HOSEA 13:9 - Lacid Common Language Bible

⁹ Israela byumyu" yi we"- Nanu" ri ngoo said toem" pyam wa. Houg: lang" nanu" ri hang" yo" pang" yu wa la".

HOSEA 13:9 교차 참조

2 KHOKHAM MHOOMYID: 28:23

Nyang: gi nyang: ri oung: pyam da" Asuri byu yi phara ri xoin" ngei" byid: da:. Nyang: gi «Asuri yu phara" joem gi Asuri khokham yiri pang" thoug byid: boem yhang: ti" ngoo ri we' nyangnu" yo" pang" thoug byid: goo" wa ein: ngoo hau: joem ri xoin" ngei" byid: zi nghoid» ga: tid da:. He: zigi nya: adang moo yo' nya: byumyu" yi adang moo kyi" khyeug zi bui" nhang: da:.

COUNG" NGHEI 146:5

Yaku da" Mangso pang" thoug khyoo: yo" yu su: yo' Aseing nya: Mangsoo moo: khau: nge: nyid su: gi ngilhoo' su: nghoid nyid.

COUNG" NGHEI 33:20

Ngoonu" da" nheig byu jang: gi Aseing moo: nghoid nyang: gi: ngoonu" da" goin coung: su: yo' ngoonu" da" pang" thoug su: nghoid.

COUNG" NGHEI 46:1

Mangsoo gi ngoonu" da" nghe: khoug: joyoo yo' yoem: vhoo" nghoid nyid. Kyi" khyeug nyid da" ayo, moo pang" thoug yu wa shid re" kha: u" we' jen" nyid gu nghoid.

DANG: ZHOEM 6:32

Nghoid loug we' sube" myi: lhoid su: koem gi nheig agyeing: loo: nyang: gi nya: gung du: ri nyang: za: dalhu: phyo' pyam nyid.

DANG: ZHOEM 8:36

Ngoo ri ashau" sho: da" byumyu" yigi noophyoo" shoug" nyid boem wigi ngoo ri ngheung" nyid bang: hang" we' shid: lo" khyoo: ri jheddab nyid boem ga: wigi tid nyid.

ESAIA 3:11

Nghoid loug we' akhyeing" bang: gi doem byug ago". Nyangnu" wigi subi" ri koid lo yhang: ti" akhid" nyangnu" ri doem koid byid: zi shoug" loo goo" wa.

ESAIA 3:9

Nyangnu" myonhoo: khyen: zigi nyangnu" ri thougtheung wa. Nyangnu" gi Sodom byu yi yhang: ti" di: di: nyang: yooboo koid boem ago". Nyangnu" gi doem: byug da:. Houg: lho: hau: ziri nyangnu" nya: adang moo kaid yu ago".

YEREMIA 2:17

Israela we"- nang gi he: ziri nanya: gung moo ke" yu abye:. Nang gi nang ri khyoo: khyo" wigi shu" lo uri ngoo Aseing re" Mangsoo ri she: pyam kho' abye:.

YEREMIA 2:19

Nanya: akhyeing" ashoeb zigi nang ri yooboo dam byid: loo wa. Houg: lho: ngoo mo phug lo" zigi nang ri dang: phyed loo wa. Nang gi ngoo re" Aseing Mangsoo ri she: pyam kho' ziyo' ngoo moo jhug azug lo zigi khayhi' kho" lho: shoid nhung: ga: ziri yo" se' loo wa. Ngoo yoem: moo" bo myhang: thang Aseing tid bye:.

YEREMIA 4:18

Yuda we" nang gi nanyang: nyid da" avoid yo' nang koid da" moo" joem khyo" wigi he: ziri nanya: gung moo tu: voin yu abye:. Re" da" yooboo gi he: yau: khi" ri bui" nhang: bye:. Hau: zigi nang ri nheigloem: moo thau" kyang nhang: bye:.

