HOSEA 13:10 - Lacid Common Language Bible

¹⁰ Nanu" khokham yo' vhujhung: yiri mho' ago". Nghoid loug we' nyangnu" wigi byumyu" mungdain: ri khasu" yo" khyoid yu goo" wa la".

HOSEA 13:10 교차 참조

1 KHOKHAM 12:20

Israela byumyu" yigi Yeroboam Egutu mo doem tau" loo bye: ga: ziri shoug" gyoo: lang" nyangnu" nya: jang" khyoo: byumyu" yi zoebphung: koid wa shid re" khe: kaid boem wigi nyang: ri Israela khokham koid nhang: bye:. Yuda byumyu"' akung: dakung: kyeing" za: David amyed ashen yiri dang: zung" deing nyid shi" da:.

2 KHOKHAM 17:4

Nghoid loug we' dazain moo Hoshea gi Egutu khokham So jhang lagyoo: nhang: wigi nyang: ri pang" yu wa mho' nhang: kaid da:. Houg: lho: zain khang" moo" Asuri ri byid: nyid da" khang" doug ri abyid: loo theung: pyam da:. Shalmanesa gi hau: khyoo: ri si' lang" nyang: gi Hoshea ri myheig yu lho: thung: lhung to" da:.

COUNG" NGHEI 10:16

Aseing gi apyaid atoo: mo khokham" nghoid- gootu: phara joem ri no" mo, dangain" gi he: mougmyid mo byoug shang loo" wa.

COUNG" NGHEI 149:2

Israela byumyu" yi we"- nanu" ri phain" so: to" da" Aseing yoomo gau, yi nyid we'. Ziun da" byumyu" yi we"- nanu" da" khokham phoo yoomo gau, yi phau: khuang: nyid we'.

COUNG" NGHEI 44:4

Nang gi nga" khokham yo' nga" Mangsoo nghoid. Nang gi re" da" byumyu" yiri oung: doid lo" khyoo: ri byid: lho:

COUNG" NGHEI 74:12

Nghoid loug we' nang gi xang: shid mo nyang:- ngoonu" da" khokham nghoid bye:. Nang gi ngoonu" ri myoo" sho' lheing: we' khyoid khyi: yu yu" bye:.

COUNG" NGHEI 89:18

Aseing we" nang gi ngoonu" ri goem loem byid: wa su: khyen byid: nyid da:. Israela da" gyeung" shang: Mangsoo we" nang gi ngoonu" shid re" khokham byid: too" bye:.

ESAIA 33:22

Hau: lhid joem mo tei" joem gi amyed afoo" nghoid da:. Lhid mo pain" ruang: ri ayo" pei: to' kaid nghoid da:. Ngoonu" gi gyivoo gyidab joem da" jonu" dangain" ziri yo" seing: yu goo" wa. Sung myo: yoomo khyid: gyoug: bang: lang" gamboem shoug" yu boem goo" wa. Aseing nyang: nyang: nanu" khokham nghoid loo wa. Nyang: gi ngoonu" ri vhoeb wigi goem loem byid: loo wa.

ESAIA 43:15

Ngoo gi re" Aseing gyeung" shang: da" Mangsoo nghoid. Israela we"- ngoo gi nang ri phain" so: too" su: nghoid wigi ngoo gi re" khokham nghoid» ga: tid.

YEREMIA 2:28

«Nanu" nya: shid re" nanu" koid yu da" yu phara" joem gi khakhyoo: loo" bye: la" Nanu" yau: khi" shoug" nyid uri nanu" ri nyangnu" yo" khyoid yu boem nghoid ri khyoid yu boem baja". Yuda we" nang moo voomoo" joem jo, myhoo' yu phara" joem yo" da:.

YEREMIA 8:19

Tam" gyo: yu" ge'. Damoug: gyab goin" moo nga" byumyu" yi ngau nyid ziri shoug" gyo. Aseing gi Ziun moo anyid loo rhe". Ziun khokham gi houg moo anyid loo la"» ga: ngau nyid. Aseing nyangnu" khokham gi «Nanu" gi nanu" da" soolhoo: joem ri no' da" khyoo: yo' Ci akyu" abo da" nanu" da" tungbau meing: mo yu phara" joem ri goeb pid da" khyo" Ngoo ri ciwim yoomo nheig yoo nhang: go" la"» ga: phug tid da:.

NGOUG JI: 4:20

Nyangnu" gi ngoonu" da" kangso' apoem: ayang: ri to" da" Khokham phoo ri jhen" vang lo da" yugkhang" moo" mo, ngoonu" ri goem loem byid: wa ein: ngoonu" myid loem too" su: Aseing wigi: khyen: to" su: ri myheug yu pyam byed: boem ago".

HOSEA 10:3

He byumyu" yigi khamyhang amyang" ri «Ngoonu" gi Aseing ri agyoug phoug" yoomo khokham ayo" boem loo:- nghoid loug we' khokham dayug yug ngoonu" shid re" ci yo" koid byid: wa la"» ga: tid loo goo" wa.

HOSEA 13:4

Aseing gi «Ngoo gi nanu" ri Egutu mo shu" thu lo da" nanu" da" Aseing Mangsoo nghoid. Nanu" gi ngoo mo lid wigi Mangsoo gootu: ayoo" nghoid ago". Ngoo dayug kyeing" za: nanu" da" khyoid yu Aseing nghoid.

HOSEA 3:4

Israela byumyu" yi we' hid: yo' dakhyo" nyang: ayo, myang" sho' khokham we' ayoo"- vhu" shi: bang: we' anyid- xoin" we' angei" byid:- gyeung" shang: lug zeingboung: joem we' ajo,- boid phyed wa yu phara" soolhoo: joem yo' gung du: soolhoo: joem we' ajo, loo: yo" nyid re" goo" wa.

HOSEA 7:7

Nyangnu" da" nheig yo: zigi lung re" wigi nyangnu" gi nyangnu" da" vhoebkhang" bang: ri said pyam ago". Nyangnu" da" khokham yigi dayug bain thang: dayug khau" said pyam shau" ago". Nghoid loug we' pang" thoug yu wa shid re" nga" jhang hang" we' akyu" amho' nghoid ago"» ga: tid da:.

HOSEA 8:4

Nga" byumyu" yigi khokham yi khyen: nghoid loug we' nyangnu" nya: myid khyo" khyen: ago". Nyangnu" gi vhujhung: yi khyo" moo" foin: too" loug we' nga" myid veing" khyoo: aboo nghoid da:. Nyangnu" gi nyangnu" da" ngei yo' sheing: ri yu lho: soolhoo: joem koid ago". Hau: zigi nyangnu" da" byo, yoin" khyoo: nghoid da:.

ZEKHARIA 14:9

Hau: bidnyid moo Aseing gi moug: gyab goin' jang" moo khokham koid loo wa nghoid. Byu yugkhang" moo" gi Mangsoo ri kyeing" goeb noku lho: nya: myeing ri kyeing" dasi' loo: wa.

YOHAN 1:49

Houg: lang" Nathanela gi Sara: we" nang gi ‹‹Mangso da" nya: zoo: nghoid Israela byumyu" yi da" khokham" nghoid.» ga: wigi Nathanela phougtu.

1 SAMUELA 8:7

Aseing tid zigi «Byumyu" yi nang ri tid lo da" khyoo: dangain" ri nang tam" gyoo: byid: we'. Nyangnu" he: pyam zigi nang ri anghoid nyangnu" da" khokham nghoid da" ngoo ri he: pyam nyid zi danghoid nyid.