HOSEA 14:9 - Lacid Common Language Bible

⁹ Phajhi" juyhi: bo mo, gi hid: moo lhid" to" ziri se' gyo: yu lho: nyangnu" nheigloem: khoug: moo xoem" yu goo" baja". Aseing da" khyoo: joem gi jo da:. Houg: lho: deingmain" bang: gi hau: joem ri cang lho: dei nyid ago". Nghoid loug we' yooboo yoo" bang: koem' gi hau: joem ri cishu: anhang: yoomo khyid: vhu" thung" wigi leung lo" ago".

HOSEA 14:9 교차 참조

APOEM AYANG: 18:25

Nang gi deing" deing nyang: yooboo ayoo" mo, ri yooboo yoo" mo, yo' dage" said pyam wa su: anghoid. Nang gi hougsu" koid wa su: anghoid. Nang to' koid nghoid rigi yooboo ayoo" mo, gi yooboo yoo" mo, yo' dage" shen" yhen shau" boem wa nghoid. Hougsu" gi koid wa anghoid. Moug: gyab goin" mo tarha" agyi gi deing byeung" khyo" koid wa zi nghoid» ga: tid.

YOBA 17:9

Phoug" myang: wa moin: yi" ga: tid fu" bang: gi Nyangnu" jo, ga: je je myid loem lo da:.

COUNG" NGHEI 107:43

Phajhi" boo bang: gi he: moo" zo" da" akhyoo" ri myid soin: yu" nyid goo" baja". Nyangnu" gi Aseing da" geung: teung jhed khyeing: kang khyeing: ri myid yu" nyid goo" baja" o".

COUNG" NGHEI 119:128

Houg su' nghoid yoomo re" da" khyoo: shed dang: khoin" joem dangain" ziri ngoo cang pyeung nyid shoid vhang: khyoo: dangain" rigi ngoo ngheung" nyid.

COUNG" NGHEI 119:75

Aseing we"- re" da" tarha" dang: phyed nyid khyoo: gi deingmain" nyid ziri ngoo se' nyid. Nang gi dang: zung" su: nghoid yoomo ngoo ri shen" yhen nyid zi nghoid.

COUNG" NGHEI 84:5

Re" jang" mo yoem vhoo" yo" yu wigi Ziun boem khyoo: noku do, loo" wa shid re" nheigloem: zhu: nyid mo, gi khayhi' ngilho' nyid lha".

COUNG" NGHEI 84:7

Nyangnu" gi so" yhe: lo" zoo" re- yoem so, je" yo" yu lo nyid boem. Ziun boem tho' moo phara" yi da" Mangsoo ri nyangnu" lo" shau" myang boem wa zi nghoid.

DANG: ZHOEM 10:29

Aseing gi deingmain" mo, ri lhoug zung" goem coung: byid: nyid nghoid loug we' anghoid akhuang koid mo, rigi phyo' shoin' pyam wa zi nghoid.

DANG: ZHOEM 16:21

Ung: yeig phajhi" boo su: lang" gi nyang: se gyoo: yoomo coem phau" myang: zi shau" da:. Nyang: tid da" dang: thui: gi je gyoo: lang- nyang: wigi byu ri je yo" lang: zheung" nyid.

DANG: ZHOEM 4:18

Deing: byeung" bang: da" kangso' gyung: khyoo: koem gi bidxain" so' su" nghoid nyid hau: zigi bidnyid" gung tu: lo yo, ti" je" je bang young" ju" lo nyid.

ESAIA 1:28

Nghoid loug we' yooboo koid bang: yo’ nyang: ri thougtheung gyi koid bang: yugkhang" moo" rigi khyoeb mhoin’ pyam loo wa. Nyang: ri she: pyam bang: yugkhang" moo" ri nyang: said pyam loo: wa.

ESAIA 17:8

Nyangnu" nya: lo, wigi koid to" da" phoin: joem ri nyangnu" anghi: loo wa. Nyangnu" lo, wigi koid to" da" yu phara" myhi' Ashera da" soolhoo: joem yo' shoem nam pyo: ja: nghe' ngei" da" phoin: joem ri aloem akhoug: loo: nghoid ago".

