HOSEA 12:4 - Lacid Common Language Bible

⁴ Nyang: gi moug: lagyoo: dayug yo' gyi koid thougtheung lho: oung: pyam da:. Nyang: gi ngau wigi mainkaid jeju" mho' da:. Houg: lho: Bethela moo Mangsoo gi ngoonu" da" phoug" phyid" Yaku jhang re" lho: nyang: yo' ji goo" bye:.

HOSEA 12:4 교차 참조

APOEM AYANG: 25:26

Thang: yug gi Eso da" khanheig thung" thang: moo teing teing zei: ci: lho: khu: thu lo. Houg: yoomo nyang: ri Yaku ga: myeing myheing bye:. Hau: zooshang: tang: khu: uri Isag gi khyug xi: zain nghoid bye:.

APOEM AYANG: 32:24

Nghoid loug we' nyang: gi nyang: kyeing" nyid gyoo" kho'. Hau: thang: yuggi phoo dayug gi re" lho: nyang: yo' moug: boo" yid ju" sho' dab nheig go" da:.

APOEM AYANG: 32:25

Yuggi phoo gi nyang: ayo" oung: lo: ziri si' lang" nyang: gi Yaku da" tang" boug" moo thoin: byid: wigi tang" boug" shooyoug: thang: beig loo" khari" bye:.

APOEM AYANG: 32:26

Yuggi phoo gi «Ngoo loo" loo ba- moug: bo" lo nyid bye:» ga: tid. «Nang ngoo ri main akaid byid: byid: gi ngoo ayo" nhang: kaid» ga: wigi Yaku doem tid.

APOEM AYANG: 32:29

Yaku gi «Akhid" re" myeing ngoo ri tid khoo' we'» ga: tid. Nghoid loug we' nyang: gi «Ce: gang mo nang nga" myeing si nau lha"» ga: phug tid thang: ri nyang: gi Yaku ri mainkaid dang: tid byid: bye:.

APOEM AYANG: 35:15

Nyang: gi hau: joyoo ri Bethela ga: myheing bye:.

APOEM AYANG: 48:15

Hau: thang: nyang: gi Yoseb ri mainkaid byid: zigi «Nga" phoug" phyid" Abraham- Isag loem khoug: lo da" Mangsoo gi he: tang: ri mainkaid byid: baja". Nyangnu" gi zooshang: myoo: sho' amyed ashen myoo" sho' yo" loo goo" baja"» ga: mainkaid byid:.

COUNG" NGHEI 66:6

Nyang: gi panglai: ri kyug kyiri" da" tunggung bui" nhang: pyam lho: ngoonu" da" phoug" phyid" yigi hau: gyid lang moo: khyid: khyo" yo" so" lid: lo" boem bye:. Hau: joyoo moo nyang: koid shug bye: moo" zoo" joem yoomo ngoonu" gi gye" gau yi ngeibu: boem bye:.

ESAIA 63:9

Nyangnu" da" kyi" khyeug yau: khi" dangain" mo khyoid yu bye:. Hau: zigi moug: lagyoo: dayug anghoid. Nghoid loug we' nyangnu" ri khyoid yu su: gi Aseing nyang: nyang: nghoid da:. Nya: jheddab myid yo' nheig khyeug myid mo nyang: nyangnu" ri khyoid yu bye:. Nyang: gi lid: lo da" ayo, moo khanham we' nyangnu" ri goin coung: byid: lo da:.

MALAKHI 3:1

Yoem: moo" bo da" Aseing gi hid: su" ga: phug tid to" «Nga" shid re" khyoo: nyheing byid: wa nga" lagyoo: ri ngoo nhang: kaid wa. Houg: lang" nanu" sho: nyid da" Aseing gi yhoem: moo" moo nyeigdain tung" ju" ri" wa. Nanu" myang nau da" lagyoo: gi nga" dang: thang" cab ri tid fu" byid: loo wa zi nghoid.

1THESALONI 4:17

Hau: thang: ri hau: Aseing: yo' moug: laid' phyoo" moo shau" goo" wa shid re" ngoonu" dei nyid shi" mo, gi shid: loo" bye: mo, yo' dage" jhoem" moug" phyoo" moo shu" do, lo" zi shau" boem wa nghoid wigi ngoonu" gi hau" Aseing: yo' dage" khanham we' danyid nyid wa zi nghoid.

HEBRE 5:7

Yesu gi mougmyid tho' moo kang: so' dei nyid shi" ayo, - Nyang: ri shid: jang" mo yo" khyoid yu da" Mangso jhang thui: zeing yo' ngoug byid' ngoug nhab, thu' wigi akyu" mho' toung" pain zi koid yu" bye. Mangsoo we' Yesu da" mho' toung" pain: da" thui: ri tam" gyo: yu bye- Khasu" wim gari Aseing Yesu gi nyhoem: khyo, goeb, vang ziyo' ab, noung" xoin" to' zi nghoid yoomo lhoem: kham: yu bye.