HOSEA 14:3 - Lacid Common Language Bible

³ Asuri gi ngoonu" ri khasu" we' ayo" khyoid yu. Gyi khaid myang: joem gi ngoonu" ri ayo" goem loem byid:. Ngoonu" da" soolhoo: joem ri ngoonu" da" Mangsoo nghoid ein: khanham we' adoem tid loo wa. O" Aseing we"- Nang gi hang" jhang adoem se' tau" loo bang: ri nheig khyeug myid ci: shug byid: da:.

HOSEA 14:3 교차 참조

2 KHOKHAM MHOOMYID: 16:7

Hau: ayo, moo Lapi: Hanani gi khokham Asa jhang yhe: wigi «Nang gi Aseing Mangsoo ri khoug: nghi: wa gungthid Suri khokham ri nang khoug: nghi: yoomo Israela khokham da" gyidab ri re" lo, mo phang: loid bye: ago".

COUNG" NGHEI 10:14

Nghoid loug we' nang ri gyoug nain" khyoo: yo' phu" zo: khyoo: ri myang se' lho: pang" thoug yu wa shid re" khanham we' nyheung soin, too" gu nghoid. Pang" thug wa zi ayoo" su: gi nyang: gung nyang: nang moo: ab lang- nang gi: ca" yo nyid mo, ri khanham we' pang" thoug nyid.

COUNG" NGHEI 146:3

Xangsu: byu mo zoug: yiri nanu" aloem khau: nyid goo"- Xangsu: byu yi hang" we' nanu" ri yo" khyoid yu wa zi anghoid.

COUNG" NGHEI 146:9

Nyang: gi: mungdain: mo being" voo joem ri goem loem byid: lho: coug" zoo: cougmoo" yiri pang" thoug byid: nyid nghoid loug we' akhyeung" mo, da" khyoo: rigi nyang: byo, yoin' lo" nhang: wa zi nghoid.

COUNG" NGHEI 33:17

Gyikhaid da" myang: gi oung: doid loo' wa shid re" ce" akyu" aboo. Nyangnu" da" gyi: thang yoem: vhoo" we' ayo" khyoid yu.

COUNG" NGHEI 68:5

Mangsoo gi nya: da" gyeung" shang: Noku Yhoem: Moo" khoug: moo: nyid lho: cougzoo: cougmoo" yiri goin coung: lhoug zung" nyid.

ESAIA 1:29

Seiggam joem yo' sho" to" da" gyeung" shang: khyam: joem ri nang noku coung" lo ziri nang nheig koug loo wa.

ESAIA 2:20

Hau: bidnyid ju" loo lang" nyangnu" koid ci: da" ngei yo' sheing: yu phara" soolhoo: joem ri nyangnu" she: pyam pyam wa. Hau: joem ri gyu, shoug" yo' pho shid joem jang" khyo: she: pyam pyam wa.

ESAIA 27:9

Nghoid loug we' Israela da" yooboo joem rigi tarha" tungbau yi da" phoin: lug boem joem gi shoofuid" lug khi' yo' dayhang: ti" gyoeb pyam wigi shoem: nam pyo: xu: nghe' ngei" da" phoin: joem yo' yu phara" myhi' Ashera da" soolhoo: joem adeing jo, loo lang" za: yooboo khyoid byid: zi shoug" wa.

ESAIA 30:16

Hau: gungthid myab da" myang: joem ri zhung: wigi nyangnu" da" gyivoo yi lo, mo phang: loid wa nanu" soin' boem ago". Nanu" jo ago". Phang: loid khyoo: gi nanu" koid ca" da" moo" nghoid boem wa. Nanu" da" myang: gi gye" myab ga: jho: ago". Nghoid loug we' nanu" ri cang khaid bang: gi je myab loo wa.

