HOSEA 13:5 - Lacid Common Language Bible

⁵ Ngoo gi nanu" ri kyug da" dain" pyoid yoo moo goem loem byid: bye:.

HOSEA 13:5 교차 참조

APOEM AYANG: 31:40

Ngoo gi myoo" sho' lheing: nyang: gyo, shi" ngam" shi" phu" lho: nyid" ri lung zi myen" ri ngam" zi kham loo bye:. Ngoo gi yhoeb nyang: ashau" yhoeb.

COUNG" NGHEI 1:6

Deung: byeung" bang: rigi Aseing mo wigi khyoo: shu" vhu" she: ziyo' lhoug zung" goem coung: zi shoug" nyid boem. Akhyeung" bang: koem gi joem: lo" byug boem wa zi nghoid.

COUNG" NGHEI 142:3

Ngoo yoem: neung: lo" ri khasu" koid wa ziri nyang: se' nyid. Ngoo so" lo" da" khyoo: moo nga" gyivoo joem ngoo ri: myhi' yu wa shid re" gyoin: gau" du: to" boem bye:.

COUNG" NGHEI 31:7

Re" da" geung: teung jhed khyeing: kang: khyeing: yoomo ngoo gi gau yi ngei pyo: nyid wa nghoid. Nang gi nga" yau: khe" khyoo: ri se' nyid.

COUNG" NGHEI 63:1

Mangsoo we"- nang gi nga" Mangsoo nghoid nyid wigi ngoo nang ri nheug nge nyid. Nga" gung goin" nang ri vho: ngei so, kho' nyid. Kyoug kain" byoug lho: ce" akyu" aboo lo: ziyo' gyid aboo lo: moug: kyug yhang: ti" nga" nheigloem: soozoo: gi nang ri gyid su" shed nyid.

THU' LO" MOUGSOUG" 2:25

Nyang: gi join bue" nyid da" Israela byu yiri shau" myang lho: nyang: gi nyangnu" shid re" bo myid byid: da:.

YEREMIA 2:2

Yerusalem mo byu yugkhang" moo" ri he: lu dang: tid fu" nhang: da:. «Nang ngi shi" uri nang khayhi' jhug zug ziri ngoo se'. Nang gi xang: shi" lo, xo' uri ngoo ri khayhi' jheddab ziri ngoo se' da:. Nang gi dain" pyoid yoo khyo" nga" thang: cang lo da:. Shivoo: asho" yu" da" mougmyid khyo" so" lid: lo" da:.

YEREMIA 2:6

Ngoo gi nyangnu" ri Egutu mung" mo khyoid yu lho: dain" pyoid yoo yo' midcoo: duang: joem jo, da" moug:- Byu hang" anyid da" moug:- moug: kyug yo' gyoug pho" da" moug:- Byu dayug we' gyung: aso" da" moug: dain" pyoid yoo khyo" shu" lid: lo rilang" nyangnu" ngoo ri cishu: anhang: nghoid da:.

HOSEA 5:3

Israela byumyu" yi ciyo' du ziri ngoo se'. Nyang: gi ngoo ri ayo" phang: goug" nghoid da:. Nyang: gi jhug azug loo: yoomo nya: byumyu" yigi ngoo ri noku wa shid re" amoin: yi" boem da:.

HOSEA 9:10

Aseing gi «Israela ri ngoo xang: shi" shoug" sho: myang uri dain" pyoid yoo mo zabyid shigam ri sho: ziyo' du da:. Nanu" da" phoug" phyid" yiri ngoo xang: shi" shau" myang da" uri lafoem shi myheing yo, ri myheing shid" re" ziri shau" myang ziyo' du da:. Nghoid loug we' nyangnu" Peora boem moo ju" lo uri nyangnu" Bala yu phara" ri no' shid" lo ago". Houg: lho: khamyhang amyang" ri nyangnu" gi nyangnu" jheddab da" yu phara" joem yo' dakhyoo" yu" co' tung" bue" re" ago".

NAHUM 1:7

Aseing gi ge zi nghoid. Nyang: gi nya: byumyu" yi yau: khi" zi shoug" nyid da" uri goem loem byid: nyid. Nya: jhang khyoo: lheung: loo mo, ri nyang: gi yu" goin yu" coung: nyid.

1Korinthians 8:3

Nghoid loug we' Mangsoo ri si' su: gi Mangsoo yo' zoem" khau: khyoo: ri kham: yu se' nyid.

GALATI 4:9

Akhid" koem gi nanu" Mangsoo ri se' loo boem bye: tho' moo gootu- Mangsoo we' nanu" ri bain se' nyid thang: ri yoem: nu: ziyo' ashug" ajhen: nghoid nyid da" yu join, soo" byoo joem da" join, bui" wa shid mo, cikoid doem tau" loo" noug go".

TARHA" TID POIN" 2:7

Nanu" Aseing Mangsoo gi nanu" koid bye: da" moo" ja: khang" moo" ri khasu" mainkaid byid: lid loo bye: ziri myid boin: ge'. Nyang: gi nanu" ri he: damung" dadain: gyi: da" dain" pyoid yoo khyo" nanu" so" lheing: yen" uri yu" goem abye:. Nyang: gi myid: xi: zain nanu" yo' dage" nyid lho: nanu" ca" gu: ja: khang" moo" ri nanu" yo" yu abye: go".

TARHA" TID POIN" 32:10

«Nyang: gi nyangnu" ri dain" pyoid yoo moo lam" dam: yen" ziri myang. Hau: dain" pyoid yoo gi kyug hei wigi lid hau' pyoid pyam da" zi nghoid. Nyang: gi nyangnu" ri goem loem byid: lho: nyang: nya: gung ri goem loem byid: ziyo' dakhyo" nyangnu" ri yu" goin coung: loo bye:.

TARHA" TID POIN" 8:15

Nyang: gi nanu" ri damung" dadain: gyi: lho: dug thain: da" lhangmyu yo' gung goug" nyid da" gyoug pho" da" dain" pyoid yoo khyo" nanu" ri shu" lid loo bye:. Hau: gyid ajo, moug: kyug moo nyang: gi nanu" shid re" lugzeing mo gyid yau thu loo nhang: bye:.