HOSEA 13:2 - Lacid Common Language Bible

² Nyangnu" gi no' wa khyo" joto' soolhoo: joem koid- byu xangsu: myid nheigloem: wigi khyang sue" lho: xangsu: byu yi lo, wigi ngei soolhoo: joem ri koid da" khyo" xo' lho: yooboo shoid nyid boem ashi". Hau: thang: nyangnu" gi «Houg: bang: ri xoin" ngei" byid: ge» ga: tid ago". Xangsu: byu yigi hau: nuloo: joem gung khyang yo' dakhyo" koid to" da" hau: soolhoo: joem ri khasu" yoomo babug yo bug wa lha".

HOSEA 13:2 교차 참조

1 KHOKHAM 19:18

Nghoid loug we' ngoo gi Israela khoug: moo nyhed khyeing" ri kangso' dei nhang: shi". Houg bang: gi ngoo ri dang: zung" nyid wigi Bala ri ano' - nya: yu phara" soolhoo: ri babug abug mo, nghoid wa» ga: tid.

2 KHOKHAM MHOOMYID: 28:13

Nyangnu" gi «Hau: thung: byu yiri hid: khyoo: ashu" loo go". Ngoonu" gi Aseing ri yooboo shoid boem bye:. Ngoonu" ri yooboo dam byid: wa moin: sho' nyang: ri nheig yoo: nhang: bye:. Akhid" nanu" gi ngoonu" yooboo ri myo: ri" nhang: wa da" moo" ri zei: nau boem» ga: tid ago".

2 KHOKHAM MHOOMYID: 33:23

Nghoid loug we' nya: phoo yhang: ti" anghoid. Nyang: gi nheigloem: anyhoem: khyo' ziyo' Aseing shoid khyoo: we' aphug loo nghoid da:. Nyang: gi nya: pho tho' lang" yooboo je koid da:.

COUNG" NGHEI 2:12

Gyoug nain" ziyo' nyang: ri goeb pid nyid ge'. Hougsu" akoid zigi nya: nheigloem: nge" loung ziyo' myab" myab, to' lo" wigi nanu" gi nyeigdain tung" shed: lo' boem wa zi nghoid. Zung" lhoug byid: wa shid re" nya: jhang ju" yhi: bang: gi ngilhoo' wa nghoid.

ESAIA 1:5

Ciwim yoomo thougtheung gyi koid noug go" la". Yooboo dam je myoo: sho' byid: wa ziri nanu" vhoo: go" rhe". Israela we"- re" vhuloem gi dam khoo: za: byeung" sho' nghoid jo, abye:. Re" nheigloem: yo' myid gi no nyid abye:.

ESAIA 30:1

Aseing tid to" da:. «Yuda ri vhoeb da" bang: gi joem: abye: go". Ciwim gari nyangnu" ngoo ri gyi koid thougtheung ago". Ngo wigi asoin' to" da" moo" ri nyangnu" cang koid ago". Ngoo myid vho: ziri ngeug wigi myid veing" mougsoug" joem ri lo, xoem" lhid" ago". Yooboo daja: bain daja: daboem dazang koid to" ago".

ESAIA 44:11

Hau: ziri no' da" yugkhang" moo" gi ngi yoem" loo" wa. Yu phara" soolhoo: joem ri koid da" byu yigi xangsu: byu yi za: nghoid wigi gootu: ci: ajain" nghoid da:. Nyangnu" ri tarha" joeb ca: yu" wa shid re" re" yab nhang: ge'. Nyangnu" gi gyoug dain lho: sho' phu" boem goo" wa.

ESAIA 45:20

Aseing tid zigi «Khosen mungdain: gyoo" lo" byug uri nyid deing bang: dangain" nghoid da" byumyu" yi we"- zeing: lo boem ge'. Tarha" joeb yu" khyo" nanu" nya: gung ri yhe: ci: shug byid: we'. Byu yigi seig wigi koid da" nyangnu" yu phara" soolhoo: joem yo' jen shug yen" lho: nyangnu" ri ayo" khyoid yu da" yu phara" joem ri akyu" mho' ago". Hau: byu yigi ci: we' asi' goo" nghoid da:.