ESAIA 30:2

Nga" phajhi" byid: dang: ri amho' loo: pang" thoug byid: wa shid re" Egutu khyoo: nyangnu" yhe: ago". Nyangnu" gi Egutu byu yi wigi nyangnu" ri goem loem byid: wa zi vho: ago". Houg: yoomo nyangnu" gi Egutu khokham ri khau: nghe: ago".

ESAIA 31:1

Egutu mung" khyoo: pang" thoug wa ziri yhe: mho' da" bang: gi joem: lo" abye:. Nyangnu" gi Egutu da" gyidab yoem: nghoid da" myang: joem myang: rheing" joem yo' gyizoo: yiri khau: nghe: ago". Nghoid loug we' nyangnu" gi Israela da" gyeung" shang: da" Aseing Mangsoo ri akhau: nghi: nghoid ago". Pang" thug wa shid re" we' nyang: ri amho' goo" nghoid da:.

ESAIA 31:3

Egutu byu yigi yu phara" joem anghoid- nyangnu" xangsu: byu yi za nghoid ago'. Nyangnu" da" myang: joem gi mougkhung: dei: noem anghoid. Aseing moo" zei: kaid lang" yoem: bo da" byumyu" joem gi gyoeb gyo" lo" wigi yoem: neing: da" byumyu" yigi byed gyoo" lo" byug wa. Eig loem: goin phyo' shoin' pyam zi shoug" goo" wa.

ESAIA 36:8

Ngoo gi khosen pho da" myeing moo nanu" yo' gu tid wa. Nanu" myang: yo" zhung: da" byu myoo" sho' nyid boem rigi ngoo nanu" ri myang: eig khyeing" byid: wa.

YEREMIA 49:11

Nanu" da" cougzoo: nu" yiri ngoo yo' dage" nyhid: too" khoo' ge'. Nyangnu" ri ngoo goin coung: byid: wa. Nanu" da" cougmoo" myhi' yi ngoo ri yo" khau: nghe: wa.

EZEKIEL 36:25

Ngoo gi nanu" da" jang" moo gyid gyeing: yo' pyi: sain" wigi nanu" ri nanu" da" yu soolhoo: joem dangain" mo yo' nanu" ri ayung" alho' bui" nhang: da" gootu: ja: khang" moo" mo younglho' loo nhang: wa.

EZEKIEL 37:23

Nyangnu" gi nyangnu" da" gung ri aco' ajhoid yu soolhoo: joem khyo" ayung" alho' bui" nhang: loo: wa anghoid. Nyangnu" nya: gung ri yooboo wigi we' byo, yoin" nhang: loo wa anghoid. Ngoo gi nyangnu" ri nyangnu" yooboo shoid da" khyoo: dangain" mo yo' ngoo ri gyi koid jang" mo loid byoin nhang: wa. Ngoo gi nyangnu" ri kyeing sain' yu wa. Nyangnu" gi nga" da" byumyu" yi bue" lho: ngoo gi nyangnu" da" Mangsoo nghoid wa.

HOSEA 12:1

Israela byumyu" yi nab soin: mo zi myen" ayo, ju" sho' koid zi ja: khang" moo" gi ce: akyu" abo ziyo' phyo' shoin' zi za: nghoid da:. Mhau' ziyo' ajoem: theing moo" gi nyangnu" phung: gung moo je myo: lug re" da:. Nyangnu" gi Asuri yo' myid veing" thang" cab joem to" lho: Egutu bang: yo' phaga: moo" shoin" koid ago"» ga: tid.

HOSEA 13:2

Nyangnu" gi no' wa khyo" joto' soolhoo: joem koid- byu xangsu: myid nheigloem: wigi khyang sue" lho: xangsu: byu yi lo, wigi ngei soolhoo: joem ri koid da" khyo" xo' lho: yooboo shoid nyid boem ashi". Hau: thang: nyangnu" gi «Houg: bang: ri xoin" ngei" byid: ge» ga: tid ago". Xangsu: byu yigi hau: nuloo: joem gung khyang yo' dakhyo" koid to" da" hau: soolhoo: joem ri khasu" yoomo babug yo bug wa lha".

