HOSEA 11:9 - Lacid Common Language Bible

⁹ Nga" da: nheig yo: zigi nang ri ngoo yooboo dam abyid: wa. Ngoo gi Israela byumyu" yiri adoem phyo' shoin' pyam loo: wa. Ciwim gari ngoo gi Mangsoo danghoid byu anghoid. Gyeung" shang: da" yug- ngoo gi nanu" yo' dage" nyid. Ngoo gi nanu" jang" moo nheig yo: lho: re" loo wa anghoid.

HOSEA 11:9 교차 참조

2 SAMUELA 20:10

Amasa gi Yoab da" gootu: lo, moo ci: to" da" sham: yo' cikoid wa ajhoo: ri Yoab gi nya: voem: dau: ri thau" phug kaid bye: ziyo' khau: seing" khau: loem joem myidgung moo thu boem too" bye:. Nyang: gi daleing: dam shid: loo" bye: yoomo Yoab gootu: adoem thau" loo: nghoid da:. Hau: thang: Yoab yo' nya: nhung" Abishai gi Sheba thang: khyoo: yhe: loo" bye:.

COUNG" NGHEI 46:5

Mangsoo gi hau: voo moo nyid wigi hau: voogung gi khanham we' lhu: phyo' pyam zi shoug" wa anghoid. Nab kyoo: no' re- hau: voogung ri nyang: pang" thoug yu wa shid re" thu' re" loo wa.

COUNG" NGHEI 78:38

Nghoid loug we' Mangsoo gi nyang: byu yiri nheug khyeug nyid. Nyang: gi nyangnu" ri atoem" pyam loo: za: nyangnu" da" yooboo joem ri: khyoid pyam byid: lho: nyang: gi nya: nheigloem: nge" khyoo: ri myoo" sho' lheing: jham" loo" nhang: wigi nyang: nheug yo: khyoo: ri zeung: pyam nyid.

COUNG" NGHEI 85:4

Ngoonu" da" khyoid yu Aseing Mangsoo we"- ngoonu" ri akhang: yo' dakhyoo" ti" doem lhoem: tau yu we'. Ngoonu" ri anoug angei akoid nyid loo.

ESAIA 12:6

Ziun boem moo nyid da" byu yugkhang" moo" nyho: wigi jikhoin" khoin" we'. Israela da" gyeung" shang: da" Mangsoo gi gyi: sheung: da" su: nghoid da:. Houg: lho: nyang: gi nya: byumyu" yi agyoo: moo nyid da» ga: jikhoin" khoin" wa.

ESAIA 31:1

Egutu mung" khyoo: pang" thoug wa ziri yhe: mho' da" bang: gi joem: lo" abye:. Nyangnu" gi Egutu da" gyidab yoem: nghoid da" myang: joem myang: rheing" joem yo' gyizoo: yiri khau: nghe: ago". Nghoid loug we' nyangnu" gi Israela da" gyeung" shang: da" Aseing Mangsoo ri akhau: nghi: nghoid ago". Pang" thug wa shid re" we' nyang: ri amho' goo" nghoid da:.

ESAIA 41:14

Aseing gi Israela we"- nang gi nge wigi yoem: nheing: yhang: ti" nghoid da:. agyug- ngoo nang ri pang" thoug byid: wa. Nang ri khyoid yu su: gi Israela da" gyeung" shang: da" Mangsoo ngoo nghoid.

ESAIA 41:16

Nang gi nyangnu" ri moug: tho' khyoo: jhu" to' kaid wa. lid gi houg: bang: ri moid tang" lo" byug wa. Nyangnu" gi uglid wigi hau' tang" pyam zi shoug" wa. Hau: thang: nanu" ngei pyo: loo wa. Ciwim gari ngoo gi nanu" Mangsoo nghoid. Nanu" gi Israela da" gyeung" shang: da" ngoo Mangsoo ri coung" nghei loo goo" wa.

ESAIA 48:9

«Byumyu" yi nga" myeing ri coung" nghei byid: goo" wa shid re" nga" nheig joem: yo: ziri ngoo zeing: ci:. Ngoo gi hau: ziri tau" yu pyam lho: nanu" ri aphyo' pyam wa.