ESAIA 46:6

Byu yigi nyangnu" ngei thung joem ri phang wigi sheing: ri foid kyo' ago". Nyangnu" gi ngei ri jang moo leug ago". Nyangnu" gi yu phara" koid wa shid re" sheing: zi baid bang: ri vhookung: lhoung: ago". Hau: thang: nyangnu" goeb pid wigi hau: ziri no' ago".

ESAIA 46:8

Yooboo thung: yi nanu" we"- hau ziri myid boin ge'. Ngoo koid lid lo ziri myid yu" ge'.

YEREMIA 10:4

Houg: lho: ngei yo' sheing: wigi doem tab shoung: pyam ago". Hau: zi aleing loo" wa shid re" tin" zei: wigi baid jen" to" ago".

YEREMIA 10:8

Nyangnu" dangain" bang: gi nheig agyeing: wigi adu: adam: bang: nghoid. Seig soolhoo: joem mo nyangnu" ciyo" jhau" yu wa la".

YEREMIA 8:5

Houg ri nga" da" byumyu" nanu" gi nga" jhang adoem phang: toug" loo loo: za: ciwim yoomo nga" jang" mo phang: loo" nyid go" la". Nanu" gi nanu" da" soolhoo: joem khyoo: nheig dab wigi nga" jhang alheing: tau" loo nghoid ago".

HOSEA 10:1

Israela byumyu" yigi zabyid shi" byeung" sho' zei: da" zabyid nei yo' du lo ago". Nyangnu" je yoo" zoo: yoo" shug loo lang" phoin: joem je myoo: sho' zhug lo ago". Nyangnu" mougmyid mo shivoo: ziyoo je thu lang" nyangnu" no' wa da" gyeung" shang: lug zeingboung: joem je zhug ago".

HOSEA 10:5

Samari voomoo" moo nyid da" byu yigi gyoug lho: Bethaven mo sheing: nujung loo: byug wigi koug ngau loo goo" wa. Hau: nujung loo: ri dei byid: nyid da" nyangnu" yo' khainjung yigi hau: gang mo khau" ngoug loo goo" wa. Hau: da" sheing: phung bang khyeug pyam uri nyangnu" gi kougshu: yoid: ngoug loo goo" wa.

HOSEA 11:2

Nghoid loug we' ngoo nyang: ri je khi: lang" nyang: gi nga" jang" mo je lheing: phug lo" da:. Nga" byu yigi Bala ri xoin" ngei" byid: da:. Nyangnu" gi soolhoo: joem ri nam pyo: ja: nghe' ngei" byid: da:.

HOSEA 11:6

Nyangnu" voomoo" joem moo meing: zain: zi dang: gyo" lo wigi voomoo" vang khyam: khoem" moo" duang: ri phyo' khyo' pyam byid: loo wa. Nga" byu yigi nyangnu" myid moo ge thang ga: myid ziri koid da" gang mo hau: ze wigi nyangnu" ri said toem" pyam wa.

HOSEA 14:3

Asuri gi ngoonu" ri khasu" we' ayo" khyoid yu. Gyi khaid myang: joem gi ngoonu" ri ayo" goem loem byid:. Ngoonu" da" soolhoo: joem ri ngoonu" da" Mangsoo nghoid ein: khanham we' adoem tid loo wa. O" Aseing we"- Nang gi hang" jhang adoem se' tau" loo bang: ri nheig khyeug myid ci: shug byid: da:.

