HOSEA 2:13 - Lacid Common Language Bible

¹³ Nyang: gi nya: vho: ngei bang: jang cang loo" wa shid re" Bala ri nam pyo: ja: nghe' ngei" byid: lho: phoug" dab sheing: ziyoo void da" uri ngoo ri to" myhed pyam yoomo nyang: ri ngoo yooboo dam byid: wa. Aseing tid abye:.

HOSEA 2:13 교차 참조

2 KHOKHAM 1:2

Israela khokham Ahazia gi Samari mo nya: khokham kho" yhoemkhung: tho' moo jo, da" gyam" tho' mo byid gyo" wigi xoo: sho' dam dab da:. Houg: yoomo nyang: gi nyang: gi wa agi wa ein: ziri si' wa shid re" Ekron voomoo" mo Philisti yi da" yu phara" nghoid da" Balazebu ri yhe: myid: wa shid re" lagyoo: dayham" ri nhang: kaid da:.

2 KHOKHAM 10:28

Hau: zigi Israela mung" mo Bala no' ziri Yehu wigi khasu" shoem" pyam ein: da" khyoo: nghoid da:.

2 KHOKHAM 21:3

Nyang: gi nya: phoo Hezekia wigi phyo' pyam bye: da" tungbau yu phara" ri no' da" joyoo joem ri doem koid da:. Nyang: gi Israela khokham Ahab koid ziyo' dakhyoo" ti" Bala ri noku da" joyoo phoin: joem yo' yu phara" myhi' Ashera da" soolhoo: ri koid da:. Manashe gi kyi: joem ri we' noku da:.

YOBA 8:13

Mangsoo abo da" bang: gi hau: gyidpheing" gam yo' du da:. Mangsoo ri to" myhid pyam lang" nyangnu" da" myid byu khyoo: ci: phyug pyam da:.

COUNG" NGHEI 106:13

Nghoid loug we' nyangnu" gi nyang: koid shug bye: da" moo" zoo" joem ri phyid" za to" myhed pyam byid: boem ziyo' Nya: da" phajhi" byid: khyoo: ri alang" nyid loo: za: koid pyam boem bye:.

COUNG" NGHEI 106:21

Egutu mung" moo nya: da" mau" pho" moo" zoo" joem yo' Nyangnu" ri khyoid yu to" da" Mangsoo ri nyangnu" to" myhed pyam boem bye:.

COUNG" NGHEI 78:11

Nyangnu" gi nyang: koid bye: da" moo" zoo" joem yo' Nyangnu" myang yu" bye: da" mau" pho" alhoo: again' joem ri to" myhed pyam boem bye:.

THU' LO" MOUGSOUG" 32:34

Akhid" yhe: wigi ngoo nang ri tid to" da" hau: joyoo khyoo: byumyu" yiri shu" yhi: we'. Nga" moug: lagyoo: yi nanu" ri lhoug zung" nyid wa ziri boin: soo" nyid we'. Nghoid loug we' hau: byumyu" yiri nyangnu" yooboo shid re" ngoo yooboo dam byid: wa ayo, gi ju" lo nyid bye:» ga: tid.

ESAIA 17:10

Israela we"- nang ri khyoid yu su: yo' geing: teing da" lugboem moo" yo' dayhang: ti" nang ri goem loem byid: su: Mangsoo ri nang to" myhed pyam abye:. Hau: gungthid tungbau yu phara" joem ri no' wa shid re" gyeung" shang: da" bain: khyam: joem ri nang sho" da:.

ESAIA 65:7

Nyangnu" gi bouggung mo tungbau yu phara" no' yhoem: joem moo shoem: nam pyo: ja: nghe' ngei" byid: lho: ngoo ri akhyeing" da" dang: tid ago". Hougsu" yoomo lid lo da" ayo, mo nyangnu" lo, moo" joem shid re" moin: yi" da" yooboo dam nyangnu" ri ngoo byid: wa» ga: tid da:.

YEREMIA 11:13

Yuda mung" byu yigi nyangnu" yo" da" voomoo" joem myhoo' yu phara" joem yo" ago". Houg: lho: Yerusalem moo nyid bang: gi hau: voomoo" moo jo, da" fu" moo" khyoo: joem myhoo' nyang: hau: aco' ajhoid da" Bala yu phara" ri xoin" ngei" byid: wa phoin: joem zhug to" ago".

YEREMIA 18:15

Nghoid loug we' nga" byumyu" yigi ngoo ri to" myhid pyam abye: go". Nyangnu" gi yu phara" soolhoo: joem ri shoem: nam pyo: ja: nghe' ngei" abye: go". Nyangnu" yhi: eung: da" khyoo: moo nyangnu" thung" thue: leung abye: go". Goonham' mo khyoo: ri nyangnu" acang boem loo nghoid ago". Nyangnu" gi aphang to" da" khyoodeing moo so" ago".

