HOSEA 2:18 - Lacid Common Language Bible

¹⁸ Hau: ayo, moo ngoo gi siyoo gougnyhoug yo' ngho' joem dangain" ri dang: theing to" lho: nyangnu" gi nga" byu yiri dam atab goo" wa. Ngoo gi hau: mung" mo gyi zain: wa gyi jonu" dangain" ri yu pyam byid: wa. Shamcoin" dangain" yo' lid: dangain" ri yu pyam byid: lho: nga" byumyu" yiri yug yo ziyo' goem loem nyid nhang: wa.

HOSEA 2:18 교차 참조

YOBA 5:22

Nang gi athoug" akhyoug: ziyo' zooyoid ziri yi jhuang" pyam loo wa. Houg: lho: gougnyhoug lam" joem ri agyug ca" wa.

YOBA 5:23

Nang phug da" yoothung" moo lugzeing ajo, wa. Gougnyhoug lam" joem gi nang ri khanham we' gyi akoid wa.

COUNG" NGHEI 148:10

Me" da" gougnyhoug joem yo' kyang: da" gougnyhoug joem dangain" do: yu: yen" ja: yo' ngho' joem dangain" nyang: ri coung" nghei nyid we'.

COUNG" NGHEI 23:2

Nyang: gi ngoo ri nyau, young da" mhain" nu" jang: moo no: nyid nhang: lho: myenjham" da" gyid yam, khyoo: shu" yhe: lo.

COUNG" NGHEI 46:9

Nyang: gi mougmyid tho' mo gyipui" dangain" ziri no: loo" nhang: lho: lid: joem ri khyau" pyam, wigi lham: toid joem ri we' adu atoem' koid pyam wigi gyi goo, joem ri myi: yo' nghe' pyam bye:.

ESAIA 2:11

Xangsu: byu yi nghoid boin: zigi thang lo" lho: xangsu: byu yi nheigloem: myhang: zi byo, yoin" loo" wa ayo, ju" loo wa. Houg: lang" Aseing dayug za: ngi: shab byid: zi shoug" wa.

ESAIA 2:17

Xangsu: byu yi nghoid boin: zigi thang lo" byug wa. Xangsu: byu yi nheigloem: myhang: zigi phyo' shoin' pyam zi shoug" wa. Soolhoo: joem gi bain sho' byug byug wa. Hau: bidnyid moo Aseing dayug za: ngi: shab byid: zi shoug" wa.

ESAIA 2:4

Nyang: gi gyi: sheung: da" byumyu" yi agyoo: moo tid ngeug ziri tid veing" byid: wa. Nyangnu" shamcoin" joem ri khoin’ baid lho: Nyangnu" lham: toid joem ri sham: thoo" baid yu goo" wa. Byumyu" yigi khanham we meing: adoem zain: loo: wa. Meing: zain: pa: shid re" khanham we’ adoem soin' loo: wa.

ESAIA 26:1

Byumyu" yigi Yuda mung" moo he: jikhoin" ri khoin" wa da" bidnyid ju" re" loo wa. Hau: zigi Nyangnu" voomoo" gi geing: da:. Mangsoo nyang: nyang: hau: vang joem ri goem loem byid: da:.

ESAIA 32:18

Mangso byu yigi myid myo: zi ajo, wa. Nyangnu" da" yhoem: ikoin deungkhu: joem gi ngei pyo: ziyo' goem loem jo, wa.

ESAIA 54:5

Nang ri phain" so: too" su: gi re" yhoem: seing: phoo yhang: ti" nghoid loo wa. Nya: myeing gi myhang: thang Aseing ga: zi nghoid. Israela da" gyeung" shang: Mangsoo gi nang ri khyoid yu wa. Nyang: gi mougmyid goin" da" vhoeb" khang" su: nghoid da:.

ESAIA 65:25

Zeig ni joem yo' yang nu" joem dage" voem: shoo: zoo: loo wa. Nu: joem yhang: ti" khangkhyi joem gi khoofoo: zo: loo goo" wa. Lhangmyu joem ri agyug noo" loo: wa. Lhangmyu joem da" zoo: noem gi myidzhoo" nghoid wa. Nga" da" gyeung" shang: da" boem gung Ziun: moo gyoug pho" dam tab khyoo: yo' akhyeing" ashoeb khyoo: ci: we' ajo, loo wa» ga: tid da:.

