HOSEA 14:1 - Lacid Common Language Bible

¹ Israela byumyu" yi we" nanu" Aseing Mangso jhang khyoo: doem tau" loo ge'. Nanu" yooboo gi nanu" ri khyid: vhu" thung" wigi lheing nhang: bye:.

HOSEA 14:1 교차 참조

2 KHOKHAM 8:12

Hazaela gi «Ludaid phoo we"- nang ciwim yoomo ngau nyid la"» ga: myid: da:. Houg: lang" Elisha gi «Israela byumyu" yi adang moo nang yu" gyoug sho' da" gyi koid ri" wa ziri ngoo si' yoomo nghoid. Nang gi nyangnu" gyidab joem ri myi: nghe'- bue" thang da" nyangnu" zooyam yiri said- nyangnu" da" zoonu" yiri du" said- zoonu" gung lid: da" myiyi: yiri voem: dau: thau" khyam" pyam ri" wa» ga: tid.

ESAIA 19:22

Aseing gi Egutu byumyu" yiri yooboo dam byid: wa. Nghoid loug we' nyangnu" gi nya: jhang lheing: loo wa. Nyang: gi nyangnu" da" akyu" mho' dang: ri tam" gyoo: byid: wigi nyangnu" ri byang" gi byid: loo wa.

YEREMIA 2:19

Nanya: akhyeing" ashoeb zigi nang ri yooboo dam byid: loo wa. Houg: lho: ngoo mo phug lo" zigi nang ri dang: phyed loo wa. Nang gi ngoo re" Aseing Mangsoo ri she: pyam kho' ziyo' ngoo moo jhug azug lo zigi khayhi' kho" lho: shoid nhung: ga: ziri yo" se' loo wa. Ngoo yoem: moo" bo myhang: thang Aseing tid bye:.

YEREMIA 4:1

Aseing tid zigi «Israela byumyu" yi we"- nanu" lheing: loo nhau boem nghoid ri nga" jhang lheing: tau" phang: loo we'. Nanu" gi ngoo ri jhug zug wigi ngoo ngheing" da" yu phara" soolhoo: joem ri yu pyam boem nghoid rigi

NGOUG JI: 5:16

Ngoonu" phau: khuang khyoo: gi daja: we' adeing loo. Ngoonu" da" shoid vhang: yooboo yoomo akhid" ngoonu" gi byuxuid" vooyoem: lo" byoug boem bye:.

EZEKIEL 16:46

Re" bi: gi mougzhung: shoid mo Samari yo' nya: voogung joem nghoid da:. Re" nhung" gi mougpyi: shoid mo Sodom yo' nya: voogung joem nghoid da:.

EZEKIEL 33:11

Ngoo yoem: moo" bo Aseing gi deing deing dei nyid ziyo' dayhang: ti"- yooboo yoo" bang: shid: lo" ziri ayu" gau ein: ziri nyangnu" ri tid kyoo" we'. Nyangnu" gi yooboo shoid ziri theing: pyam lho: kangso' dei nyid ziri ngoo je myid vho: da:. Israela we"- nang koid nyid da" akhyeing" moo" ri theing: pyam we'. Nang ciwim yoomo shid: nau la"

EZEKIEL 33:14

Ngoo gi akhyeing" su: dayug ri shid: wa ein: tid poin" too" nghoid loug we' nyang: gi yooboo shoid nyid ziri theing: pyam lho: jo ziyo' ge da" khyoo: ri koid lo nghoid ri

HOSEA 10:12

Ngoo gi «Nanya: shid re" yoo seig ri phug yu we' deungmain" zi sho" lho: ngoo ri tam" gyoo: yoomo yo" re" wa da" mainkaid jeju" ri yhoem" yu we'. Re" Aseing-nga" jhang khyoo: doem lheing: lo wa ayo, ju" bye:. Ngoo ju" re" lho: re" adang moo mainkaid jeju" foid shoin" byid: wa» ein: tid bye:.

HOSEA 12:6

Houg: yoomo akhid" Yaku da" amyed ashen" yi we"- nanu" da" Mangsoo ri loem khau: lho: nya: jhang" khyoo: lheing: tau" loo we'. Jhug zug lho: deingmain" nyid we'. Houg: lho: nanu" da" Mangso moo" zei: wa ziri nheigloem: sheing: sheing: to" lho: lang" nyid we'.

HOSEA 12:8

Nyangnu" gi ‹Ngoonu" gi yoo" zoo: yoo" shug da:. Ngoonu" moo zhafa: bo. Ngoonu" adeingmain" da" khyo" jonu" yo" ziri hang" wigi yooboo ayo" zhug› ga: tid ago".

HOSEA 13:9

Israela byumyu" yi we"- Nanu" ri ngoo said toem" pyam wa. Houg: lang" nanu" ri hang" yo" pang" yu wa la".

HOSEA 4:8

Nanu" gi nga" byumyu" yi da" yooboo mo yoo" zoo: yoo" shug lo ago". Houg: yoomo nanu" gi nyangnu" ri je wigi yooboo xo' koid nhang: nau ago".

HOSEA 5:5

Israela byumyu" yi da" khuang khyoo: gi nyangnu" ri thougtheung nyho: yoid ago". Nyangnu" da" yooboo joem gi nyangnu" ri khyid: vhu" thung" lho: leung loo" nhang: da:. Houg: lho: Yuda byumyu" yi we' nyangnu" yo' dage" leung lo" ago".

HOSEA 6:1

Byumyu" yigi «Aseing jang" khyoo: doem tau" lo" boem shang. Nyang: gi ngoonu" ri dam tab bye:. Nghoid loug we' nyang: gi ngoonu" ri gyeing" nyang: yo" ze: gi byid: wa. Nyang: gi ngoonu" ri dam joem: tab abye:. Nghoid loug we' nyang: gi ngoonu" da" dam joid ri pain" cu' thoeb byid: loo wa anghoid rhe".

HOSEA 9:13

Aseing we" nyangnu" da" zooshang: yiri coem' khaid zain: lho: said pyam ziri ngoo shau" myang bye:.

HOSEA 9:7

Yooboo dam byid: wa ayo, gi ju" loo bye:. Hau: byumyu" yi nyangnu" shoug" kham zoo: wa moin: yi" zi yo" yu wa ayo, ju" bye:. Hau: zi bue" lo uri Israela byumyu" yi hau: khyoo: ri si' goo" wa. Nanu" gi «He: Lapi: phoo gi koo" su: nghoid da:. He: Venyi yoem boo su: gi suid" byo, da» ga: tid ago". Byu nanu" gi nanu" da" yooboo sung gyi: yoomo ngoo ri ngheing" ago".

AMO 1:13

Aseing tid zigi «Amon voo bang: gi pug lho: pug lho: yooboo ri dakoid nyid boem yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi mougmyid ri ce" yu wa shid re" gyi zain: lho: Gilead moug: mo gung lid: ci: da" myhi' zeing yiri voem: doug: yham" kho' pyam byid: boem ago".