HOSEA 2:14 - Lacid Common Language Bible

¹⁴ Houg: yoomo ngoo gi nyang: ri dain" pyoid yoo khyoo: doem shu" yhi: loo wa. Hau: joyoo moo ngoo gi nyang: ri jheddab dang: khyo" doem tid oung: yu wa.

HOSEA 2:14 교차 참조

APOEM AYANG: 34:3

Nghoid loug myiyi: nu" gi gye" yung" yoomo nyang: hau: myiyi: nu" ri jha" yu" jheddab wigi jhed kang: dang: jha" sang: bye:.

YOBA 36:16

Mangsoo gi nang ri yau: khi" mo shu" thu yu lho: nang ri goem loem tung" nyhid: to" da:. Re" zoobui" moo zoo: noem byeung" sho' boem jo, da:.

SHOLUMON JIKHOIN" 1:4

Nang yo' dage" ngoo ri khe: yu wigi nyha" tang: phang: shang. Nga" khokham bue" lho: ngoo ri re" yab khyoo: shu" loo" we'. Nyha" tang: dage" pyoo: shang. Zabyid yhid: yed sho' shug lho: pyo: nyid shang. Myiyi: myhi' yi dangain" nang ri jheddab zigi ce: moug" cang aboo.

ESAIA 30:18

Nghoid loug we' Aseing gi nanu" ri nheig khyeug yu wa shid re" lang" nyid wa. Nyang: gi khanham we' jo zi koid yoomo nanu" ri nheig khyeug yu wa jen" jen" nghoid da:. Aseing ri khau: nghe: bang: gi ngei pyo: ago".

ESAIA 5:5

«Nga" zabyid khyam: ri ngoo hid su" koid wa zi nghoid. Hau: ziri kyam' lheing to" da" khyam: ri yu pyam wa. Hau: ziri goem loem to" da" vang khyam: ri phyo' khyo' pyam wa. Houg: lho: hau: ziri siyoo gougnyhoug joem ri zoo: nhang: lho: nang: pye" pyam nhang: wa.

YEREMIA 16:14

Aseing tid zigi «Israela byumyu" yiri Egutu mung" mo shu" thu lo da" kangso' dei da" Mangsoo khyo" khanham we' jham' atang: da" bidnyid ju" loo wa.

YEREMIA 2:2

Yerusalem mo byu yugkhang" moo" ri he: lu dang: tid fu" nhang: da:. «Nang ngi shi" uri nang khayhi' jhug zug ziri ngoo se'. Nang gi xang: shi" lo, xo' uri ngoo ri khayhi' jheddab ziri ngoo se' da:. Nang gi dain" pyoid yoo khyo" nga" thang: cang lo da:. Shivoo: asho" yu" da" mougmyid khyo" so" lid: lo" da:.

YEREMIA 45:4

Nghoid loug we' ngoo Aseing gi ngoo zhug too" bye: da" ziri baid phyo' pyam wigi ngoo zhung" to" da" agam ri noid, pyam wa. Ngoo gi he: khyoo: ri mougmyid gyab goin" moo koid wa.

EZEKIEL 20:10

«Houg: yoomo ngoo gi nyangnu" ri Egutu mo shu" thu lo wigi dain" pyoid yoo khyo" shu" loo bye:.

EZEKIEL 20:33

«Ngoo yoem: moo" bo Aseing gi kangso' dei nyid da" Mangsoo nghoid zi deingmain" nyid ziyo' dayhang: ti" ngoo gi nga" nheig yo: ziyo' nanu" atho' moo nga" yoem: bo lo, yo' nga" yoem: so' dangain" wigi vhoeb wa.

HOSEA 2:3

Nyang: atheing: nghoid rigi ngoo gi nyang: ri khu: re" da" bidnyid moo gung cen khu: re" ziyo' dakhyo" ngoo gi nyang: ri byimi khyoid pyam byid: wa. Ngoo gi nyang: ri myid kyug myid gang: yo' dakhyoo" ti" koid pyam wa. Houg: lho: nyang: gi gyid shed lho: shid: lo" byug wa.

MIKHA 1:7

Nya: phoug" tab to" da" soolhoo: joem dangain" ri ajab amoin" bui" sho' khyau" mhoin' pyam byid: wa Noku Yhoem: Moo" khoug: mo shava myhi' yiri byid: to" da" zi joem dangain" ri we' myi: yo' nghe' jhoem" pyam lho: nya: yu phara" soolhoo: joem dangain" gi gyoeb boem too" wa zi nghoid. Samari gi shava myhi' yiri byid: wa shid re" zheing" to" da" he: jonu" dangain" ri akhid" gi nya: gyivoo yi wigi hau: zi joem ri joyoo gootu: mo Noku Yhoem: Moo" shava myhi' yi shid re" de" lo" boem wa nghoid.

MIKHA 4:10

Yerusalem voobyu yi we"- zookhu: wa soin' nyid da" myiyi: myhi' yo' dakhyoo" ti" lang: yhen lho: koug ngau nyid we'. Khasu" wim gari akhid" nanu" gi voomoo" mo phang: thu lo" lho: jang: dam pa: moo nyid ca" goo" wa. Nanu" gi Babelon khyoo: yhe: loo" goo" wa nghoid. Nghoid loug we' Aseing gi nanu" ri hau: jang" mo nanu" da" gyivoo joem da" lo, mo nanu" ri khyoid shu" loo wa zi nghoid.

YOHAN 12:32

Ngoo gi myidjang: tho' moo tu: zhug lhang" to" zi shau" nyid uri Byu dangain" ri nga" jhang khyoo: lang: yu wa zi nghoid ga: tid.

YOHAN 6:44

Ngoori nhang: kaid da" phoo Mangso wigi amhoid" shu" lo rigi hang" we' nga" jang" moo ayo" loo. Nga" jhang ju" loo su: ri ngoo gi lo" thang da" bidnyid moo shid: jang" mo doem dei to'' loo nhang: wa.

Pang Shug 12:14

Hau: myi: yi myhi, gi main jung ni, zeung da" gyi mo loid byoin, loo" sho' soem" zain dakhyam" zung" lhug coung: goem zi shau" wa da" dain" pyoid yoo mo wigi Nya: joyoo khyoo: yo" dang: loo" wa shid re" zoin, bung: zeung da" dung eig khyab, nyang: ri byid: to" zi shau".

Pang Shug 12:6

Myi: yi: myhi, gi nya: shid re" Mangso wigi nyheung too" byid: da" dain" pyoid yoo khyoo: phang: yhe: lo" lho: hau: joyoo moo bidnyid 1260 nyid" ju" sho' nyang: ri coung" goem, zho' jhoug zi shau" nyid.

TARHA" AGYI 19:3

Hau: thang: hau: yug gi nya: thang: khyoo: cang yhi: wa myid phyed lho: nya: jhang doem cang tau" loo wa shid re" yhe: mhid" shu" wa soin' da:. Nyang: gi nya: dei zoo: yo' loo zei: eig du: ri nyang: yo' dage" shu" yhe: da:. Hau: myiyi: myhi' gi Levi byu ri nya: pho yhoem: khyoo: shu" vang yhe: lho: nya: pho hau: yug ri myang lang" ngei bu tung" lhoem: tau yu da:.