HOSEA 13:16 - Lacid Common Language Bible

¹⁶ Samari gi ngoo ri gyi koid thougtheung yoomo yooboo dam byid: ca". Nya: voobyu yigi meing: zain: jang: moo shid: byug goo" wa zoonu" yigi myidgung moo thung" khyoeb said pyam zi shoug" goo" wa. Houg: lho: zoo: voin da" myiyi: yigi lang: kho' pyam zi shoug" goo" wa.

HOSEA 13:16 교차 참조

2 KHOKHAM 15:16

Menahem gi Tirza khyoo: yhe: da" gyung: khyoo: mo Tapua yo' voobyu yi- houg moo lheing khoem to" da" mougmyid joem ri bain sho' phyo' shoin' pyam da:. Ciwim ga: ri voomoo" gi nyang: ri asoem" abyid: yoomo nghoid da:. Nyang: gi zoonu" gung nghoid da" myiyi: yi dangain" rilang" voem: doug: thau" phoug pyam byid: da:.

2 KHOKHAM 17:18

Aseing gi Israela byumyu" yiri nheig yo: wigi houg bang: ri nya: shidkhoin" mo khaid thu pyam da:. Yuda mungdain: ri za: teing to" da:.

2 KHOKHAM 17:5

Hau: thang: Shalmanesa gi Israela mung" khyoo: jhen" vang yhe: lho: Samari voomoo" ri vang: to" da:. Vang: to" da" soem" zain ein: zain

2 KHOKHAM 17:6

Hoshea vhoeb zi goug: zain ein: zain moo Asuri khosen gi Samari ri seing: yu lho: thung: byu yi khyo" Israela byu yiri Asuri mung" khyoo: shu" lo" ago". Dayham" ri Hala voomoo" moo dayham" ri Gozan mung" du mo Habora gyid lang nam moo dayham" rigi Media byu yi voomoo" joem moo nyhid: to" ago".

2 KHOKHAM 8:12

Hazaela gi «Ludaid phoo we"- nang ciwim yoomo ngau nyid la"» ga: myid: da:. Houg: lang" Elisha gi «Israela byumyu" yi adang moo nang yu" gyoug sho' da" gyi koid ri" wa ziri ngoo si' yoomo nghoid. Nang gi nyangnu" gyidab joem ri myi: nghe'- bue" thang da" nyangnu" zooyam yiri said- nyangnu" da" zoonu" yiri du" said- zoonu" gung lid: da" myiyi: yiri voem: dau: thau" khyam" pyam ri" wa» ga: tid.

ESAIA 13:16

Nyangnu" asho" ajhen: yu" nyid uri nyangnu" da" noug" nu" yigi baid mhoin' said pyam zi shoug" goo" wa. Nyangnu" da" yhoem: joem gi lhoid yu pyam zi shoug" lho: nyangnu" da" yhoem: seing: myhi' yi ri rue" pyam zi shoug" wa» ga: tid.

ESAIA 17:3

Israela gi goem loem khyoo: ajo, wa. Damasku gi loid byoin khyoo: byug byug wa. Nyid deing da" Suri byu yigi Israela byu yi yo' dayhang: ti" ngi: yoem" loo wa. Ngoo myhang: thang Aseing tid bye:» ga: tid.

ESAIA 8:4

Hau: yuggi nu" ‹Nga" yhed› ‹Nga" ba"› ga: ase' tid shi" ri Damasku mo jonu" dangain" yo' Samari mo jonu" dangain" gi Asuri khokham wigi de" phang: lo" zi shoug" goo" wa ga: ngoo ri tid da:.

HOSEA 10:2

Nheigloem: mhoug fain" da" byumyu" yigi nyangnu" da" yooboo joem gang mo akhid" kyi" khyeug kham zoo: ca" abye:. Mangsoo gi nyangnu" phoin: joem ri baid kho' mhoin' pyam byid: lho: nyangnu" da" gyeung" shang: zeing bung: joem ri phyo' shoin' pyam loo wa.