ESAIA 26:7

Aseing we"- byugi yi shid re" khyoo: ri jhoid jhoid young" young" zi koid bye: da:. Nyangnu" so" da" khyoo: ri dam dam koid byid: da:.

YEREMIA 29:12

Houg: lang" nanu" ngoo ri yoid loo goo" wa. Nanu" nga" jhang re" wigi akyu" mho' loo goo" wa. Houg: lho: ngoo nanu" ri tu" byid: wa.

YEREMIA 9:12

Ngoo gi «Aseing we"- hau: mougmyid gi ciwim yoomo byu alid: da" dain" pyoid yoo yhang: ti" jham" coug: youg bue" byug loug la". He: ziri yo" se' gyoo: sho' hang" phajhi" se' la". Subi gootu: ri doem yo" xo' tid kyoo" wa shid re" hang" ri nang tid kyo" yu" la"» ein: myid: bye:.

EZEKIEL 11:18

Nyangnu" doem tau" loo lang" nyangnu" gi nyangnu" shoug" yu da" aco' ajhoid anyhoin: athung" da" yu phara" soolhoo: joem ri she: lhei" pyam ca" goo" wa.

EZEKIEL 18:25

«Nghoid loug we' nanu" gi ‹Aseing koid zi ajoo nghoid da› ga: tid ago". Israela nanu" we" nga" dang: ri tam" gyoo: we'. Ngoo koid ziri ajoo ein: myid jho: nyid go" rhe". Ajo zigi nanu" da" khyoo: nghoid boem ago".

EZEKIEL 36:25

Ngoo gi nanu" da" jang" moo gyid gyeing: yo' pyi: sain" wigi nanu" ri nanu" da" yu soolhoo: joem dangain" mo yo' nanu" ri ayung" alho' bui" nhang: da" gootu: ja: khang" moo" mo younglho' loo nhang: wa.

DANIELA 12:10

Byu myoo" sho' bang: gi kyeing sain' pyam byid: zi shau" boem wa. Akhyeing" ashoeb bang: gi ase' gyoo: goo" wa. Nghoid loug we' nyangnu" gi akhyeing" ashoeb moo" ri zei: nyid boem goo" wa. Phajhi" boo bang: kyeing dase' gyoo: goo" wa.

ZEPHANI 3:5

Hougsu" nghoid loug we' Aseing gi hau: voomoo" khoug: moo akhid" danyid shi". Nyang: gi deingmain" da" khyoo: ri koid lho: shoid vhang: khyoo: ri khanham we' akoid su: nghoid. Nyang: gi nab soin: khang" moo" nya: byu yi jhang khyoo: tarha" nyeung veung" khyoo: ri ci: ri" byid: nyid. Nghoid loug we' adeing amain" da" byu yigi sho' asi' loo: za: shoid vhang: khyoo: ri daxo' koid nyid ashi" ga:.

ZEKHARIA 10:6

«Ngoo gi Yuda byumyu" yiri yoem: bo jo, nhang: wa nghoid. Israela byumyu" yiri khyoid yu wa. Ngoo gi nyangnu" ri nheig khyeug yoomo nyangnu" dangain" ri yhoem: khyoo: doem shu" tau" yu wa zi nghoid. Nyangnu" gi ngo wigi khanham we' angeug pyam' yu" da" mo, yo' dakhyoo" ti" nghoid wa. Ngoo gi nyangnu" da" Aseing Mangsoo nghoid- nyangnu" da" akyu" mho' thui: joem ri tam" gyoo: byid: nyid wa zi nghoid.

MATHE 11:19

Byu da" nya: zoo: gi zo: shug lho: re" ri we ‹Yu" ge, he: yug gi zo: myo, no su:- zabyidd" shug lid: su: nghoid- Kheing" khyu: zoo: mo, yo' yooboo yoo" mo, da" bidnoem phoo nghoid› ga: doem tid ago". Nghoidsho' loug Mangso da" phajhi"- deung main" khyoo: rigi Hau: phajhi" zei: thu' lo da:- nya: ashi" yo" sagsi: toin" shid' nyid» ga: tid.

