HOSEA 12:8 - Lacid Common Language Bible

⁸ Nyangnu" gi ‹Ngoonu" gi yoo" zoo: yoo" shug da:. Ngoonu" moo zhafa: bo. Ngoonu" adeingmain" da" khyo" jonu" yo" ziri hang" wigi yooboo ayo" zhug› ga: tid ago".

HOSEA 12:8 교차 참조

COUNG" NGHEI 49:6

Nyangnu" da" myo: lug jonu" ziyoo moo nghoid boin: phau: khuang nyid lho: nyid gi nyid de, khyoo: moo: khau: nghe: nyid da- akhyeing" ashoeb byu yi wigi lheung khoem to" zi shoug" nghoid loug we' gyoug ci wa khyoo: ci: aboo.

COUNG" NGHEI 52:7

Yu" ge' nyang: gau: nyu: wa shid re" Mangsoo ri aloem loo za: hau: gungkhoo: nya: da" myo: tham: jonu" yo' akhyeing" ashoeb khyoo: moo gau: nyu: khyoo: sho: nyid da" byu dayug hid: moo: nyid" ga: wigi tid.

COUNG" NGHEI 62:10

Athoug" akhyoug: khyoo ri nanu" anghe: khau: nyid goo- lhoid zoo: lhoid shoug khyo" yo" yu da" zi ce: ja: ri we' nheug myid abyu nyid goo". Nanu" yo" loo de loo nghoid loug we' hau: ziri nheug anhei: nyid goo".

DANG: ZHOEM 11:1

Aseing gi adeing amain" da" joid" jang ci: bang: ri ngheung" nyid. Deingmain" da" jang shi" joem ri nyang: vho ngei nyid.

DANG: ZHOEM 30:12

Lo" thang sho' aco' ajhoid bue" nyid nghoid loug we' nyang: nya: gung ri gye" gyeung" shang: ga: myid nyid mo, byu dayham" nyid.

DANG: ZHOEM 30:20

Dangsoo" azoung" da" yhoem: seing: myhi' gi hid: su" koid- nyang: avoid avhu: koid shoid pyam thang: ri gung yhe: ced" pyam, lho: ngoo ci: ashoid bye: re: ga: tid.

YEREMIA 2:23

Nang gi Bala ri khanham ano' lo yu" ga: nanya: gung ri agyeing" ashang: akoid ein: yo" tid wa la". Langkhung" moo nang yooboo shoid lo ziri yu" yu" we' nang koid lo ziri yu" we' Nang gi amyoug: mho' da" Gola-ug lam" dain" pyoid yoo cang khaid yen" wigi tang" doin yen" ziyo' du da:.

YEREMIA 2:35

nanu" gi ‹Ngoo gi yooboo ayoo"- gyeing" nyang: Aseing gi ngoo ri nheig ayoo: loo: wa› ga: tid ago". Nghoid loug we' nanu" gi yooboo shoid bye: ga: ziri ngeug he: pyam yoomo ngoo Aseing gi nanu" ri yooboo dam byid: wa.

YEREMIA 5:27

Shoo" khaid su: gi nya: da" gyoin: khoug: moo ngho' joem byeung" sho' kaid ci: yhang: ti"- nyangnu" gi nyangnu" yhoem: joem khoug: moo lanyhoeb byeung" sho' kaid to" ago". Houg: yoomo nyangnu" gi yoem: so' bo lho: jonu" yo" ago".

EZEKIEL 28:5

Nang gi phajhi" bo da" phaga: moo" koid lho: atu" amyaid xo' sho: nyid da:. Nang gi re" jonu" ziyoo atho' moo khayhi' nghoid boin: nyid la".

HOSEA 13:6

Nghoid loug we' mougmyid ge jang" khyoo: vang yhe: lo" lho: nanu" gi gye" shoug" zo: ziyo' nheugshid: nheugdeug boem lang" nghoid boin re" wigi ngoo ri to" myhed pyam abye:.

HOSEA 14:1

Israela byumyu" yi we" nanu" Aseing Mangso jhang khyoo: doem tau" loo ge'. Nanu" yooboo gi nanu" ri khyid: vhu" thung" wigi lheing nhang: bye:.

HOSEA 4:8

Nanu" gi nga" byumyu" yi da" yooboo mo yoo" zoo: yoo" shug lo ago". Houg: yoomo nanu" gi nyangnu" ri je wigi yooboo xo' koid nhang: nau ago".

AMO 8:5

Nanu" gi nanu" nyang: ri ngoonu" da" gug zoo yo" ung" wa shid re" gyeung" shang: bidnyid khanham yo" lid: loo" wa au: ein: lang" ngheung" nyid boem bye:. Dougno: Bidnyid khanham yo" lid: loo" wa lug au. Houg: lang" ngoonu" gi zi gu to' lho: jang fain" ci: ziyo' zi qei mo, ri mhoug zoo: wa zi nghoid o".