HOSEA 2:8

Nyang: gi nyang: ri shivoo:- zabyid yhid:- zhainloin: xu: yo' nyang: Bala ri no' da" uri nyang: ngei" byid: da" ngei yo' sheing: dangain" gi ngoo byid: zi nghoid ga: ziri khanham we' yhen: yu zi anghoid.

HOSEA 4:17

Israela byumyu" yigi soolhoo: joem wigi fa" to" zi shoug" ago". Nyangnu" nya: khyoo: khyoo: yhe: loo" goo" baja".

HOSEA 8:4

Nga" byumyu" yigi khokham yi khyen: nghoid loug we' nyangnu" nya: myid khyo" khyen: ago". Nyangnu" gi vhujhung: yi khyo" moo" foin: too" loug we' nga" myid veing" khyoo: aboo nghoid da:. Nyangnu" gi nyangnu" da" ngei yo' sheing: ri yu lho: soolhoo: joem koid ago". Hau: zigi nyangnu" da" byo, yoin" khyoo: nghoid da:.

HOSEA 8:5

Samari voomoo" mo byumyu" yi no' da" sheing: nujung loo: ri ngoo ngheing" da:. Ngoo gi nyangnu" ri nheig joem yo: da:. Khamyhang myang" ri she' nyangnu" gi soolhoo: ri no khyoo: ri to" pyam goo" wa lug la".

HOSEA 8:6

Israela lo, moo" zei: su: dayug gi soolhoo: ri koid to" da:. Houg: lho: hau: zigi yu phara" nyang: anghoid nghoid da:. Samari moo no' da" nujung loo: gi ajab, amoin' baid khyoeb pyam zi shoug" wa.

GYUNG: SOO" 32:14

Houg: lho: akhid"- nanu" gi nanu" da" phoug" phyid" yi da" joyoo moo: thid vang abye: go". Yooboo yo" da" byuxeig aseig dayang: gi Aseing da" nheig joem: yo: da" ziri Israela byumyu" adang moo: khe: khyo' yu wa jen" jen" nghoid nyid abye: go".

Roma 11:4

Hougsu" nghoid loug we' - Elia ri Mangsoo: khasu" doem ga: lha". Mangsoo: gi - Ngoo gi bala' phara" ri u" pid' apid' - no' we' ano' mo. Byu nyhed khyeing" ri - nga" shid' re" teung too" byid: bye. ga: wigi tid.

Roma 2:5

Nghoidloug we' - nang gi u" loem' thain: ci: lho: wigi nheigloem: ayo" thid'. Houg: yoomo - Mangsoo: nheig yo; lo lho: - dain: khyo" tarha" dang: phyed' lo da" bidnyid ri - re" shid' re" je lid: da" yoo bo dam ri shau" kham zoo: wa.

2 TIMOTHI 3:13

Akhyeing" ashoeb, da" byu yi yo' mhoug zoo: mhoug shug yen" da" byu yi koem gi-subi" yo" mhoug zoo: lang" nyang: nyang: ri we' mhoug zo: zi doem, thoung" shau" wigi akhyeing" ashoeb, ziyo' age da" khyoo: moo age da" khyoo: khyoo:- je" je, jhen" vang lo boem wa zi nghoid nyid.

1 SAMUELA 10:1

Hau: thang: ri Samuela gi zhainloin: xu: bo da" jhuang: daloem: yu wigi Sholu da" vhuloem moo foid gyoin: lho: nyang: ri boobug bug wigi Aseing gi nya: Israela byumyu" yiri vhoebkhang" wa shid re" mainkaid xu: foid shoin" byid: nyid zi nghoid. Nang gi nya: byumyu" yiri vhoebkhang" lho: nyangnu" da" gyivoo joem lo, mo we' nyangnu" ri lhoug zung" byid: ca" wa zi nghoid. Xo' wigi he: khyoo: gi Aseing nang ri khyen: yu lho: nya: byumyu" yiri vhoebkhang" wa shid re" nang ri ci: shug da" sagse: nghoid nyid.