HOSEA 13:6 - Lacid Common Language Bible

⁶ Nghoid loug we' mougmyid ge jang" khyoo: vang yhe: lo" lho: nanu" gi gye" shoug" zo: ziyo' nheugshid: nheugdeug boem lang" nghoid boin re" wigi ngoo ri to" myhed pyam abye:.

HOSEA 13:6 교차 참조

NEHEMIA 9:35

Khokham yigi re" mainkaid jeju" khyo" re" byumyu" yiri nang wigi byid: to" da" myid xu: ge mougmyid lam da" mung" moo nyid boem uri vhoeb zoo: lid lo ago". nghoid loug we' nyangnu" gi yooboo mo doem tau" lo wigi nang ri dei byid: wa ziri du" pyam ago".

COUNG" NGHEI 10:4

Akhyeing" ashoeb su: gi Aseing ri cishu: anhang:. Nya: da" nghoid boin: nheigloem: moo Mangsoo gi ce: yhoug: agyen: ga: myid nyid.

DANG: ZHOEM 30:9

Ngoo moo: ca" nyid tho' re" jonu" ziyoo yo" jo, loo lang"-nang ri ngoo ci: aca" loo: ga: tid loo wa zi nghoid. Nghoid lang" ngoo sho" jhen: nyid wigi khoug" zo: lho: nga" Mangsoo ri myeing yoin" loo" nhang: wa zi nghoid.

ESAIA 17:10

Israela we"- nang ri khyoid yu su: yo' geing: teing da" lugboem moo" yo' dayhang: ti" nang ri goem loem byid: su: Mangsoo ri nang to" myhed pyam abye:. Hau: gungthid tungbau yu phara" joem ri no' wa shid re" gyeung" shang: da" bain: khyam: joem ri nang sho" da:.

YEREMIA 5:7

Aseing myid: zigi «Ngoo gi ciwim nga" byumyu" yi da" yooboo joem ri khyoid byid: boem wa la". Nyangnu" gi ngoo ri she: pyam too" kho' lho: Mangso gyeing" anghoid da" yu phara" joem ri no' abye: go". Ngoo gi nga" byumyu" yiri nyangnu" gyi: sho' byid: zhoo" byid: jhug bye:. Nghoid loug we' nyangnu" gi myi: shoid lang shoid wigi Nyangnu" da" ayo, akhyeing: ri shava myhi' yi yo' nyid pyam da:.

EZEKIEL 23:35

Akhid" he: zigi yoem: moo" bo Aseing tid nyid zi nghoid. «Nang gi ngoo ri to" myhid pyam lho: ngoo ri nungthang phug pyam boem yoomo nang gi re" mhain: myid yo' shava myhi' moo" zoo" gang mo yau: khe" kyi" khyeug zi shoug" wa.

EZEKIEL 28:5

Nang gi phajhi" bo da" phaga: moo" koid lho: atu" amyaid xo' sho: nyid da:. Nang gi re" jonu" ziyoo atho' moo khayhi' nghoid boin: nyid la".

HOSEA 10:1

Israela byumyu" yigi zabyid shi" byeung" sho' zei: da" zabyid nei yo' du lo ago". Nyangnu" je yoo" zoo: yoo" shug loo lang" phoin: joem je myoo: sho' zhug lo ago". Nyangnu" mougmyid mo shivoo: ziyoo je thu lang" nyangnu" no' wa da" gyeung" shang: lug zeingboung: joem je zhug ago".

HOSEA 12:8

Nyangnu" gi ‹Ngoonu" gi yoo" zoo: yoo" shug da:. Ngoonu" moo zhafa: bo. Ngoonu" adeingmain" da" khyo" jonu" yo" ziri hang" wigi yooboo ayo" zhug› ga: tid ago".

HOSEA 2:13

Nyang: gi nya: vho: ngei bang: jang cang loo" wa shid re" Bala ri nam pyo: ja: nghe' ngei" byid: lho: phoug" dab sheing: ziyoo void da" uri ngoo ri to" myhed pyam yoomo nyang: ri ngoo yooboo dam byid: wa. Aseing tid abye:.

HOSEA 2:7

Nyang: gi nya: vho: ngei bang: jang" khyoo: cang khaid yhi: wa nghoid loug we' nyangnu" ri cang myhi: wa zi anghoid. Nyang: gi nyangnu" ri cang sho: nghoid loug we' nyangnu" ri ashoug" wa. Hau: thang: nyang: gi «Ngoo gi xang: shi" mo nga" yhoem: seing: pho jang" khyoo: doem tau" loo" wa. Ngoo gi nyang: yo' dage" nyid zigi akhid" tho' mo je ge da» ga: tid loo wa.

HOSEA 4:6

Nga" byumyu" yigi joem: lo" boem bye:. Ciwim gari nyangnu" gi ngoo ri ayhen: yu nghoid ago". Khainjung yi nanu" gi ngoo ri yhen: yu wa he: pyam lho: nga" jhoug" shed khyoo: ri ngeug pyam abye: go". Houg: yoomo ngoo gi nanu" ri ngeug pyam lho: nanu" da" yuggi zoo: yiri we' nga" da" khainjung yi khyo" ayhen: yu wa.

HOSEA 4:7

Nanu" khainjung je myo: ri je nanu" gi ngoo ri je yooboo shoid ago". Houg: yoomo ngoo gi nanu" da" ngi: shab khyoo: ri phue: loo" nhang: wa.

HOSEA 5:14

Ngoo gi Israela yo' Yuda byu yiri khangkhyi dadu: yo' dakhyo" khaid zain: wa. Nyangnu" ri ngoo nyang: nyang: wigi adu du lang: ceig pyam lho: nyangnu" ri too" khoo' wa. Nyangnu" ri ngo wigi she: khyoid lo" ri hang" wigi we' ayo" khoid yu wa.

HOSEA 7:14

Nyangnu" gi ngoo ri nheigloem: phyu: ziyo' amho' boem nghoid ago". Nghoid loug we' hau: gungthid nyangnu" gi nyangnu" da" gung ri pyam lheing: kaid lho: tungbau yi yhang: ti" kougshu: yoid ngoug ago". Shivoo: yo' zabyid yhid: re" akyu" mho' uri tungbau byu yi yhang: ti" yham" khyam" wigi nyang: nya: gung ri dam tab yu ago". Nyangnu" gi gye" thougtheung gyi koid mo, nghoid ago".

HOSEA 8:14

Israela byumyu" yigi khokham kho" ri zhug to" ago". Nghoid loug we' nyangnu" gi nyangnu" ri phain" so: too" su: ri to" myhed pyam abye: go". Yuda byumyu" yigi gye" geing: da" voomoo" joem ri de: to" ago". Nghoid loug we' ngoo gi nyangnu" khokham kho" joem yo' voomoo" joem ri nghe' pyam wa myi: ri nhang: khyo' kaid wa.

HOSEA 8:4

Nga" byumyu" yigi khokham yi khyen: nghoid loug we' nyangnu" nya: myid khyo" khyen: ago". Nyangnu" gi vhujhung: yi khyo" moo" foin: too" loug we' nga" myid veing" khyoo: aboo nghoid da:. Nyangnu" gi nyangnu" da" ngei yo' sheing: ri yu lho: soolhoo: joem koid ago". Hau: zigi nyangnu" da" byo, yoin" khyoo: nghoid da:.

TARHA" TID POIN" 32:18

Nyangnu" gi nyangnu" da" Mangsoo nyangnu" da" myhang: thang khyoid yu Aseing nyangnu" ri kangso' byid: yug ri to" myhid pyam ago".