HOSEA 14:8

Israela byumyu" yigi soolhoo: joem yo' ci: asen: loo: goo" wa. Ngoo gi nyangnu" da" akyu" mho' dang: ri gyoo: byid: wigi nyangnu" ri goin coung: byid: wa. Ngoo gi khanham we' ashoem: lo" da" seiggam yo' dakhyoo" ti" nyangnu" ri bid shoem: yoeb byid: wa. Ngoo gi nyangnu" da" mainkaid jeju" dangain" da" ajhung: nghoid» ga: tid

HOSEA 2:17

Ngoo gi nyang: ri Bala da" myeing ri khanham we' atid thu nhang: loo: wa.

HOSEA 4:12

Nyangnu" gi seig khang" mo pang shug wa shid re" myid: boem ago". Nyangnu" si nau ziri nyangnu" ri seig yau: ge' tid kyo" da:. Nyangnu" gi ngoo ri too" kho' abye: go" da:. Shava myhi' bue" lo da" myiyi: dayug yhang: ti" nyangnu" gi nyangnu" gung ri gootu: yu phara" joem jang" moo byid: pyam abye: go" da:.

HOSEA 5:13

Israela gi nyang: khayhi' no nyid ziri shau" myang lho: Yuda gi nyang: nya: dam khoo: ri shau" myang lang" Israela gi Asuri khyoo: yhe: lho: khokham moo" ri pang" thoug wa shid re" yhe: mho' da:. Nghoid loug we' nyang: gi nyangnu" ri noo ayu" byang" gi byid:- nyangnu" da" dam khoo: ri ayo" gi nhang: nghoid da:.

HOSEA 7:11

Israela gi nheig agyeing: da" jid: u yo' dakhyoo" myonhoo: sho: lheing yen" da:. Xang: shi" moo nyangnu" gi Egutu khyoo: pang" thoug yu wa yhe: mho' da:. Hau: thang: nyangnu" gi Asuri jhang tang" yhe: ago".

HOSEA 8:6

Israela lo, moo" zei: su: dayug gi soolhoo: ri koid to" da:. Houg: lho: hau: zigi yu phara" nyang: anghoid nghoid da:. Samari moo no' da" nujung loo: gi ajab, amoin' baid khyoeb pyam zi shoug" wa.

HOSEA 8:9

Israela byumyu" yigi loo zei: lam" yhang: ti" nheigloem: thain: wigi nyangnu" vho: da" jang khyoo: yhe: lo" ago". Nyangnu" gi Asuri mo pang" thoug yu zi shoug" wa shid re" jhen" yhe: lo" ago". Houg: lho: nyangnu" ri goem loem byid: wa shid re" gootu: byumyu" yiri aphoug" byid: ago".

YONA 2:10

Houg: lang" Aseing gi Yona ri tunggung moo yhe: doug thu kaid wa shid re" hau: wimdo, ri tid wigi nyang: gi hougsu" koid bye:.

ZEKHARIA 13:2

Hau: bidnyid ri ngoo gi mungdain: mo yu phara" soolhoo: dangain" ri hang" we' aboin: loosho' shoem" khyo' pyam' wa. Mhau' da" lapi: yi yo' soolhoo: ri no' nau da" emyed joem ri we' shoem" shoung: pyam' wa nghoid.

YOHAN 14:18

Ngoo loo" lang" nanu" nyang: kyeing" ri she: pyam too" khoo, wa zi anghoid. Nanu" jang" moo ngoo doem ri" wa.

TARHA" TID POIN" 17:16

Khokham phoo gi nya: da" gyidab shid re" myang: myoo: sho' du: age yoo" wa. Houg: lho: nya: mung" byu yiri myang: qei wa shid re" Egutu khyoo: ayo" nhang: kaid wa. Ciwim gari Aseing gi nya: byumyu" yiri hau: mung" khyoo: khanham we' age doem tau" yhi: ga: tid da:.