HOSEA 13:13 - Lacid Common Language Bible

¹³ Israela gi kangso' dei nyid wa akhang" yoo" nghoid loug we' khu: thu ri" wa za: danghoid lo: da" zoonu" gi nya: myhi' ung: mo ayo" thu re" ziyo' dayhang: ti" nheig agyeing: wigi sung ko" lho: hau: akhang" ri ashau" kham: yu nghoid ago".

HOSEA 13:13 교차 참조

2 KHOKHAM 19:3

He: zigi Esaia ri yhe: tid kyoo" wa shid re" nyangnu" ri nyang: tid kaid da" mungdang: nghoid. Hau: zigi «Akhid" nyid" gi yau: khi" kham zoo: da" bidnyid nghoid. Ngoonu" gi yooboo dam byid: ziyo' ngi: yoem" zi shoug" bidnyid nghoid. Ngoonu" gi zooshang: khu: wa jen" jen" nghoid nyid loug we' hau: zooshang: khu: wa shid re" yoem: neing: nyid da" myiyi: myhi' dayug yo' du nyid da:.

COUNG" NGHEI 48:6

Nyangnu" gi hau: khyi moo zookhu: wa soin wigi zookhu: noo no nyid da" myiyi: myhi' yhang: ti" atho' tid lo: da" uglid zoo" moo mhoo: khyoo: foo: khyoo: she: thoung" kam" yen" da- sangphoo lhid yo' dakhyoo" ti" gyoug nain" ziyo' yau: khe" kyi" khyeug zi thoung" shoug" nyid ago".

DANG: ZHOEM 22:3

Aphyoo" athang: se' myid yu" bang: gi yau: khe" khyoo: ju" lo nyid da"' uri myang lho: wigi jang" pyam, boem wa zi nghoid. Amyed, yu" su: koem gi houg: khyoo: dain" za: yhe: lho: thoung" shoug" thang: ri she' nung myid yo" loo wa zi nghoid.

ESAIA 13:8

Nyangnu" dangain" gyoug boem wigi zookhu: noo no da" myiyi: yo' dakhyo" no zi shau" boem goo" wa. Nyangnu" nyang: cang" gyoug wigi yu" loo goo" wa. Nyangnu" da" myonhoo: gi sho' ziyo' nge" nyid boem wa.

ESAIA 21:3

Ngoo shau" myang shoug" gyoo: da" yoeb myang gi ngoo ri gyoug nhang: wigi zoo khu: noo no da" myiyi yo' dayhang: ti" ngoo ri noo nhang: da:.

ESAIA 26:17

Aseing we" «Nang gi zookhu: noo no da" myiyi: myhi' kyi: ngau yhang: ti" nang ngoonu" ri kyi: ngau nhang: abye:.

ESAIA 37:3

He: zigi Esaia ri yhe: tid kyoo" wa shid re" nyangnu" ri nyang: tid kaid da" mungdang: nghoid. Hau: zigi «Akhid" nyid" gi yau: khi" kham zoo: da" bidnyid nghoid. Ngoonu" gi yooboo dam byid: ziyo' ngi: yoem" zi shoug" bidnyid nghoid. Ngoonu" gi zooshang: khu: wa jen" jen" nghoid nyid da" myiyi: myhi' yo' du. Nghoid loug we' hau: zooshang: khu: wa shid re" yoem: aboo nghoid da:.

ESAIA 66:9

Nga" byu yiri zoo: khu: wa azhang yo' nyangnu" ri akhu: loo nhang: sho' da" azhang khyoo: ju" sho' ngoo bui" nhang: loo wa ein: ajhoo: goo"» ga: Aseing tid too" bye:.

YEREMIA 13:21

Re" bidnoem yi ein: nang myid loem nyid da" bang: wigi nang ri meing: zain: oung: pyam lho: re" adang moo vhoeb zo: boem ri nang khasu" ein: tid wa la". Nang gi zookhu: nyid da" myiyi: yo' dayhang: ti" noo wa zi nghoid.

YEREMIA 22:23

Nanu" gi Lebanon mung" mo de" lo da" shamu gam joem agung moo goem loem zi shau" boem wa. Nghoid loug we' myiyi: dayug zoo: khu: noo no yhang: ti" Kyi" khyeug kham zoo: ziri nang shoug" lang" nanu" gi khayhi' kyi" khyeug shoug" su: nghoid la".

