HOSEA 13:11 - Lacid Common Language Bible

¹¹ Nga" nheig yo: ziyo' nanu" ri khokham yiri byid: bye:. Houg: lho: nga" nheig joem: yo: zi wigi nyangnu" ri yu pyam bye:.

HOSEA 13:11 교차 참조

DANG: ZHOEM 28:2

Mungdain: daloem: yooboo shoid nyid zigi Khokham dayoug thang: moo: dayug do, loo wa zi nghoid. Vhu" nug ge lho: se' myid yu" da" vhu" shi: bang: shu" vhu" she: rigi hau: mungdain: gi geung: teung jo, wa zi nghoid.

HOSEA 10:3

He byumyu" yigi khamyhang amyang" ri «Ngoonu" gi Aseing ri agyoug phoug" yoomo khokham ayo" boem loo:- nghoid loug we' khokham dayug yug ngoonu" shid re" ci yo" koid byid: wa la"» ga: tid loo goo" wa.

HOSEA 10:7

Nya: da" khokham gi gyid dang mo seig jab yhang: ti" shu" lo" zi shoug" wa.

HOSEA 3:4

Israela byumyu" yi we' hid: yo' dakhyo" nyang: ayo, myang" sho' khokham we' ayoo"- vhu" shi: bang: we' anyid- xoin" we' angei" byid:- gyeung" shang: lug zeingboung: joem we' ajo,- boid phyed wa yu phara" soolhoo: joem yo' gung du: soolhoo: joem we' ajo, loo: yo" nyid re" goo" wa.

HOSEA 8:4

Nga" byumyu" yigi khokham yi khyen: nghoid loug we' nyangnu" nya: myid khyo" khyen: ago". Nyangnu" gi vhujhung: yi khyo" moo" foin: too" loug we' nga" myid veing" khyoo: aboo nghoid da:. Nyangnu" gi nyangnu" da" ngei yo' sheing: ri yu lho: soolhoo: joem koid ago". Hau: zigi nyangnu" da" byo, yoin" khyoo: nghoid da:.

1 SAMUELA 10:17

Samuela gi Mizpa joyoo moo: noku thung" yo' sen: da" zoebphung: koid wa shid re" mung" byu yiri dage" khe: foem: to" wigi

1 SAMUELA 10:19

Ngoo gi nanu" da" yau: khe" kyi" khyeug khyoo: dangain" jang" mo khyoid yu da" nanu" Mangsoo nghoid nyid. Nghoid loug we' akhid" nyid" nanu" gi ngoo ri ngeug he: pyam lho: nanu" shid re" khokham dayug byid: wa khyo" ngoo ri mho' nyid ago". Gi bye: Aseing da" shidkhoin" moo akung: yo' akung: byumyu" yo' byumyu" nanu" nyang: zeung: foem: nyid ge'» ga: tid bye:.

1 SAMUELA 12:1

Hau: thang: ri Samuela gi Israela byumyu" yiri «Nanu" ngoo ri mho' gu: dangain" koid byid: bye:. Nanu" ri vhoebkhang" wa shid re" khokham dayug we' ngoo nanu" ri byid: bye:.

1 SAMUELA 12:13

«Akhid" gi nanu" khyen: yu to" da" khokham gi hid: moo nyid nyid bye:. Nanu" nyang: ri mho' ziyo' dakhyoo" ti" akhid" Aseing gi nanu" shid re" nyang: ri byid: bye:.

1 SAMUELA 15:26

Samuela gi nang yo' dage" ngoo doem tau" loo" wa zi anghoid. Aseing da" amyeing" dang: ri nang atam" gyoo: yoomo nang ri Israela byumyu" yi da" khokham aya: mo nyang: khyo' pyam zi nghoid» ga: doem phug tid.

1 SAMUELA 16:1

Aseing gi Samuela ri «Sholu shid re" nang khamyhang ju" sho' nang nheig kug nyid shi" wa la". Nyang: ri ngoo Israela khokham aya: mo khyo' pyam bye: zi nghoid. Nghoid loug we' zhainloin: xu: dajhi' ri ci: wigi Yese ga: su: nyid da" Bedlehem voogung khyoo: yhe: yu" we' ciwim gari nya: yuggi zoo: yi mo dayug ri khokham koid wa shid re" ngoo khyen: too" bye: zi nghoid» ga: tid bye:.