LUKA 2:34

Simun gi nyangnu" ri mainkaid byid: lho: Israela byumyu" moo byo, yoin" joem: thang loo" mo, yo' khyoid yu shau" mo, po" thu' loo wa shid' re" He: zoonu" ri Mangsoo khyen: nyheing too" bye. Nyang: gi Mangso da" thang" cab alhoo: nghoid wigi nyang: ri byu myoo" sho' mo, ngeig se: yooboo foin: khyo" nyangnu" nya: da" nheigloem: mo myid khyoo: ri thoid shug goo" wa.

LUKA 7:23

Ngoori aloem" shoid su: gi ngi lhoo wa" ga: wigi Yohan da" cangzoo: yi ri phed: kyo.

YOHAN 15:24

Gyeing" nyang: ngoo gi goo" ji hang" we' akoid; da" moo" joem ri nyangnu" da" shid' moo akoid; shug loo: nyid rigi nyangnu" moo yooboo aboo wa zi nghoid. Akhid" koem gi nyangnu" gi ngoo koid; shug da" moo" ri myang boem bye. yoomo ngoori we' nga" phoo ri we' ngheing" boem bye.

YOHAN 18:37

Pilaid khokham" gi houg: su" nghoid rigi ‹‹Nang gi khokham" nghoid la".» ga: myid. Aseing Yesu gi Ngoo gi nang tid ziyo' dakhyoo" ti"- khokham" nghoid. Ngoo gi deung main" da" tarha" ri kho" kyoo" baja" ga: khu: re" lho: he: mougmyid moo gyoo" lo zi nghoid. Deungmain" da" tarha" yo" sen: mo, dangain" gi nga" da" dang: ri tam" gyo: ago" ga: tid kyo.

YOHAN 8:47

Mangso jhang" mo ju" ri" su: gi Mangso da" dang: ri tam" gyo: nyid nghoid loug nanu" gi Mangso jang" mo anghoid boem yoomo atam" gyo: zi nghoid ago".

YOHAN 9:39

Aseing Yesu gi-myo, amyang mo, ri myo, myang nhang: wa ziyo'- myo, myang mo, myo, jed' loo" wa shid' re" dang: phyed' byid: wa he: mougmyid khyoo: ngoo ju" re zi nghoid ga: tid.

ACTS 13:10

Satan yu da" nya: zoo: we" - nang gi deingmain" ziyo' ge, da" khyoo: dangain" da" gyivoo- akhyeing" ashoeb, mhau' fain" vo, khyoo: yo' to' za: byeung" jo, da" byu nghoid da- nang gi khanham we" Aseung: da" deingmain" khyoo: ri mhau' fain" vo, dang: bui" sho' koid su: nghoid.

Roma 7:12

Houg: yoomo Moshe da" tarha" gi gyeungshang: lho: hau: dangkang: gi gye ge gyeungshang: deingbyeing.

TARHA" TID POIN" 32:4

Aseing gi nanu" da" myhang: thang da" goem loem yu su: nghoid. Nyang: gi khyoo: khaid khang" moo" mo joeb byeung" ziyo' tarha" nyeung veung" da:. Nanu" Mangsoo gi jhug zug ziyo' deingmain" da:. Nyang: gi jo ziyo' tarha" ziri koid da:.

Pang Shug 15:3

Nyangnu" gi Mangso dei zoo: Moshe yo' Yang nu" da" shid khoin" moo zheung: yab, jo, boem wigi " Moug: thu' xang: poin: mo wigi danyid nyid da" Mangsoo we"- Nang koid da" moozoo" gi gyi: thang lho: mau" pho" zi nghoid nyid nhung: Byumyu" yi bain' sho mo, da" Khokham" phoo we"- Re" da" moozoo" joem gi jo ziyo' deingmain" zi za: danghoid nhung:.