YEREMIA 30:6

Akhid" theing: lho: myid yu" ge'. Yuggi dayug gi zooshang: yo" khu: la". Houg ri ciwim yoomo yuggi yugkhang" moo" gi zoo: khu: da" myiyi: yhang: ti" Lo, ri nya: voem doug: dang moo ke" ci: ziri ngoo shau" myang la". Yugkhang" moo" ciwim houg: yhi' boo" boo" wim go" lha".

YEREMIA 4:31

Ngoo gi zookhu: noo no nyid da" myiyi: dayug kyi: ngoug ziri shau" gyo:. Zooshid" ri khu: nyid da" myiyi: dayug kyi: nyho: nyid da" thui: yhang: te" ziri shoug" gyo. Hau: zigi so' moo" she: nyid da" Yerusalem da" ngoug myheing" thui: nghoid da:. Nyang: gi nya: lo, ri yhoin" kaid wigi «Ngoo gi joem: bye:. Nyangnu" gi ngoo ri said pyam wa ga: re" lo nyid bye: go"» ga: tid nyid da:.

YEREMIA 49:24

Damasku byu yigi yoem: neing: lho: gyoug dain lho: phang: lo" ago". Nyangnu" gi zookhu: noo no da" myiyi: dayug yhang: ti" no wigi kyi" khyeug shau" ago".

HOSEA 5:4

Hau: byumyu" yi koid da" akhyeing" ashoeb da" moo" gi nyangnu" ri Mangso jhang khyoo: ayo" lheing: loo wa khyo" toem' pyam byid: ago". Soolhoo: no' da" thung" gi nyangnu" ri yoem: so' yo' teing zei: ci: da:. Houg: yoomo nyangnu" gi Aseing ri ayhen: yu nghoid ago".

YOHAN 16:21

Myiyi: dayug gi zoo: khu: wa uri gyi" sho' no zi shau" lho: bain khu: kaid lang" gi mougmyid moo byu dayug yo" khu: kaid yoomo nyang: kham: zo: da" noodam ri to" myhid' bye.

YOHAN 5:4

(Aseing: da" moug: lagyoo: yi gi daso' dadam gyid thoem" moo gyoo" lo lho: gyid ri lhu: nhoin, yoomo gyid thoem" noin" loo wa zi ri noo mo gi lang" nyid boem. Khasu" wim gari hau: gyid thoem" noin" lo da" uri xang" shid" gyid thoem" khoug: khyoo: yo" vang yhi: su: gi noo ge lo.)

ACTS 24:25

Nghoid loug we' - Polu gi ge, shoeb da" khyoo: ri nyang: nya: da" gung du: ri vhoeb, khang" da" khyoo: ju" loo wa da" tarha" dang: phyed' bidnyid da" khyoo: ri kho" kyo" nyid lang" gi Philid' gi gyo: gyoug lo wigi akhid" nang loo" re' - thang: phyang" agoo ngab lang" Nang ri doem khi: wa ga: tid.

2~KORINTHU 6:2

Tam" gyoo: ge" - Mangsoo tid zigi Ngo nanu" ri jeju" byid: wa ayo, ju" loo lang" nanu" da" mho' yoid thui: ri ngoo tam" gyoo: byid bye. Ngoo nanu" ri khyoid yu wa da" bidnyid ju" lo uri Nanu" ri ngoo pang" thoug byid:- bye ga: wigi nyang: tid nyid. Mangso da" jeju" kham: yu wa zigi - akhid" lang" ge eung: da" ayo, nghoid bye- Yu" ge"-Akhid" lang" khyoid yu da" bidnyid nghoid nyid.

TARHA" TID POIN" 32:6

Koo" bang: yo' nheig agyeing: da" byumyu" yi nanu" gi Aseing ri nanu" hid: su" koid eung: go" re". Nyang: gi nanu" da" nya: phoo- nanu" da" phain" so: Aseing nghoid da:. Nyang: gi nanu" ri byu damyu" bui" nhang: too" bye:.

1THESALONI 5:3

Byu yi gi jo, moo jo, myenjham" lho: wigi gau: nyu: bye ga: tid goo" wa zi nghoid- houg: su" ga: tid uri -zoonu" gung nghoid su: gi zoo: khu: wa shid' re" bidnyid noo no re" yhang: ti"- ci: amyid' too" lo: za: hau: byo, yoin" lo" khyoo: gi nyid' dain' tung nanu" jang" moo ju" loo wa zi nghoid wigi byu yi gi hang" we' yo" loid, loo' wa zi anghoid.