YEREMIA 2:32

Zoomyi: nu" gi nya: da" shoung: yhoung wa phoug" dab lug ri myhi' seig gi nya: da" lo, xo' pui" byimi ri lhoung to" myhed yu" la". Nghoid loug we' nanu" gi bidnyid atho' nghab loo sho' ngoo ri to" myhed pyam ago".

YEREMIA 23:2

He: zigi nya: byumyu" yiri yu" goin coung: byid: da" vhoebkhang" bang: yo' sen: wigi Israela Aseing Mangsoo tid to" zi nghoid da:. Hau: zigi «Nanu" gi nga" byumyu" yiri agoin' coung: byid: nghoid ago". Nanu" gi nyangnu" ri abyoo asain" koid pyam wigi khaid lham' pyam da:. Akhid" ngoo gi nanu" koid lo da" akhyeing" da" lo, moo" shid re" yooboo dam byid: loo wa.

YEREMIA 7:34

Hau: mougmyid gi dain" pyoid yoo bue" jo, wa Yuda voomoo" joem akhoug: moo yo' Yerusalem mo fu" mo" khyoo: joem mo gau yi thui:- ngei pyo: thui: yo' lo, xo' pui" joem mo thui: joem ri thang lo" byug nhang: wa.

YEREMIA 7:9

Nanu" gi khau" zo:- byu said- myi: shoid lang shoid- jham' tang: wigi mhau'- Bala ri xoin" ngei" byid:- nanu" shid phyang" khanham we' ase' lo da" yu phara" joem ri no' ago".

NGOUG JI: 1:4

Hau: gyeung" shang: da" bidnyid moo: Noku Yhoem: Moo" khyoo: akhid" gi hang" are" noku lo: boem nghoid ago". Hau: joyoo moo: jikhoin" lhoung khoin" da" myiyi: nu" yi dayam dayoo: shoug" lho: khainjung yigi noo kyeing" za: dakyeung" nyid. Voomoo" khoem" joem we' akoem: dajo, jo,. Houg: yoomo Ziun gi nheig koug nheig nge nyid.

NGOUG JI: 5:14

Mang: zoo: yigi voogung khoem" moo" duang: moo: azhoung: jo, boem loo:. Zoolu: yigi coung" nghei' thui: ri ayhang: loo: nghoid ago".

EZEKIEL 16:12

Ngoo gi nang ri nhooxei" xei" byid: wigi yung" da" bidmug zhung" byid: bye:.

EZEKIEL 16:17

Nang gi nang ri ngoo byid: da" ngei yo' sheing: zi joem ri yu wigi yuggi alhoo: joem koid wa shid re" ci: pyam lho: houg: joem yo' myi: shoid lang shoid moo" koid da:.

EZEKIEL 22:12

Re" byumyu" yi mo dayham" gi aphoug" yoo" wa shid re" byu said da:. Dayham" gi nyangnu" da" Israela byumyu" nyang: cang" ngei jhid" byid: lho: atu" amyaid yu zo: ago". Houg: bang: jang" mo atu" amyaid yu nyid lho: nyangnu" yoo" zoo: yoo" shug lo ago". Nyangnu" ngoo ri to" myhid pyam bye:». Yoem moo" bo Aseing tid bye:.

EZEKIEL 23:35

Akhid" he: zigi yoem: moo" bo Aseing tid nyid zi nghoid. «Nang gi ngoo ri to" myhid pyam lho: ngoo ri nungthang phug pyam boem yoomo nang gi re" mhain: myid yo' shava myhi' moo" zoo" gang mo yau: khe" kyi" khyeug zi shoug" wa.

HOSEA 11:2

Nghoid loug we' ngoo nyang: ri je khi: lang" nyang: gi nga" jang" mo je lheing: phug lo" da:. Nga" byu yigi Bala ri xoin" ngei" byid: da:. Nyangnu" gi soolhoo: joem ri nam pyo: ja: nghe' ngei" byid: da:.

HOSEA 13:1

Lid loo bye: da" ayo, moo Ephrim kung: bang: dang: tid da" uri Israela mo goo" kung: bang: gi gyoug ago". Nyangnu" gi Ephrim kung: bang: ri coem' nghang yu" ago". Nghoid loug we' hau: byumyu" yigi Bala ri no' lho: yooboo shoid ago" Houg: lho: he: gang mo nyangnu" shid: shoug" loo goo" wa.

HOSEA 13:6

Nghoid loug we' mougmyid ge jang" khyoo: vang yhe: lo" lho: nanu" gi gye" shoug" zo: ziyo' nheugshid: nheugdeug boem lang" nghoid boin re" wigi ngoo ri to" myhed pyam abye:.

HOSEA 2:7

Nyang: gi nya: vho: ngei bang: jang" khyoo: cang khaid yhi: wa nghoid loug we' nyangnu" ri cang myhi: wa zi anghoid. Nyang: gi nyangnu" ri cang sho: nghoid loug we' nyangnu" ri ashoug" wa. Hau: thang: nyang: gi «Ngoo gi xang: shi" mo nga" yhoem: seing: pho jang" khyoo: doem tau" loo" wa. Ngoo gi nyang: yo' dage" nyid zigi akhid" tho' mo je ge da» ga: tid loo wa.

