HOSEA 2:21 - Lacid Common Language Bible

^21-22 Hau: ayo, ri ngoo gi nga" byumyu" Israela da" akyu" mho' thui: ri gyoo: byid: wa. Ngoo gi myidgung moo moug: vo khyoo' nhang: wa. Houg: lho: myidgung gi shivoo: zabyid yo' zhainloin: ri thu nhang: loo wa.

HOSEA 2:21 교차 참조

ESAIA 55:10

«Nga" mungdang: gi nghain: yo' moug: gyid yhang: ti" nghoid. Hau: zigi mougkhung: mo gyo" re" wigi mougmyid ri jhu' nhang: da:. Hau: zigi shivoo joem ri yug nhang: wigi sain" wa myoug: shi" yo' zoo: noem ri byid: da:.

ESAIA 62:4

Nang ri «She: pyam' pyam' bye:» ga: tid loo goo" wa. Re" mougmyid ri «She: pyam' too" shau" da" yhoem: seing: myhi'» ga: tid loo goo" wa. Re" myeing seig gi «Mangsoo nyang: ri vho: ngei abye:» ga: zi nghoid loo wa. Re" mougmyid gi «Ngei pyoo: tung" lo, xo' to" da» ga: myheing wa. Ciwim ga: ri Aseing gi nang ri vho: ngei wigi Nyang: gi re" mougmyid da" yhoem: seing: phoo yhang: ti" nghoid loo wa.

ESAIA 62:5

Zoolu: phoo gi nya: myhi' seig khyo" zoomyi: gyeing" ri lo, xo' yhang: ti" Nang ri gung khyang: koid byid: su: gi nang ri lo, xo' yu wa. Phoo seig gi nya: myhi' seig ri jheddab yhang: ti" Re" Mangsoo gi nang ri ngei wa.

ESAIA 65:24

Nyangnu" akyu" abain mho' shi" rilang" nyangnu" da" akyu" mho' dang: ri ngoo tam" gyoo: mainkaid byid: wa bye:.

EZEKIEL 36:29

Ngoo gi nanu" ri ayung" alhoo' bui" nhang: da" ja: khang" moo" mo khyoid yu wa. Ngoo gi shivoo: agoin agoo" yoo" wa shid re" amyeing" byid: wa. Houg: lang" nanu" gi phang" khoug agyoo" loo: wa.

HOSEA 14:7

Nyangnu" gi ngo wigi goem loem byid: da" ayoeb khoug: moo dalheing: doem nyid loo goo" wa. Nyangnu" gi gug zoo mei: loem: sho" wigi zabyid khyam: yo' dakhyo" ashi" zei: loo goo" wa. Nyangnu" gi Lebanon mo zabyid yhid: yo' dakhyo" myeing gyi: loo goo" wa.

YOELA 2:19

Aseing gi nya: mung" byu yiri hidsu" ga: phoug tu"- «Akhid" ngoo gi nanu" ri shivoo:- zabyid yhid: yo' zhainloin: xu: byid: wigi nanu" gi nheugdeug loo goo" wa. Tungbau byumyu" yigi nanu" ri aphoug" akhyoid ayo" koid loo goo" wa.

ZEKHARIA 13:9

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

ZEKHARIA 8:12

Nyangnu" gi nyangnu" da" shivoo: joem ri voin: tang: za: yo" yham" yu boem wa zi nghoid. Nyangnu" da" zabyid nei joem gi ashi" myoo" sho' zei: lho: myid jang mo shivoo: shiloem joem ri yug loo nhang: wigi houg: moo agoin ayu: moug: ri voo byid: loo wa zi nghoid. Nyid deing da" nya: byumyu" mung" byu yiri ngoo gi he: da" agyid asoo: joem dangain" byid: loo wa zi nghoid.

ZEKHARIA 8:8

Ngoo gi nyangnu" ri Yerusalem moo nyid nhang: wa shid re" bid thu bidvang khyo" wigi doem shu" tau" loo wa nghoid. Nyangnu" gi nga" byu yi bue" loo wa wigi ngoo we' nyangnu" ri deungmain" nyeung veung" ngheig loem: khyo" - vhoebkhang" nyid wa da" Mangsoo bue" loo wa zi nghoid.

MALAKHI 3:10

Noku Yhoem: Moo" moo zoo: noem byeung" jo, wa shid re" nanu" da" xi: boem mo daboem gu: dangain" yhoem: moo" khyoo: ci: ri" we'. Ngoo ri byid: jham" yu" we'. Mougkhung: mo khoem" moo" phang kaid lho: nanu" da" tho' moo ge da" khyoo: joem dangain" ri agoin ayu: foid shoin" byid: wa afoid shoin" byid: wa ziri akhid" ngoo ri jham" yu" ge'» ga: yoem: moo" bo da" Aseing gi tid nyid.

MALAKHI 3:11

Nanu" da" shivoo: shiloem yoo ri tung sang" jhenkhyeug joem azo: shoin' pyam nhang: wa ziyo' nanu" da" zabyid khyam: mo zabyid shi" joem ri we' amyheing shi" ri ashu: gyo" pyam nhang: wa» ga: yoem: moo" bo da" Aseing gi tid nyid.

MATHE 6:33

Nanu" koem gi nya: da" mungdain: yo' nya: da" deung byeung" khyoo: ri xang: shid" sho: nyid ge'. houg: lang" hau: zi dangain" nanu" ri poug lung: byid: wa nghoid.

Roma 8:32

Mangsoo: gi nya: zoo: gyeing" ri - vhoo" abyid' looza: - ngoonu" dangain" mo shid' re" gung leig xoin" to' pyam' bye: nhung. Ngoonu" shid' re" nya: zoo: ri byid: da" Aseing gi zi jo, moo jo, ngoonu" ri noug noug za: abyid: loo: khasu" se' nyid wa la".