YEREMIA 23:6

Nyang: khokham bue" loo lang" Yuda byumyu" yigi goem loem zi shoug" goo" wa. Israela byumyu" yigi ngei pyoo: yug yoo tung" shoug" nyid loo goo" wa. Nyang: gi ‹Ngoonu" khyoid yu Aseing› ga: myheing byid: zi shau" boem goo" wa.

YEREMIA 30:10

Nga" byumyu" yi we"- agyug goo"- Israela byumyu" yi we"- agyug goo"- adain goo". Ngoo gi nanu" ri hau: ve: da" mungdain: mo nanu" thung: byu bue" nyid boem da" mungdain: mo nanu" ri khyoid yu wa. Nanu" yhoem: khyoo: tau" lo wigi ngei pyoo: yug yoo tung" shoug" nyid loo goo" wa. Nanu" goem loem khyoo: shoug" yu wigi hang" dayug we' nanu" ri kyug nhain' wa zi anghoid.

YEREMIA 33:16

Yuda byu yi yo' Yerusalem byu yigi khyoid yu zi shau" wigi goem loem tung" za: shoug" nyid loo goo" wa. Voogung ri «Ngoonu" ri khyoid yu da" Aseing» ga: myheing loo goo" wa.

EZEKIEL 34:25

Ngoo gi nyangnu" da" goem loem khyoo: shid re" loem ge" da" dang: theing daloem: ri nyangnu" yo' koid too" wa. Ngoo gi hau: mougmyid mo gyoug ca" ja: gougnyhoug joem dangain" ri shoem" yu pyam wa. Houg: lang" nga" yang joem gi coung" yoo moo goem loem tung" yo" nyid wigi siyoo khoug: moo yo" yhoeb loo wa.

EZEKIEL 39:1

Yoem: moo" bo Aseing tid zigi «Shid: se' da" byu we"- Mesheg yo' Tubala byumyu" yi da" vhoebkhang" zoug: moo” Goga ri tid phue: pyam we'. Houg: lho: ngoo gi nya: gyivoo: nghoid khyoo: nyang: ri tid kyoo" we'.

ZEKHARIA 14:4

Hau: bidnyid ri Aseing gi Yerusalem bidthu shoid mo zhainloin: boem moo re" yab wa zi nghoid. Houg: lang" zhainloin: boem gi bidthu shoid khyoo: dakhyam"- bidvang shoid khyoo: dakhyam" gyam: lo" wigi lang: khoug: moo" zeing bue" lo lho: boem dakhyam" gi gyid moin khyoo: - dakhyam" gi gyid byeing: khyoo: yu: loo" wa.

ZEKHARIA 14:9

Hau: bidnyid moo Aseing gi moug: gyab goin' jang" moo khokham koid loo wa nghoid. Byu yugkhang" moo" gi Mangsoo ri kyeing" goeb noku lho: nya: myeing ri kyeing" dasi' loo: wa.

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

ZEKHARIA 3:10

Hau: da" bidnyid moo nanu" yugkhang" moo" gi nanu" da" zabyid khyam: joem yo' lafoem' gam joem lheung khoem to" da" jang" moo myenjham" khyoo: yo' gau: nyu: khyoo: ri re" bo kham zoo: wa shid re" nyang: nya: da" yhoem: kyoo" cang" yiri khe: boem wa nghoid» ga: Aseing tid nyid.

ZEKHARIA 9:10

Aseing gi hidsu" ga: tid «Ngoo gi Israela yi da" gyimyang: rheing" ri yu pyam' byid: wa nghoid. Yerusalem mo gyi zain: myang: joem ri we' shoem" pyam' byid: wa. Gyipui" moo ci: da" lo, lid: joem ri we' khyau" pyam' byid: wa nghoid. Nyangnu" da" khokham ri ngoo gi byumyu" yi veing" go" da" lu dang: ri tid fu" loo" nhang: wa. Nyang: gi panglai: dathoem" mo zi thei: dathoem" khyoo: ju" sho' Uphrad gyid lang mo wigi mougmyid thang sho' moo vhoeb wa nghoid» ga: tid.