HOSEA 13:1 - Lacid Common Language Bible

¹ Lid loo bye: da" ayo, moo Ephrim kung: bang: dang: tid da" uri Israela mo goo" kung: bang: gi gyoug ago". Nyangnu" gi Ephrim kung: bang: ri coem' nghang yu" ago". Nghoid loug we' hau: byumyu" yigi Bala ri no' lho: yooboo shoid ago" Houg: lho: he: gang mo nyangnu" shid: shoug" loo goo" wa.

HOSEA 13:1 교차 참조

APOEM AYANG: 2:17

ge ziyo' age ziri se' kho' da" lasi laleug shigam mo ashi" ri za: azoo:. Nang gi hau: agam mo ashi" ri age zoo: wa. Nang zo: nghoid rigi hau: nyid" moo shid: loo" wa nghoid» ga: tid.

1 KHOKHAM 12:25

Israela khokham Yeroboam gi Ephrim boem moug: Shekhem voogung ri vang khyam: kyam' lho: dayo, zoo: houg moo nyid nyid bye:. Hau: thang: nyang: thu lo" wigi Renuela voogung ri vang khyam: kyam' bye:.

YOBA 29:21

Ngoo phajhi" byid: lang" byu yigi sam: zoo: tam" jo, wigi ngoo tid ziri goo" lhoo' za: tam" gyo: ago".

YOBA 29:22

Ngoo tid pain' too" bye: jang" moo nyangnu" lung: wa ci: ajo, loo. Nga" dang: khoin" gi moug: gyid yo' dayhang: ti" zug: vang lo" da:.

DANG: ZHOEM 18:12

Nheigloem: akhyoo' su: ri hang" we' aphoug"- nghoid boin: mo, gi byo, yoin" lo" khyoo: moo: nyid ago".

ESAIA 66:2

Moug: gyab goin" ziri ngoo nyang: phain" so: to" zi nghoid. Nheigloem: nyhoem: khyo' mo, yo' nung myid yoo" bang:- ngoo ri gyoug phoug" bang:- nga" da" tid dang: gyoo: bang: ri ngoo vho: ngei da:.

ESAIA 7:8

Ciwim gari Suri gi nya: voomoo" zeing Damasku tho' yoem: aje boo. Damasku gi khokham Rezin tho' yoem: aje boo yoomo nghoid da:. Israela koem' gi byumyu" mungdain: daloem: khyo" nyid deing jo, wa bang: gi khyug xe: wim: zain: gyoo: moo gyoeb, mhoin' pyam' zi shoug" wa.

HOSEA 11:2

Nghoid loug we' ngoo nyang: ri je khi: lang" nyang: gi nga" jang" mo je lheing: phug lo" da:. Nga" byu yigi Bala ri xoin" ngei" byid: da:. Nyangnu" gi soolhoo: joem ri nam pyo: ja: nghe' ngei" byid: da:.

HOSEA 2:10

Ngoo gi nyang: ri nya: vho: ngei bang: da" shidkhoin" moo byimi khyoid pyam byid: lho: gung cen: koid pyam byid: wa. Nga" lo, yoem: so' mo nyang: ri hang" dayug we' are" yo" khyoid yu wa.

HOSEA 2:8

Nyang: gi nyang: ri shivoo:- zabyid yhid:- zhainloin: xu: yo' nyang: Bala ri no' da" uri nyang: ngei" byid: da" ngei yo' sheing: dangain" gi ngoo byid: zi nghoid ga: ziri khanham we' yhen: yu zi anghoid.

HOSEA 8:4

Nga" byumyu" yigi khokham yi khyen: nghoid loug we' nyangnu" nya: myid khyo" khyen: ago". Nyangnu" gi vhujhung: yi khyo" moo" foin: too" loug we' nga" myid veing" khyoo: aboo nghoid da:. Nyangnu" gi nyangnu" da" ngei yo' sheing: ri yu lho: soolhoo: joem koid ago". Hau: zigi nyangnu" da" byo, yoin" khyoo: nghoid da:.

GYUNG: SOO" 10:22

Hau: thang: Ephrim byumyu" yi wigi shu" da" dab dungkhoin: yang: mo mo, gi daphung: thang: daphung: Amihuda da" nya: yuggi zoo: vhujhung: phoo Elishama yo' dage" to' yhe: lo" ago".

GYUNG: SOO" 13:16

Hid bang: gi Moshe wigi mungdain: ri joo" yhe: yu" wa shid re" nhang: kaid da" jooyu" bang: nghoid ago". Nyang: gi Nun da" nya: yuggi zoo: Hoshea ri Yoshu ga: myeing thid myheing da:.

LUKA 14:11

Houg: su" nghoid yoomo nyang: nya: gung ri coung" byid: mo, gi khyo, nyhoem: pyam byid: zi shau" wa. Nyang nya: gung ri khyo, nyhoem: su: gi phau" myang: tu: to' kaid zi shau" wa ga: tid.

Roma 5:12

Yooboo gi byu dayug khyo" he: mougmyid moo ju" vang loo bye. Hau yug shoid' da" yooboo mo shid: da" khyoo: bue" loo bye. Hougsu" nghoid yoomo byumyu" bain sho' mo, gi yooboo shoid' yoomo shid: loo" ca" boem bye.

2~KORINTHU 5:14

Ngoonu" ri Khristu da" jheddab nheig loem: yo' vhoeb khang" too" bye. Khasu" wim gari byu dayug gi dangain" mo, shid re" shid: kham: bye: ziri ngoonu" nheig shid: nheig deug boem bye. Hougsu" wigi hau: khyoo: gi nyang: shid: kham: bye: jang" moo dangain" mo, bo shid" lklham bye: ga: da" dang kang: nghoid nyid.

YOSHU 3:7

Aseing gi Yoshu ri «Ngoo akhid" nyid" koid wa moo" zoo" gi Israela byumyu" dangain" bang: gi nang ri byu zeing dayug khyo" wigi ngi: shab shed" ri" goo" wa. Houg: lho: ngoo gi Moshe yo' dage" nyid lo yhang: ti" nang yo' we' dage" nyid ein: ziri nyangnu" se' ri" goo" wa.

TARHA" AGYI 12:1

Ephrim byu yigi gyi khaid pui" shid re" soin' nyid ago". Nyangnu" gi Yodan gyid lang ri gu: dab wigi Zaphona khyoo: yhe: lho: Yebtha ri «Nang gi ngoonu" ri nang yo' dage" akhid: loo: za: Amon byu yiri gyi zain: wa shid re" nang ciwim yoomo moug: khyoo" ri lid phyed yhe: lha". Ngoonu" gi yhoem: ri nang yo' dage" nghe' khyo' kaid wa» ga: tid ago".

TARHA" AGYI 8:1

Hau: thang: Ephrim byu yigi Gideon ri «Midian byumyu" yiri nang yhe: zain: da" uri ngoonu" ri ciwim akhid: go" lha". Nang ciwim yoomo ngoonu" ri hid: su" koid lha"» ga: myeing" myo: ago". Nyangnu" hau: khyoo: ri soo" soo" myeing" myo: ago".

1 SAMUELA 15:17

Samuela gi «Re" gung nyang: ce: yhouggyen: anghoid ga: myid ngham" nyid nghoid loug we' nang gi Israela byumyu" akung: ako' yi' da" vhujhung: nghoid nyid da:. Aseing nang ri Israela byumyu" yi da" khokham koid nhang: wa mainkaid xu: foid shoin" byid: bye: da:.