HOSEA 2:15 - Lacid Common Language Bible

¹⁵ Ngoo gi nya: zabyid khyam: joem ri doem byid: wigi yau: khe" janggyoin: ri we' myid byu wa khoem" moo" duang: bui" nhang: wa. Hau: joyoo moo nyang: gi goonham' Egutu mo nyang: phang: lo da" ayo, nyang: ngi shi" uri yo' dakhyo" ngoo ri doem phoug" myang: loo wa.

HOSEA 2:15 교차 참조

1 KHOKHAM 16:31

Khokham Yeroboam yhang: ti" yooboo koid wa zigi nya: shid re" atham: boin: nghoid da:. Nyang: gi vi: khyoo: yhe: wigi Sidon khokham Etbala nya: myiyi: zoo: Yezebela ri lo, xo' yu lho: Bala ri no' bye:.

COUNG" NGHEI 106:12

Hau: thang: ri nya: da" byumyu" yigi nyang: to" da" dang: theing khoin" ri loem" jeung lo boem wigi Aseing ri: jikhoin" yo' coung" nghei lo boem.

COUNG" NGHEI 129:1

Israela we" nang gi ngi shi" bidnyid mo wigi re" gyivoo joem gi nang ri khasu" shen" yhen bye: da" khyoo: ngoonu" ri tid kyoo" we'.

ESAIA 65:10

Nyangnu" ngoo ri noku loo goo" wa. Houglho: nyangnu" yang joem yo' nu: joem ri bidvang shoid moo Sharon dain" yoo yo' bidthu shoid Yau: khi" lang: khung" moo jo, da" dain" yoo khyoo: shu" yhe: lo" boem wa.

ESAIA 65:21

Byu yigi yhoem: joem koid lho: houg: moo nyid goo" wa. Hau: joem moo gootu: hang" anyid goo" wa. Nyangnu" gi zabyid khyam: joem ri sho" wigi zabyid yhid: shug pyo: nyid lo boem wa. Hau: joem ri subi" gootu: yo" shug boem wa zi anghoid. Seiggam yhang: ti" nga" byumyu" yigi kang: sheing: sho' yo" nyid loo goo" wa. Nyangnu" zei: da" moo" zoo" jid zoo" aphoug" ri nyangnu" byeung" sho' shau" kham: zoo: goo" wa.

YEREMIA 2:1

Aseing gi ngoo ri

YEREMIA 2:2

Yerusalem mo byu yugkhang" moo" ri he: lu dang: tid fu" nhang: da:. «Nang ngi shi" uri nang khayhi' jhug zug ziri ngoo se'. Nang gi xang: shi" lo, xo' uri ngoo ri khayhi' jheddab ziri ngoo se' da:. Nang gi dain" pyoid yoo khyo" nga" thang: cang lo da:. Shivoo: asho" yu" da" mougmyid khyo" so" lid: lo" da:.

YEREMIA 29:11

Nanu" shid re" ngoo soin' to" da" khyoo: ri ngoo dayug za: dase'. Houg: zigi nanu" shid re" nyid gi yab ge khyoo:- nanu" myid byu da" ju" loo wa da" ayo, yo' sen: da" zi nghoid. Houg zigi yau: khe" kyi" khyeug khyoo: anghoid.

YEREMIA 3:4

«Houg: lho: akhid" nang ngoo ri ‹Nang gi nga" phoo nghoid wigi ngoo zooshang: yo, mo ngoo ri nang jheddab lo abye:.

YEREMIA 32:15

Myhang: thang Aseing- Israela Mangsoo gi yhoem: joem yoothung" joem zabyid khyam: joem gi he: mungdain: mo doem qei loo goo" wa ga: tid to" da›.

NGOUG JI: 3:21

Nghoid loug we' ngoo daja: myid boin: kaid ri myid byu jang: doem yo" yu bye:.

EZEKIEL 16:22

Nang shava myhi' khyo" aco' ajhoid kangso' dei nyid uri nang gi nanya: suid" moo shoo" cen: doem: nyid da" zooshang: yo, mo apyaid ri khanham dalheing: lang" amyid boin: nghoid da:.

EZEKIEL 16:60

Nghoid loug we' ngoo gi nang ngi shi" uri nang yo' to" da" dang: theing ri ngoo ngi: shab wigi ngoo gi apyaid atoo: moo geing: teing jo, wa dang: teing ri nang yo" koid too" wa.

EZEKIEL 16:8

«Ngoo doem so" lid: lo" uri nang gi se' jheddab da" ayo, ju" bye: ziri shau" myang. Ngoo gi re" gung cen: doem: ri nga" byisheing: yo' foid to" lho: nang ri jheddab wa dangsoo" byid: bye:. Nghoid- Ngoo gi nang yo' lo, xo' wa dang: theing to" lho: nang gi nga" byu bue" lo da». He: zigi yoem: moo" bo Aseing tid zi nghoid.

EZEKIEL 28:25

Yoem: moo" bo Aseing tid zigi «Ngoo gi Israela byumyu" yiri byumyu" yi phung: gung khyoo: khaid sain" to" jang" mo nyangnu" ri doem zheing" yu wa. Houg: lho: byumyu" yi dangain" gi ngoo gyeung" shang: ziri se' loo goo" wa. Israela byumyu" yigi nyangnu" nya: mougmyid nghoid da" nga" dei zoo: Yaku ri ngoo byid: to" da" mougmyid moo nyid lo boem goo" wa.

