HOSEA 14:4 - Lacid Common Language Bible

⁴ Aseing gi «Nga" byumyu" yiri nga" jhang khyoo: doem shu" yu wa. Ngoo gi nyangnu" ri nga" nheigloem: ung: khoug: dangain" yo' jheddab wa. Nyangnu" ri ngoo khanham we' nheig ayoo: loo: wa.

HOSEA 14:4 교차 참조

COUNG" NGHEI 10:14

Nghoid loug we' nang ri gyoug nain" khyoo: yo' phu" zo: khyoo: ri myang se' lho: pang" thoug yu wa shid re" khanham we' nyheung soin, too" gu nghoid. Pang" thug wa zi ayoo" su: gi nyang: gung nyang: nang moo: ab lang- nang gi: ca" yo nyid mo, ri khanham we' pang" thoug nyid.

COUNG" NGHEI 20:8

Houg: bang: gi thoem: tho: jhoid leung lo" boem wa nghoid loug we' ngoonu" koem gi to' wigi geung: geung: teung teung yab jo, boem wa nghoid.

COUNG" NGHEI 78:38

Nghoid loug we' Mangsoo gi nyang: byu yiri nheug khyeug nyid. Nyang: gi nyangnu" ri atoem" pyam loo: za: nyangnu" da" yooboo joem ri: khyoid pyam byid: lho: nyang: gi nya: nheigloem: nge" khyoo: ri myoo" sho' lheing: jham" loo" nhang: wigi nyang: nheug yo: khyoo: ri zeung: pyam nyid.

THU' LO" MOUGSOUG" 15:26

Nyang: gi «Ngoo jo ein: koid ziri nanu" phau" myang: wigi nga" amyeing" dang: ri cang yhe: nghoid rigi ngoo nanu" ri Egutu byumyu" yiri tab byid: da" noophyoo" joem yhang: ti" yooboo dam abyid: wa nghoid. Ngoo nanu" ri noophyoo" mo gi nhang: da" Aseing nghoid» ga: tid.

ESAIA 12:1

Meing: byu yigi coung" nghei jikhoin" khoin" da" ayo, ju" loo wa. Hau: zigi Aseing we" ngoo gi nang ri coung"- nang gi ngoo ri nheig yo da:. Nghoid loug we' akhid" nang ngoo ri nheig teing byid: wigi nheig ayoo: loo: nghoid da:.

ESAIA 55:1

Aseing tid zigi «Gyid shid bang: yugkhang" moo" we' ri" ge' gyid hid: moo: jo,. Ngei ayoo" bang: we"- ri" ge'. Shivoo: qei wigi zoo: ge'. Ri" ge'. zabyid yhid: yo' nunoug" re" qei shug ge'. Hau: zigi nanu" shid re" ce: aphoug" aca" nghoid da:.

ESAIA 57:18

«Nyangnu" khasu" koid lo ziri ngoo myang bye:. Nghoid loug we' nyangnu" ri ngoo byang" gi byid: wa. Nyangnu" ri ngoo shu" wigi pang" thoug byid: wa. Koug ngau nyid bang: ri ngoo nheig teing byid: wa.

YEREMIA 14:7

Nga" byumyu" yigi ngoo ri nyho: yoid ago". ‹Ngoonu" da" yooboo joem gi ngoonu" ri yooboo zhug nghoid loug we' Aseing we"- nang dangsoo" byid: too" byid: ziyo' dayhang: ti" ngoonu" ri pang" thoug yu la. Ngoonu" gi nang mo vi: khyoo: myoo" sho' lheing: lheing: phug lo" boem bye:. Ngoonu" gi nang ri thougtheung yooboo koid boem bye:.

YEREMIA 17:14

Aseing we"- ngoo ri byang" byid: la- houg: lang" ngoo bain sho' ge byug wa. Ngoo ri khyoid yu la- houg: lang" bain sho' goem loem zi shoug" wa. Nang gi ngoo wigi coung" byid: su: nghoid.

YEREMIA 3:22

Aseing mo lheing: phug loo" bang: nanu" dangain" doem tau" loo we'. Nyang: gi nanu" noo byang" byid: lho: jhug zug nhang: loo wa. Nanu" tid zigi «Nghoid bye:. Nyang: gi ngoonu" da" Mangsoo nghoid yoomo ngoonu" gi Aseing jhang loo" wa.

YEREMIA 31:20

Israela we"- nang gi nga" da" jheddab thang da" yuggi zoo: Nga" jheddab thang da" zooshang: nghoid da:. Re" myeing ri ngoo tid khang" moo" jheddab myid yo' ngoo nang ri myid da:. Nga" nheigloem: nang yo' dage" nghoid wigi nang ri ngoo nheig khyeug byid: wa.

YEREMIA 33:6

Nghoid loug we' he: voomoo" ri yo' hau: da" voobyu yiri byang" byid: wigi nyangnu" ri doem yang" zain: loo nhang: wa. Ngoo gi nyangnu" ri agoin agoo" ngei pyo: yug yo ziyo' goem loem khyoo: ci: shug byid: wa.

