myen: wigi nyangnu" ri doem nyid ge yab gi nhang: wa.

EZEKIEL 36:29

Ngoo gi nanu" ri ayung" alhoo' bui" nhang: da" ja: khang" moo" mo khyoid yu wa. Ngoo gi shivoo: agoin agoo" yoo" wa shid re" amyeing" byid: wa. Houg: lang" nanu" gi phang" khoug agyoo" loo: wa.

HOSEA 1:6

Gome gi eig yug ein: da" zooshang: doem yo" da:. He: lheing: gi myiyi: nu" nghoid da:. Aseing gi Hosea ri «Nya: myeing ri ‹Ajheddab› su: ein: myheing we'. Ciwim gari ngoo gi Israela byumyu" yiri jheddab myid aci: shug byid: loo wa. Nyangnu" da" yooboo ri we' akhyoid byid: loo wa.

HOSEA 8:2

Nyangnu" gi ngoo ri nyangnu" da" Mangsoo ga: myheing lho: nyangnu" nyang: gi nga" byumyu" yi nghoid- nyangnu" ngoo ri se' ga: tid nghoid loug we'

ZEKHARIA 10:9

Ngoo gi nyangnu" ri tungbau mung" khyoo: khaid sain" pyam' nghoid loug we' Nyangnu" gi ve: da" mung" moo nyid lho: Ngoo ri myid boin: lo boem wa nghoid da:. Nyangnu" yo' nyangnu" da" zooshang: yigi ashid: loo: nyid deing lho: yhoem: khyoo: dage" doem phang: loo wa zi nghoid.

ZEKHARIA 13:9

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

ZEKHARIA 14:16

Yerusalem voomoo" ri zain: lo nyid da" byumyu" yi mo wigi deung jo, mo, gi yoem: moo" bo da" Aseing ri khokham ri yhang: ti" goeb noku boem wigi seig kyang: pui" koid boem wa shid re" hau: joyoo khyoo: zain khang" moo" yhe: lo" boem wa nghoid.

ZEKHARIA 14:9

Hau: bidnyid moo Aseing gi moug: gyab goin' jang" moo khokham koid loo wa nghoid. Byu yugkhang" moo" gi Mangsoo ri kyeing" goeb noku lho: nya: myeing ri kyeing" dasi' loo: wa.

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

MALAKHI 1:11

Bid thu shoid mo zi bidvang shoid khyoo: ju" loo" sho' moo nyid da" nga" mung" byu ja: khang" moo" gi ngoo ri phoug" tab ngi: shab byid: lo boem wa joyoo khyi' khang" moo" moo nyangnu" gi ngoo ri nam pyo: da" shoem: nghe' ngei" byid: boem wigi nyangnu" xoin" joem dangain" ngoo ri phoug" tab ngi: shab byid: lo boem wa zi nghoid.

Roma 3:29

Mangsoo: gi Yuda byumyu" yi da" Mangsoo: za danghoid la". Tungbau byumyu" yi da" Mangsoo: gi abo nghoid la". Tungbau byumyu" Mangsoo: gyeing" gyeing" nghoid.

YAKU 1:1

Phoo Mangsoo yo' Aseing Yesu Khristu da" dei zoo: nghoid nyid ngoo Yaku gi moug: gyab, goin" jang" moo byo sain" jo, da" Mangso byu yi jhang khyoo: jheddab dang: sang: kaid.