HOSEA 2:12 - Lacid Common Language Bible

¹² Nya: da" vho: ngei bang: ri nyang: wigi dei byid: da" aphoug" khyo" nyangnu" wigi byid: to" zi nghoid ga: tid da" nya: zabyid nei joem yo' nya: lafoem shigam joem ri ngoo phyo' shoin' pyam byid: wa. Ngoo gi nya: da" zabyid khyam: joem yo' shi" khyam: joem ri siyoo bui" nhang: pyam wa. Siyoo gougnyhoug joem wigi hau: gu: ri phyo' shoin' pyam byid: loo wa.

HOSEA 2:12 교차 참조

COUNG" NGHEI 80:12

Hau: ziri kyam, lheung to" da- khyam: joem ri nang gi ce noem koid ein: phyo' pyam nyid lha" akhid" gi he: da" khyoo: khyo" lid loo" mo, hang" we' hau: zabyid shi" ri shoug" khau" phyo nyid boem abye: ago".

ESAIA 29:17

Dang khyang" moo seig moo" yoo gi atung" myang" ri tung: yoo bue" lo wigi tung: yoo gi seig moo" yoo bue" loo wa ga: tid ziyo' dakhyoo" ti" nghoid da:.

ESAIA 5:5

«Nga" zabyid khyam: ri ngoo hid su" koid wa zi nghoid. Hau: ziri kyam' lheing to" da" khyam: ri yu pyam wa. Hau: ziri goem loem to" da" vang khyam: ri phyo' khyo' pyam wa. Houg: lho: hau: ziri siyoo gougnyhoug joem ri zoo: nhang: lho: nang: pye" pyam nhang: wa.

ESAIA 7:23

«Hau: ayo, ju" loo lang" zabyid nei dakhyeing" yug da" zabyid khyam: dakhyam: ri ngei dakhyeing" byid: da" zabyid khyam: gi joem gi zu: gam yo' zu: kyen: pung joem yug se: nghoeb jo, wa.

YEREMIA 13:26

Aseing nyang: nanu" ri byimi khyoid pyam byid: lho: nanu" ri sho' phu" nhang: loo wa.

YEREMIA 26:18

«Hezekia Yuda khokham koid nyid uri Moreshed mo lapi: Mikha gi Myhang: thang Aseing tid da" khyoo: ri byumyu" yiri tid kyo". Hau: zigi ‹Ziun gi yoothung" yhang: ti" phug se: pyam zi shoug" wa. Yerusalem gi byo, yoin" jo, boem wa Houg: lho: Noku Yhoem: Moo" gi seig moo" yoo bue" byug wa› ga: tid.

YEREMIA 5:17

Nyangnu" gi nanu" da" shivoo: shiloem joem yo' zoo: noem joem ri lhoid zo: pyam loo goo" wa. Nyangnu" gi nanu" da" yuggi zoo: myiyi: zoo: yiri said pyam loo goo" wa. Nyangnu" gi nanu" da" coid kyung yang kyung yo' nu: kyung joem ri said pyam wigi nanu" da" zabyid nei joem yo' lafoem' gam joem ri phyo' shoin' pyam byid: goo" wa. Nanu" loem khau: nyid da" gyidab voomoo" joem gi nyangnu" gyidab wigi phyo' shoin' pyam zi shau" boem wa.

YEREMIA 8:13

«Yoo zei: su: gi nya: shivoo: shiloem joem ri zheing" yu yhang: ti" ngoo gi nga" byumyu" yiri khe: zheing" yu nau. Nghoid loug we' nyangnu" gi zabyid shi" azei: da" zabyid nei- lafoem shi" azei: da" lafoem gam yhang: ti"- afu' lang" nyhau" byug bye: zi yhang: ti" nghoid da:. Houg: yoomo ngoo gi tunggung mo gooji bang: yiri hau: mougmyid ri seing: yu nhang: pyam bye:» ga: tid da:.

HOSEA 13:8

Ngoo gi nya: zoo: ci phyug pyam da" voem myhi' yo' dayhang: ti" nanu" ri gyi khaid koid lho: nanu" ri ngo wigi lang: ceig khyam" pyam wa. Ngoo gi khangkhyi dadu: yo' dayhang: ti" nanu" ri hougmoo: nyang: zo: pyam wa. Houg: lho: ngoo gi siyoo gougnyhoug yo' dayhang: ti" nanu" ri adu du lang: ceig khyam" pyam wa.

HOSEA 5:14

Ngoo gi Israela yo' Yuda byu yiri khangkhyi dadu: yo' dakhyo" khaid zain: wa. Nyangnu" ri ngoo nyang: nyang: wigi adu du lang: ceig pyam lho: nyangnu" ri too" khoo' wa. Nyangnu" ri ngo wigi she: khyoid lo" ri hang" wigi we' ayo" khoid yu wa.

HOSEA 9:1

Israela byumyu" yi we"- Tungbau byu yi yhang: ti" nanu" da" pui" koid ziri theing: pyam we'. Nanu" gi nanu" da" Mangsoo mo phug lo" wigi nyang: ri jhug azhug loo: nghoid ago". Dameing: goin" moo nanu" nya: gung ri shava myhi' yo' dakhyo" Bala yu phara" ri oung" zo: pyam abye: go". Houg: lho: nyang: ge' nanu" ri byid: zi ga: myid jho: da" shivoo: ri jheddab abye: go".

MIKHA 3:12

Hougsu" wigi nanu" yoomo Ziun gi yoothung" yhang: ti" phug sain" pyam zi shoug" wa. Yerusalem gi byo, yoin" jo, wa gyeung" shang: da" Noku Yhoem: Moo" bouggung we' yooyang" no, bue" loo" wa.