HOSEA 4:13

Nyangnu" gi boem gung joem mo gyeung" shang: joyoo cang xoin" to' byid: ago". Houg: lho: nyangnu" gi bouggung tho' moo yug da" myhang: lho: afu' mung" da" seiggam joem yang: moo nam pyo: ja: nghe' ngei" ago". Ciwim ga ri bid shoem: gye pyoo: yoomo nghoid. Hau: da" akyu" gi nanu" da" myiyi: nu" yigi shava myhi' khyo" dei byid: ago". Houg: lho: nanu" da" dumoo" yigi myi: shoid lang shoid ago".

HOSEA 4:6

Nga" byumyu" yigi joem: lo" boem bye:. Ciwim gari nyangnu" gi ngoo ri ayhen: yu nghoid ago". Khainjung yi nanu" gi ngoo ri yhen: yu wa he: pyam lho: nga" jhoug" shed khyoo: ri ngeug pyam abye: go". Houg: yoomo ngoo gi nanu" ri ngeug pyam lho: nanu" da" yuggi zoo: yiri we' nga" da" khainjung yi khyo" ayhen: yu wa.

HOSEA 8:14

Israela byumyu" yigi khokham kho" ri zhug to" ago". Nghoid loug we' nyangnu" gi nyangnu" ri phain" so: too" su: ri to" myhed pyam abye: go". Yuda byumyu" yigi gye" geing: da" voomoo" joem ri de: to" ago". Nghoid loug we' ngoo gi nyangnu" khokham kho" joem yo' voomoo" joem ri nghe' pyam wa myi: ri nhang: khyo' kaid wa.

HOSEA 9:7

Yooboo dam byid: wa ayo, gi ju" loo bye:. Hau: byumyu" yi nyangnu" shoug" kham zoo: wa moin: yi" zi yo" yu wa ayo, ju" bye:. Hau: zi bue" lo uri Israela byumyu" yi hau: khyoo: ri si' goo" wa. Nanu" gi «He: Lapi: phoo gi koo" su: nghoid da:. He: Venyi yoem boo su: gi suid" byo, da» ga: tid ago". Byu nanu" gi nanu" da" yooboo sung gyi: yoomo ngoo ri ngheing" ago".

AMO 8:10

Ngoo gi nanu" da" pyoo: pui" joem ri shid: pui" bue" byug nhang: lho: nanu" da" jihkoin" thui: joem ri we' koug ngoug thui: joem bue" lo" byug nhang: wa. Ngoo gi nanu" da" vhuloem joem ri vhu" pyoid pyoid pyam nhang: wa wigi jid: moo" byimi ri void ci: nhang: wa zi nghoid. Hougsu" nanu" gi yug gi nu" zooti" zoo: shid: yoomo koug ngoug nyid da" myhi' phoo tang: yhang: ti" bui" loo" nhang: wa. Hau: bidnyid gi lo" thang moo ju" sho' youg: khe" nyid wa zi nghoid.

TARHA" TID POIN" 32:18

Nyangnu" gi nyangnu" da" Mangsoo nyangnu" da" myhang: thang khyoid yu Aseing nyangnu" ri kangso' byid: yug ri to" myhid pyam ago".

TARHA" TID POIN" 6:12

nanu" join bue" nyid lo da" Egutu mung" mo nanu" ri khyoid yu da" Aseing ri ato" myhed wa shid re" lhid' nyid ge'.

TARHA" AGYI 10:6

Israela byumyu" yigi Bala yo' Astarte yu phara" joem ri Suri mo yu phara"- Sidon mo yu phara"- Moba mo yu phara"- Amon mo yu phara"- Philisti mo yu phara" joem ri no' yhang: ti" nyang: no' wigi Aseing ri thougtheung yooboo dalheing: doem shoid ago". Nyangnu" gi Aseing ri she: pyam lho: nyang: ri noku jang" mo theing: pyam boem.

TARHA" AGYI 3:7

Israela byumyu" yigi nyangnu" Aseing Mangsoo ri to" myhed pyam ago". Nyangnu" gi nyang: ri yooboo shoid thougtheung wigi Bala yo' Ashera yu phara" joem ri no' ago".

1 SAMUELA 12:9

Nghoid loug we' byumyu" yigi nyangnu" Aseing Mangsoo ri to" myhid pyam boem yoomo nyang: gi Philisti byumyu" yi lo, moo we' Moba khokham da" lo, moo we' Hazora voogung mo da" gyizoug: Sisera lo, moo we' ab byid: pyam wigi nanu" da" phoug" phyid" yiri meing: zain: lho: nyangnu" ri oung: lo" pyam nhang: boem bye:.