YEREMIA 5:6

Hougsu" yoomo siyoo mo khangkhyi gi nyangnu" ri said pyam loo wa. Dain pyoid yoo mo zeigni joem gi nyangnu" ri adu du ngaid phyed ceig pyam loo wa. Houg: lho: zooloo: joem gi nyangnu" da" voogung joem moo shoo: zo: lam" yen" loo goo" wa. Hau: byumyu" yi so" thu lo" nghoid rigi nyangnu" agang gang lang: khyam" pyam zi shoug" wa. Ciwim gari nyangnu" da" yooboo joem gi sung myo: wigi Dalheing: thang: dalheing: nyangnu" gi Mangsoo mo lheing: thu lo" ago".

YEREMIA 8:22

Gilead moo macid" ajo, rhe". Houg: moo macid" sara: voin: anyid goo" rhe" Houg ri ciwim yoomo nga" byumyu" yiri noo abyang" go" la".

EZEKIEL 33:14

Ngoo gi akhyeing" su: dayug ri shid: wa ein: tid poin" too" nghoid loug we' nyang: gi yooboo shoid nyid ziri theing: pyam lho: jo ziyo' ge da" khyoo: ri koid lo nghoid ri

EZEKIEL 36:36

Houg: lang" ashid: loo: nyid deing da" aqei: ayam mo yhoem: kyoo" cang" byumyu" yigi byo, yoin" loo" bye: da" voomoo" joem ri ngoo Aseing doem zhug to" lho: se: coid da" yoothung" joem ri doem phoug zhung" to" ziri se' loo goo" wa. Ngoo Aseing gi hid: su" koid wa ein: dangsoo" byid: too" bye:. Houg: lho: ngoo gi koid nyang: koid wa.

HOSEA 11:7

Nyangnu" gi jhen" gi gi ngoo mo vi: khyoo: da tau" phang: lo" ago". Nyangnu" adang moo kyoug: voin vu, ci yoomo ngoo ri nyho: yoid loo goo" wa. Nghoid loug we' hau: yoovoin joem ri hang" wigi we' atu: pyam byid: wa.

HOSEA 2:19

Israela we"- ngoo nang ri nga" yhoem: seing: myhi bui" nhang: wa. Ngoo gi deingmain" wigi jhug zug wa. Ngoo gi nang ri abei abyo, da" jheddab myid yo' nheig khyeug ziri ci: shug byid: wa. Houg: lho: nang ri apyaid atoo: moo nga" re" bui" nhang: wa.

HOSEA 6:1

Byumyu" yigi «Aseing jang" khyoo: doem tau" lo" boem shang. Nyang: gi ngoonu" ri dam tab bye:. Nghoid loug we' nyang: gi ngoonu" ri gyeing" nyang: yo" ze: gi byid: wa. Nyang: gi ngoonu" ri dam joem: tab abye:. Nghoid loug we' nyang: gi ngoonu" da" dam joid ri pain" cu' thoeb byid: loo wa anghoid rhe".

ZEPHANI 3:17

Re" da" Aseing Mangsoo gi nang yo' dage' nyid nyid bye:. Nya: yoem: so' gi nang ri oung: doid loo" nhang: wa nghoid. Aseing we" nang moo nheugshid: nheugdeug nhang: ziyo' nya: jheddab da" nheigloem: khyo" nang ri kangso' aseig byid: wa Byumyu" yigi pui" zeing moo ngei bu: nyid boem yhang: ti" nyang: gi re" tho' moo ngei bu: jikhoin" khoin" loo wa nghoid. Aseing tid nyid zigi byuxuid" vooyoem: khyoo: gi thang lo" lho: re" da" sho' phu" khyoo: ri shang: pyam byid: bye:.

GYUNG: SOO" 25:11

«Phineha koid da" moo" zoo" yoomo Israela byumyu" yiri ngoo anheig yoo: loo:. Nyang: gi ngoo mo lid wigi gootu: yu phara" ri anoku nau nghoid da:. Houg: yoomo nyangnu" ri nga" nheig yo: ziyo' aphyo' shoin pyam loo: wa.

GYUNG: SOO" 25:4

Moshe ri «Israela vhujhung: yi dangain" ri khe: yu lho: nga" amyeing" dang: tam" gyo: khyo" nyangnu" ri nyid" dang: gung ri said pyam we'. Houg: lang" hau: byumyu" yiri ngoo nheig ayoo: loo: wa» ga: tid.

Roma 3:24

Xangsu: byu yi ri yooboo mo loid' byoin loo: nhang: da" Khristu Yesu khyo" Mangsoo: gi ce: phoug" asang: da" jeju" jhung: shug khyo" wigi xangsu: byu yi ri deing byeung" mo ga: lhoem: kham: yu bye.

Ephesu 1:6

Nyang: jheddab da" nya: zoo: khyo" wigi aphoug" amho, loo: ngoonu" ri byid: da" jeju" jhung: shug yoomo phung" yoeb, bo da" nya: jeju" ri coung" nghei boem shang.

2 TIMOTHI 1:9

Mangsoo gi nyhang" koid bye: ge, da" moozoo" aja: ja: yoomo anghoid loo: za: nyang: myid nyeung soin' to" khyoo: yo' jeju" khyo" ngoonu" ri khyoid yu lho: nya: da" byumyu" bue" loo wa shid re" khe: yu to" zi nghoid bye. Nyang: gi moug: aphain" myid' aphain" shi" mo nyang:- Khristu Yesu khyo" wigi hau: jeju" ngoonu" ri byid: too" bye.

TITU 3:4

Nghoid loug we' ngoonu" da" khyoid' yu Aseing: Mangso da" jeju" yo' athang agoin da' nheigloem: thu myhang lo da" uri gi