HABAKU 1:16

Nyangnu" ci: da" goin joem gi nyangnu" ri ja: khang" moo" mo ge thang ziri yo" yu nhang: yoomo nyangnu" gi nyangnu" da" goin joem rilang" goeb no' lho: xoin" ngei" byid: boem ago".

ZEKHARIA 11:5

Yang seing: yigi yang joem ri said loug we' ce: yooboo dam abyid:. Nyangnu" gi yang shoo" ri oung" lho Aseing ri coung" byid: we'. Ngoonu" gi yoo" zoo: yoo" shug bang: bui" bye: ga: tid boem. Yang ri zung" mo, lang" yang joem ri nheig akhyeug» ga: tid.

MALAKHI 2:17

Nanu" gi Aseing ri gyo: ngheing" sho' phibu pu' nyid boem wigi «Ngoonu" gi nang ri ce: ja: mo phibu pu' nyid lha"» ga: myid: nyid boem. Houg: lho: nanu" gi akhyeing" moo" ri zei: nyid mo, hang" we' myhang: thang da" Aseing shidkhoin" moo ge nyid zi nghoid nyang: gi akhyeing" da" moo" zei: nyid su: ri we' jheddab nyid» ga: tid ago". Hau: tho' moo gootu: nanu" gi «Deingmain" da" Mangsoo ga: zi khayoo: nyid» ga: tid nyid ago".

MALAKHI 3:13

Aseing gi hidsu" tid nyid «Nanu" gi nga" khyoo: ri dang: thain: daja: khyo" tid nyid ago". Nghoid loug we' re" khyoo: ri ngoonu" citid bye: lha"» ga: myid nyid ago".

LUKA 10:29

Hau: tarha" sara gi nya: deingman" khyoo: vhoo noug yoomo nga" yhoem: kyoo" cang" gi hang" nghoid lha"» ga: nyang: gi Yesu ri myed.

LUKA 12:19

Houg: lang" nang gi zain ved myoo" sho' zo: shug wa shid' re" ziyoo jonu" ri young: too" bye: yoomo nheigloem: pyoo" pyoo: danyid re'- zo: pyoo shug pyoo: nyid re- ein: ngoo nga" gung ri tid wa" ga: tid.

LUKA 16:13

Yhoem: seing: eig yug moo dei zoo: vang da" byu hang" we' anyid. nyang: gi dayug ri ngheing" lho: dayug rigi ngei wa. Nyang: gi dayug ri phau" myang: lho: dayug rigi aphoug" akhyoid koid: wa. Nanu" gi Mangsoo: yo"- ngei sheing: ri davhu" dam dei zoo: yo" koid: wa zi anghoid.

LUKA 16:15

Yesu gi nanu" ri nyang: nya: da" gung du: ri byu gi yi nghoid ga: subi" ri myang nhang nau ago". Nghoidloug we' Mangsoo: gi nanu" da" nheigloem: ri se' nyid. Byu yi gye" vho: ngei jheddab nyid da" zigi Mangso da" shid' khoin" moo gi ce: phoug" adab da" zi anghoid.

TARHA" TID POIN" 8:17

Houg: yoomo nanu" gi nanu" nya: yoem: so' yo' yoem: u" wigi nanu" nyang: koid lho: jonu" yo" zi nghoid ein: khanham we' age' myid wa.

1 TIMOTHI 6:17

He: mougmyid' moo kangso' dei nyid shi" baja"- ageing: ateung da" sudgain' yo' nyid gi nyid de da" khyoo: moo nanu" da" nheig nhei: joyoo akoid loo: za: ngoonu" goug goug yi yi yo" kham: yu wa shid re" ziyoo soidgain' dangain" ri yo" byid: da" Mangsoo moo nheig nhei: jang: geung: teung jo, wa shid re" amyeing" byid: nyid we'.

1 TIMOTHI 6:5

Hau: tho' moo gootu:- nheig abo ziyo' deingmain" khyoo: ri amyang ase' bang: jang" mo ngeig goo" byo, go" da" khyoo: gi daso' so' bue" thu lo nyid. loem, khau: da" noku thung" eing: zigi yoo" zoo: yoo" shug da" de lo khyoo: nghoid- ga: nyangnu" myid yu ago".

Pang Shug 3:17

Ngoo gi yoo" su: di su: nghoid yoomo ci: we' aca" loo:- ga: nang tid nyid. Nghoid loug we' nang gi khayhi' gyeung" da" asho" ajhen: nheig khyeig cang boo su: nghoid nyid ziri Nanyang: gi ase' nhung: lha". Nang gi sho" jhen: su:- byumi adab su: myo, jed, nu loem: su: danghoid nyid.