ESAIA 5:24

Houg: yoomo akhid" khoofoo: yo’ myo, kyug kyug joeb lo" yhang: ti" nghoid lho: myi: moo nge" lo" da:. Nanu" da" agyi: joem gi moin" lo" wigi nanu" da" bain: boo" gi shoem: kyug lo" lho: moid tang" lo" byug wa. Ciwim gari Israela da" gyeung" shang: da" Mangsoo- Myhang: thang da" Aseing wigi ngoonu" ri jhau" shid re" ziri nanu" ngeug he: pyam yoomo nghoid.

YEREMIA 26:3

Byumyu" yigi tam" gyo: wigi nyangnu" da" akhyeing" da" khyoo: joem ri to" ri to" pyam boem abe. Nyangnu" to" pyam boem nghoid rigi nyangnu" da" akhyeing" lo, moo" dangain" shid re" nyangnu" jang" moo bui" nhang: wa ein: ngoo soin' to" da" phyo' shoin' khyoo: yo' sen: wigi nga" myid moo kaid to" ziri ngoo to" pyam wa» ga: tid da:.

YEREMIA 30:11

Ngoo gi nanu" jhang re" wigi khyoid yu wa. Ngoo wigi nanu" ri nyhid: sain" to" da" joyoo mo byu yi dangain" ri said toem" pyam wa. Nghoid loug we' nanu" rigi ngoo asaid toem" pyam wa. Ngoo nanu" ri yooboo dam abyid: loo za: anhang: kaid wa. Nghoid loug we' ngoo nanu" ri yooboo dam byid: uri nyeung veung" khyo" koid wa. Ngoo Aseing tid too" bye:.

HOSEA 12:1

Israela byumyu" yi nab soin: mo zi myen" ayo, ju" sho' koid zi ja: khang" moo" gi ce: akyu" abo ziyo' phyo' shoin' zi za: nghoid da:. Mhau' ziyo' ajoem: theing moo" gi nyangnu" phung: gung moo je myo: lug re" da:. Nyangnu" gi Asuri yo' myid veing" thang" cab joem to" lho: Egutu bang: yo' phaga: moo" shoin" koid ago"» ga: tid.

HOSEA 14:4

Aseing gi «Nga" byumyu" yiri nga" jhang khyoo: doem shu" yu wa. Ngoo gi nyangnu" ri nga" nheigloem: ung: khoug: dangain" yo' jheddab wa. Nyangnu" ri ngoo khanham we' nheig ayoo: loo: wa.

MALAKHI 3:6

Ngoo gi Aseing Mangsoo nghoid. Khanham we' athid su: afang" su: nghoid. Yaku da" amyed ashen yi we"- nanu" gi thang sho' abain shid: doem: shi".

GYUNG: SOO" 23:19

Mangsoo gi se' mhau' da" byu yi yhang: ti" anghoid. Nyang: gi myid se' thid da" byu xangsu: ti" anghoid. Nyang: dangsoo" khoin" byid: to" zi cinghoid loug nyang: koid da:. Nyang: tid ziyo' dakhyo" bue" lo da:.

TARHA" TID POIN" 13:17

Phyo' shoin' pyam wa dang: phyed shau" da" ce: ja: ri we' re" shid re" azoem: ci:. Houg: lang" Aseing nya: nheig joem: yo: jang" mo lheing: lo wigi nanu" ri nheig khyeug shoo myen: zi ci: shug wa nghoid. Akhid" nyid" ngoo nanu" ri byid: to" da" nya: amyeing" dang: joem dangain" ziri nanu" tam" gyo: cang yhe: wigi nyang: mho' da" gu: ri koid nghoid rigi nyang: gi re" phoug" phyid" yiri dangsoo" byid: to" ziyo' dakhyoo" ti" nanu" ri nheig khyeug lho: myo: lug ri" nhang: wa nghoid.

1 SAMUELA 26:8

Abishai gi David ri «Mangsoo gi re" lo, khyoo: re" da" gyivoo ri akhid" myen ab byid: bye:. Akhid" ngoo nya: lham: yo' nyang:- myidgung khyoo: kyang sho' dalheing: dam ngoo nyang: ri goin kyang pyam ba. Eig lheing: nyang" apug goin ca" wa nghoid» ga: tid da:.