YEREMIA 5:25

Hau: gungthid nanu" da" yooboo joem wigi he: ge khyoo: joem ri toem' pyam byid: ago".

HOSEA 13:4

Aseing gi «Ngoo gi nanu" ri Egutu mo shu" thu lo da" nanu" da" Aseing Mangsoo nghoid. Nanu" gi ngoo mo lid wigi Mangsoo gootu: ayoo" nghoid ago". Ngoo dayug kyeing" za: nanu" da" khyoid yu Aseing nghoid.

HOSEA 14:1

Israela byumyu" yi we" nanu" Aseing Mangso jhang khyoo: doem tau" loo ge'. Nanu" yooboo gi nanu" ri khyid: vhu" thung" wigi lheing nhang: bye:.

HOSEA 7:14

Nyangnu" gi ngoo ri nheigloem: phyu: ziyo' amho' boem nghoid ago". Nghoid loug we' hau: gungthid nyangnu" gi nyangnu" da" gung ri pyam lheing: kaid lho: tungbau yi yhang: ti" kougshu: yoid ngoug ago". Shivoo: yo' zabyid yhid: re" akyu" mho' uri tungbau byu yi yhang: ti" yham" khyam" wigi nyang: nya: gung ri dam tab yu ago". Nyangnu" gi gye" thougtheung gyi koid mo, nghoid ago".

HOSEA 7:15

Ngoo gi nyangnu" ri khu: gyi: lho: nyangnu" ri yoem: boo nhang: yug nghoid sho' nghoid loug we' nyangnu" gi ngoo ri thougtheung gyi khau" koid da:.

MALAKHI 1:12

Nghoid loug we' nyangnu" gi nga" da" phoin: ri ce: phoug" adab ga: lho: hau: phoin: moo aco' ajhoid da" zoo: noem ri ngei" byid: khyoo: gi ngoo ri aphoug" amyang: da" khyoo: nghoid.

MALAKHI 1:13

Nyangnu" gi hid su" ga: we' tid ashi" ‹Hid: myhoo' ja: gi ngoonu" myoung: dau joyoo danghoid› ga: tid boem lho: wigi nhoo: myeing myeung- juang" yi boem ago". Nanu" gi khau" yu da" gougnyhoug nghoid loug we' khyid: gyau: ziyo' noo bo da" gougnyhoug ri ci: re" wigi we' xoin" to' byid: boem ago". Ngoo gi nanu" jang" mo houg: yhang: te" da" xoin" ri kham: yu abe ein: myid nyid go" la".

MALAKHI 1:9

Khainjung yi we"- Mangsoo gi nyhang" ri jeju" byid: wa shid re" nanu" gi nyang: ri mho' nghoid loug we'-nyang: tam" gyoo: byid: wa zi anghoid. Hau: zigi nanu" da" shoid khyoo: za: danghoid wa.

TARHA" TID POIN" 33:26

Israela byumyu" yi we" nanu" da" Mangsoo yo' du da" yu phara" anyid. Nyang: gi mougkhung: byeung" sho' da" younglho' gyi: sheung: jang" mo zhung: lid lo" da:. Nanu" ri pang" thoug yu wa shid re" jhoemmoug" thei" moo zhung: wigi re" da:.

TARHA" TID POIN" 33:29

Israela we"- nanu" gi khayhi' pyo: nyid la". Aseing wigi khyoid yu shau" da" nanu" yhang: ti" byumyu" anyid goo" nghoid da:. Aseing nyang: nyang: nanu" ri gyi khouggoo koid byid: wigi oung: doid nhang: wa shid re" nanu" da" goo yo' shamcoin" bui" byid: nyid da:. Nanu" gyivoo joem gi nheig khyeug yu wa shid re" nanu" jhang re" mho' yoid loo goo" wa. Houg: lho: nanu" gi nyangnu" ri yo" nang: pye" pyam wa zi nghoid.