HOSEA 11:7 - Lacid Common Language Bible

⁷ Nyangnu" gi jhen" gi gi ngoo mo vi: khyoo: da tau" phang: lo" ago". Nyangnu" adang moo kyoug: voin vu, ci yoomo ngoo ri nyho: yoid loo goo" wa. Nghoid loug we' hau: yoovoin joem ri hang" wigi we' atu: pyam byid: wa.

HOSEA 11:7 교차 참조

COUNG" NGHEI 81:11

Nghoid loug we' nga" da" byumyu" yigi Ngoo ri: atam" gyo: boem. Israela byumyu" yigi ngoo ri tam gyo: lho: cang yhe: boem zi anghoid.

DANG: ZHOEM 14:14

Byugang yigi nyangnu" yo' moin: yi" ziyo' dakhyoo" ti"- shoug" kham: yu wa zi nghoid. Byugi yi we' nyangnu" zei: to" ziyo' dakhyoo" ti"- aphoug" ri shoug" kham: yu boem wa nghoid.

ESAIA 26:10

Akhyeing" da" byu yiri nang nheig khyeug sho' nghoid loug we' nyangnu" jo zi koid wa khanham we' ajhau" yu goo" wa. Deingmain" da" byumyu" yi nyid boem da" he: mungdain: moo lang" nyangnu" shoid khyoo: koid nyid ashi". Re" da" gyi: myhang: khyoo: ri xoem" byid: wa shid re" nyangnu" he: ngeug pyam ago".

YEREMIA 14:7

Nga" byumyu" yigi ngoo ri nyho: yoid ago". ‹Ngoonu" da" yooboo joem gi ngoonu" ri yooboo zhug nghoid loug we' Aseing we"- nang dangsoo" byid: too" byid: ziyo' dayhang: ti" ngoonu" ri pang" thoug yu la. Ngoonu" gi nang mo vi: khyoo: myoo" sho' lheing: lheing: phug lo" boem bye:. Ngoonu" gi nang ri thougtheung yooboo koid boem bye:.

YEREMIA 2:19

Nanya: akhyeing" ashoeb zigi nang ri yooboo dam byid: loo wa. Houg: lho: ngoo mo phug lo" zigi nang ri dang: phyed loo wa. Nang gi ngoo re" Aseing Mangsoo ri she: pyam kho' ziyo' ngoo moo jhug azug lo zigi khayhi' kho" lho: shoid nhung: ga: ziri yo" se' loo wa. Ngoo yoem: moo" bo myhang: thang Aseing tid bye:.

YEREMIA 3:11

Hau: thang: Aseing gi ngoo ri Israela gi nyang: mo lheing: phug loo" nghoid loug nyang: gi jhug azug da" Yuda tho' je ge shi" khyoo: ri ci: shug da:.

YEREMIA 7:25

Nanu" da" phoug" phyid" yi Egutu mo thu lo da" bidnyid mo akhid" nyid" ju" sho' nyang: ngoo gi nanu" jhang nga" dei zoo: Lapi: yiri nhang: kaid byid: bye:.

YEREMIA 7:26

Nghoid loug we' hang" we' atam" gyoo: cishu: we' anhang: nghoid ago". Hau: gungthid- nanu" gi nanu" phoug" phyid" yi tho' je nheigloem: thain: wigi je goemlu too' wa myid bo ago".

YEREMIA 8:5

Houg ri nga" da" byumyu" nanu" gi nga" jhang adoem phang: toug" loo loo: za: ciwim yoomo nga" jang" mo phang: loo" nyid go" la". Nanu" gi nanu" da" soolhoo: joem khyoo: nheig dab wigi nga" jhang alheing: tau" loo nghoid ago".

HOSEA 11:2

Nghoid loug we' ngoo nyang: ri je khi: lang" nyang: gi nga" jang" mo je lheing: phug lo" da:. Nga" byu yigi Bala ri xoin" ngei" byid: da:. Nyangnu" gi soolhoo: joem ri nam pyo: ja: nghe' ngei" byid: da:.

HOSEA 14:4

Aseing gi «Nga" byumyu" yiri nga" jhang khyoo: doem shu" yu wa. Ngoo gi nyangnu" ri nga" nheigloem: ung: khoug: dangain" yo' jheddab wa. Nyangnu" ri ngoo khanham we' nheig ayoo: loo: wa.

HOSEA 4:16

Israela byumyu" yigi Loo kung" joem yo' dakhyo" nheigloem: thain: ago". Ngoo gi nyangnu" ri khasu" koid wigi yang joem ri yo' dakhyo" mhain" yoo moo yo" zhoo" wa lha".

HOSEA 7:16

Nyangnu" gi nga" jang" mo vi: khyoo: phang: lo" wigi ce: yoem: so' abo da" yu phara" jhang yhe: ago". Nyangnu" gi adu da" lid: yhang: ti" loem age" da" bang: nghoid da:. Nyangnu" da" vhujhung: yigi nghoid boin: dang: tid yoomo nyangnu" gi mi: shid: shid loo goo" wa. Houg: lho: Egutu byu yigi yi juang" byid: goo" wa» ga: tid da:.