HOSEA 11:6

Nyangnu" voomoo" joem moo meing: zain: zi dang: gyo" lo wigi voomoo" vang khyam: khoem" moo" duang: ri phyo' khyo' pyam byid: loo wa. Nga" byu yigi nyangnu" myid moo ge thang ga: myid ziri koid da" gang mo hau: ze wigi nyangnu" ri said toem" pyam wa.

HOSEA 7:14

Nyangnu" gi ngoo ri nheigloem: phyu: ziyo' amho' boem nghoid ago". Nghoid loug we' hau: gungthid nyangnu" gi nyangnu" da" gung ri pyam lheing: kaid lho: tungbau yi yhang: ti" kougshu: yoid ngoug ago". Shivoo: yo' zabyid yhid: re" akyu" mho' uri tungbau byu yi yhang: ti" yham" khyam" wigi nyang: nya: gung ri dam tab yu ago". Nyangnu" gi gye" thougtheung gyi koid mo, nghoid ago".

AMO 1:13

Aseing tid zigi «Amon voo bang: gi pug lho: pug lho: yooboo ri dakoid nyid boem yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi mougmyid ri ce" yu wa shid re" gyi zain: lho: Gilead moug: mo gung lid: ci: da" myhi' zeing yiri voem: doug: yham" kho' pyam byid: boem ago".

AMO 3:9

Egutu yo' Ashdod khokham khoo" vang khoug: moo nyid mo, ri tid fu" we'. «Samari bouggung joem tho' moo phung: foem: lho: houg: moo abyoo asain" wim jo, ziyo' youg: noo yooboo moo" shoid vhang: nyid ziri yu" ge'».

AMO 9:1

Aseing gi phoin: nam moo yab jo, ziri ngoo myang. Nyang: amyeung" byid: da" dang: khoin" gi «Noku Yhoem: Moo" mo khungvoin zeing vhu" joem ri yoem: kaid baid kaid wigi apoem: ayang: dangain" ziri lei" loo" nhang: wa. Hau: ziri gyau: loo" nhang: lho: mung" byu yi da" vhuloem moo gyo" zeig baja". Nyid deung da" mung" byu yiri ngo wigi meing: zain: jang: moo said pyam wa nghoid. Hang" dayug we' yo" phang: loid loo" wa zi anghoid.

MIKHA 1:4

Hau: thang: ri myi: zang" da" byooshung" yhang: ti" boem joem gi nya: khyid: yang: moo yau, yu: lo" lho: Hau: zigi bouggung tho' mo gyid foid shoin" kaid ziyo' dakhyoo" ti" jang: gyu" lang: khoug: khyoo: yau gyo" lo" boem wa zi nghoid.

MIKHA 6:16

Nanu" gi Omri khokham yo' nya: zoo: Ahab khokham da" akhyeing" ashoeb da" moo" zoo" moo bo cang yoomo hid: su" bue" loo" goo" wa. Nanu" gi nya: phatang: da" akhyoo" joem moo xo' koid nyid boem yoomo ngoo gi nanu" ri byo, yoin" nhang: lho: yugkhang" moo" gi nanu" ri aphoug" akhyoid koid lo boem wa nghoid. Khyi' khang" moo" mo byu joem gi nanu" ri anoug akhyoid zoem" khau: lo boem wa nghoid.

NAHUM 3:10

Akhid" koem' gi Thebe mung" byu yigi goo" moug: khyoo: pyoung" lo" zi shau" ago". Khyoo: kang" khang" moo" moo nyangnu" da" zooshang: yigi baid said to" zi shau" boem bye:. Nyangnu" da" vhu" she: ludaid yigi jangcoo" wigi tei" she: lo" zi shoug" lho: nyangnu" ri re" tei" shi: mo, gi gam go" lo boem bye:.