EZEKIEL 28:26

Nyangnu" gi hau: joyoo moo goem loem tung" shoug" nyid goo" wa. Nyangnu" gi yhoem: joem koid lho: zabyid khyam: joem yo" koid zo: nyid boem goo" wa. Ngoo gi nyangnu" ri coem' juang" da" nyangnu" yhoem: kyoo" cang" mungdain: dangain" ziri yooboo dam byid: wa. Houg: lho: Israela gi goem loem nyid loo wa. Hau: thang: nyangnu" gi ngoo nyangnu" Mangsoo Aseing nghoid ziri se' loo goo" wa.

HOSEA 11:1

Aseing gi «Israela gi zoonu" nghoid shi" uri ngoo nyang: ri nheig dab bye:. Houg: lho: nyang: ri nga" zoo: khyo" Egutu mo khe: shu" thu yu bye:.

HOSEA 12:13

Aseing gi Egutu moo join koid nyid da" Israela byumyu" yiri khyoid khyu: yu lho: nyangnu" ri zoem: wa shid re" Lapi: dayug nhang: kaid byid: da:.

HOSEA 12:9

Nghoid loug we' nanu" ri Egutu mo shu" thu lo da" nanu" Aseing Mangsoo- ngoo gi dain" pyoid yoo moo nanu" jhang ju" ri" uri nanu" nyid lo ziyo' dakhyoo" nanu" ri zoem" joem moo doem nyid nhang: wa.

HOSEA 13:4

Aseing gi «Ngoo gi nanu" ri Egutu mo shu" thu lo da" nanu" da" Aseing Mangsoo nghoid. Nanu" gi ngoo mo lid wigi Mangsoo gootu: ayoo" nghoid ago". Ngoo dayug kyeing" za: nanu" da" khyoid yu Aseing nghoid.

HOSEA 2:12

Nya: da" vho: ngei bang: ri nyang: wigi dei byid: da" aphoug" khyo" nyangnu" wigi byid: to" zi nghoid ga: tid da" nya: zabyid nei joem yo' nya: lafoem shigam joem ri ngoo phyo' shoin' pyam byid: wa. Ngoo gi nya: da" zabyid khyam: joem yo' shi" khyam: joem ri siyoo bui" nhang: pyam wa. Siyoo gougnyhoug joem wigi hau: gu: ri phyo' shoin' pyam byid: loo wa.

AMO 9:14

Ngoo gi pyoung" shu" lo" shau" da" nga" byumyu" yiri nyangnu" moug: khyoo: doem shu" tau" yu wa. Byo, yoin" loo" bye: da" nyangnu" voomoo" joem ri doem zhug nyid lo boem wa nghoid. Nyangnu" gi zabyid khyam: koid lho: zabyid yhid: shoug" shug boem wa. Nyangnu" gi khyam: koid lho: nyangnu" sho" jang" mo shivoo: shiloem shoug" zo: boem wa zi nghoid.

ZEKHARIA 9:12

Nheig byu joyoo yoo" mo, ri oung: lo" gyidab moo doem tau" loo ge' nanu" da" goem loem joyoo khyoo: doem tau" loo ge' akhid" nyid" nanu" ri ngoo tid kyoo" wa Ngoo gi nanu" da" sho" jhen: yau: khi" tho' moo eig zhang agyid asoo: doem xab byid: wa nghoid.

GYUNG: SOO" 21:17

Hau: uri Israela byumyu" yigi he: jikhoin" ri khoin" ago". «Gyid thung" joem we"- nanu" gyid ri thu ri" nhang: we'. Houg: lho: hau: ziri ngoonu" jikhoin" khoin" wigi coung" wa.

YOHAN 10:9

Ngoo gi khoem" duang: nghoid. Nga" jhang khyo" vang ri" su: gi goem loem joyoo shau" bye. Nyang: gi thu' thu' vang vang yo" koid; wigi mhain" nu" jang: ri shau" myang wa zi nghoid.

ACTS 14:27

Nya: eig: yug gi Antioki voogung khyoo: ju" yhe: loo" lang" phung byu yi ri khe: zheung" yu wigi nya: eig yug khyo" Mangsoo gi khate" da" moo" ri zei: loo bye: da" khyoo: dangain" ri we' Mangsoo gi tungbau byumyu" yi Yesu ri loem" jeung" lo boem wa shid' mo khyoo: khasu" phang byid: lo da" khyoo: dangain" ri we' - nyangnu" ri tid kyo" ago".

YOSHU 7:26

Nyangnu" gi nya: adang moo lugboem boem moo" zeing du" boem to" ago". Hau: zigi akhid nyid" ju" sho' jo, da:. Houg: yoomo hau: joyoo ri akhid" ju" sho' yau: khe" lang: khung" ga: myheing ago". Hau: thang: Aseing nheig ayoo: loo: nghoid da:.

TARHA" AGYI 8:34

Nyangnu" lheing khoem mo nyangnu" gyivoo yi dangain" bang: lo, mo nyangnu" ri khyoid yu da" nyangnu" Aseing Mangsoo ri adei byid: loo: nghoid ago".